हैंహైHaindavamஹிહિં
📍
Font Size:
അഷ്ടാക്ഷര ശ്രീരാമ മന്ത്ര സ്തോത്രം
സ സർവം സിദ്ധിമാസാദ്യ ഹ്യന്തേ രാമപദം വ്രജേത് ।
ചിന്തയേച്ചേതസാ നിത്യം ശ്രീരാമഃ ശരണം മമ ॥ 1 ॥
വിശ്വസ്യ ചാത്മനോ നിത്യം പാരതന്ത്ര്യം വിചിന്ത്യ ച ।
ചിന്തയേച്ചേതസാ നിത്യം ശ്രീരാമഃ ശരണം മമ ॥ 2 ॥
അചിന്ത്യോഽപി ശരീരാദേഃ സ്വാതന്ത്ര്യേണൈവ വിദ്യതേ ।
ചിന്തയേച്ചേതസാ നിത്യം ശ്രീരാമഃ ശരണം മമ ॥ 3 ॥
ആത്മാധാരം സ്വതന്ത്രം ച സർവശക്തിം വിചിന്ത്യ ച ।
ചിന്തയേച്ചേതസാ നിത്യം ശ്രീരാമഃ ശരണം മമ ॥ 4 ॥
നിത്യാത്മഗുണസമ്യുക്തോ നിത്യാത്മതനുമണ്ഡിതഃ ।
നിത്യാത്മകേലിനിരതഃ ശ്രീരാമഃ ശരണം മമ ॥ 5 ॥
ഗുണലീലാസ്വരൂപൈശ്ച മിതിര്യസ്യ ന വിദ്യതേ ।
അതോഽവാങ്മനസാ വേദ്യഃ ശ്രീരാമഃ ശരണം മമ ॥ 6 ॥
കർതാ സർവസ്യ ജഗതോ ഭർതാ സർവസ്യ സർവഗഃ ।
ആഹർതാ കാര്യ ജാതസ്യ ശ്രീരാമഃ ശരണം മമ ॥ 7 ॥
വാസുദേവാദിമൂർതീനാം ചതുർണാം കാരണം പരം ।
ചതുർവിംശതി മൂർതീനാം ശ്രീരാമഃ ശരണം മമ ॥ 8 ॥
നിത്യമുക്തജനൈർജുഷ്ടോ നിവിഷ്ടഃ പരമേ പദേ ।
പദം പരമഭക്താനാം ശ്രീരാമഃ ശരണം മമ ॥ 9 ॥
മഹദാദിസ്വരൂപേണ സംസ്ഥിതഃ പ്രാകൃതേ പദേ ।
ബ്രഹ്മാദിദേവരൂപൈശ്ച ശ്രീരാമഃ ശരണം മമ ॥ 10 ॥
മന്വാദിനൃപരൂപേണ ശ്രുതിമാർഗം ബിഭർതിയഃ ।
യഃ പ്രാകൃത സ്വരൂപേണ ശ്രീരാമഃ ശരണം മമ ॥ 11 ॥
ഋഷിരൂപേണ യോ ദേവോ വന്യവൃത്തിമപാലയത് ।
യോഽന്തരാത്മാ ച സർവേഷാം ശ്രീരാമഃ ശരണം മമ ॥ 12 ॥
യോഽസൗ സർവതനുഃ സർവഃ സർവനാമാ സനാതനഃ ।
ആസ്ഥിതഃ സർവഭാവേഷു ശ്രീരാമഃ ശരണം മമ ॥ 13 ॥
ബഹിർമത്സ്യാദിരൂപേണ സദ്ധർമമനുപാലയൻ ।
പരിപാതി ജനാൻ ദീനാൻ ശ്രീരാമഃ ശരണം മമ ॥ 14 ॥
യശ്ചാത്മാനം പൃഥക്കൃത്യ ഭാവേന പുരുഷോത്തമഃ ।
അർചായാമാസ്ഥിതോ ദേവഃ ശ്രീരാമഃ ശരണം മമ ॥ 15 ॥
അർചാവതാര രൂപേണ ദർശനസ്പർശനാദിഭിഃ ।
ദീനാനുദ്ധരതേ യോഽസൗ ശ്രീരാമഃ ശരണം മമ ॥ 16 ॥
കൗശല്യാശുക്തിസഞ്ജാതോ ജാനകീകണ്ഠഭൂഷണഃ ।
മുക്താഫലസമോ യോഽസൗ ശ്രീരാമഃ ശരണം മമ ॥ 17 ॥
വിശ്വാമിത്രമഖത്രാതാ താടകാഗതിദായകഃ ।
അഹല്യാശാപശമനഃ ശ്രീരാമഃ ശരണം മമ ॥ 18 ॥
പിനാകഭഞ്ജനഃ ശ്രീമാൻ ജാനകീപ്രേമപാലകഃ ।
ജാമദഗ്ന്യപ്രതാപഘ്നഃ ശ്രീരാമഃ ശരണം മമ ॥ 19 ॥
രാജ്യാഭിഷേകസംഹൃഷ്ടഃ കൈകേയീ വചനാത്പുനഃ ।
പിതൃദത്തവനക്രീഡഃ ശ്രീരാമഃ ശരണം മമ ॥ 20 ॥
ജടാചീരധരോധന്വീ ജാനകീലക്ഷ്മണാന്വിതഃ ।
ചിത്രകൂടകൃതാവാസഃ ശ്രീരാമഃ ശരണം മമ ॥ 21 ॥
മഹാപഞ്ചവടീലീലാ സഞ്ജാതപരമോത്സവഃ ।
ദണ്ഡകാരണ്യസഞ്ചാരീ ശ്രീരാമഃ ശരണം മമ ॥ 22 ॥
ഖരദൂഷണവിച്ഛേദീ ദുഷ്ടരാക്ഷസഭഞ്ജനഃ ।
ഹൃതശൂർപണഖാശോഭഃ ശ്രീരാമഃ ശരണം മമ ॥ 23 ॥
മായാമൃഗവിഭേത്താ ച ഹൃതസീതാനുതാപകൃത് ।
ജാനകീവിരഹാക്രോശീ ശ്രീരാമഃ ശരണം മമ ॥ 24 ॥
ലക്ഷ്മണാനുചരോധന്വീ ലോകയാത്രാവിഡംബകൃത് ।
പമ്പാതീരകൃതാന്വേഷഃ ശ്രീരാമഃ ശരണം മമ ॥ 25 ॥
ജടായുഗതി ദാതാ ച കബന്ധഗതിദായകഃ ।
ഹനുമത്കൃതസാഹിത്യ ശ്രീരാമഃ ശരണം മമ ॥ 26 ॥
സുഗ്രീവരാജ്യദഃ ശ്രീശോ വാലിനിഗ്രഹകാരകഃ ।
അംഗദാശ്വാസനകരഃ ശ്രീരാമഃ ശരണം മമ ॥ 27 ॥
സീതാന്വേഷണനിർമുക്തഹനുമത്പ്രമുഖവ്രജഃ ।
മുദ്രാനിവേശിതബലഃ ശ്രീരാമഃ ശരണം മമ ॥ 28 ॥
ഹേലോത്തരിതപാഥോധിർബലനിർധൂതരാക്ഷസഃ ।
ലങ്കാദാഹകരോ ധീരഃ ശ്രീരാമഃ ശരണം മമ ॥ 29 ॥
രോഷസംബദ്ധപാഥോധിർലങ്കാപ്രാസാദരോധകഃ ।
രാവണാദിപ്രഭേത്താ ച ശ്രീരാമഃ ശരണം മമ ॥ 30 ॥
ജാനകീ ജീവനത്രാതാ വിഭീഷണസമൃദ്ധിദഃ ।
പുഷ്പകാരോഹണാസക്തഃ ശ്രീരാമഃ ശരണം മമ ॥ 31 ॥
രാജ്യസിംഹാസനാരൂഢഃ കൗശല്യാനന്ദവർധനഃ ।
നാമനിർധൂതനിരയഃ ശ്രീരാമഃ ശരണം മമ ॥ 32 ॥
യജ്ഞകർതാ യജ്ഞഭോക്താ യജ്ഞഭർതാമഹേശ്വരഃ ।
അയോധ്യാമുക്തിദഃ ശാസ്താ ശ്രീരാമഃ ശരണം മമ ॥ 33 ॥
പ്രപഠേദ്യഃ ശുഭം സ്തോത്രം മുച്യേത ഭവബന്ധനാത് ।
മന്ത്രശ്ചാഷ്ടാക്ഷരോ ദേവഃ ശ്രീരാമഃ ശരണം മമ ॥ 34 ॥
പ്രപന്നഃ സർവധർമേഭ്യോഃ മാമേകം ശരണം ഗതഃ ।
പഠേന്നിദം മമ സ്തോത്രം മുച്യതേ ഭവ ബന്ധനാത് ॥ 35 ॥
ഇതി ബൃഹദ്ബ്രഹ്മസംഹിതാന്തർഗത അഷ്ടാക്ഷര ശ്രീരാമ മന്ത്ര സ്തോത്രം ।
Recite with devotion and pure heart
Regular practice brings spiritual benefits