ஸநத்குமார உவாச – அத² தே கவசம் தே³வ்யா வக்ஷ்யே நவரதாத்மகம் । யேந தே³வாஸுரநரஜயீ ஸ்யாத்ஸாத⁴க꞉ ஸதா³ ॥ 1 ॥ ஸர்வத꞉ ஸர்வதா³த்மாநம் லலிதா பாது ஸர்வகா³ । காமேஶீ புரத꞉ பாது ப⁴க³மாலீ த்வநந்தரம் ॥ 2 ॥ தி³ஶம் பாது ததா² த³க்ஷபார்ஶ்வம் மே பாது ஸர்வதா³ । நித்யக்லிந்நாத² பே⁴ருண்டா³ தி³ஶம் மே பாது கௌணபீம் ॥ 3 ॥ ததை²வ பஶ்சிமம் பா⁴க³ம் ரக்ஷதாத்³வஹ்நிவாஸிநீ । மஹாவஜ்ரேஶ்வரீ நித்யா வாயவ்யே மாம் ஸதா³வது ॥ 4 ॥ வாமபார்ஶ்வம் ஸதா³ பாது இதீமேலரிதா தத꞉ । மாஹேஶ்வரீ தி³ஶம் பாது த்வரிதம் ஸித்³தி⁴தா³யிநீ ॥ 5 ॥ பாது மாமூர்த்⁴வத꞉ ஶஶ்வத்³தே³வதா குலஸுந்த³ரீ । அதோ⁴ நீலபதாகாக்²யா விஜயா ஸர்வதஶ்ச மாம் ॥ 6 ॥ கரோது மே மங்க³ளாநி ஸர்வதா³ ஸர்வமங்க³ளா । தே³ஹேந்த்³ரியமந꞉ப்ராணாஞ்ஜ்வாலாமாலிநிவிக்³ரஹா ॥ 7 ॥ பாலயத்வநிஶம் சித்தா சித்தம் மே ஸர்வதா³வது । காமாத்க்ரோதா⁴த்ததா² லோபா⁴ந்மோஹாந்மாநாந்மதா³த³பி ॥ 8 ॥ பாபாந்மாம் ஸர்வத꞉ ஶோகாத்ஸங்க்ஷயாத்ஸர்வத꞉ ஸதா³ । அஸத்யாத்க்ரூரசிந்தாதோ ஹிம்ஸாதஶ்சௌரதஸ்ததா² । ஸ்தைமித்யாச்ச ஸதா³ பாது ப்ரேரயந்த்ய꞉ ஶுப⁴ம் ப்ரதி ॥ 9 ॥ நித்யா꞉ ஷோட³ஶ மாம் பாது க³ஜாரூடா⁴꞉ ஸ்வஶக்திபி⁴꞉ । ததா² ஹயஸமாரூடா⁴꞉ பாது மாம் ஸர்வத꞉ ஸதா³ ॥ 10 ॥ ஸிம்ஹாரூடா⁴ஸ்ததா² பாது பாது ருக்ஷக³தா அபி । ரதா²ரூடா⁴ஶ்ச மாம் பாது ஸர்வத꞉ ஸர்வதா³ ரணே ॥ 11 ॥ தார்க்ஷ்யாரூடா⁴ஶ்ச மாம் பாது ததா² வ்யோமக³தாஶ்ச தா꞉ । பூ⁴தகா³꞉ ஸர்வகா³꞉ பாது பாது தே³வ்யஶ்ச ஸர்வதா³ ॥ 12 ॥ பூ⁴தப்ரேதபிஶாசாஶ்ச பரக்ருத்யாதி³கான் க³தா³ன் । த்³ராவயந்து ஸ்வஶக்தீநாம் பூ⁴ஷணைராயுதை⁴ர்மம ॥ 13 ॥ க³ஜாஶ்வத்³வீபிபஞ்சாஸ்யதார்க்ஷ்யாரூடா⁴கி²லாயுதா⁴꞉ । அஸங்க்²யா꞉ ஶக்தயோ தே³வ்ய꞉ பாது மாம் ஸர்வத꞉ ஸதா³ ॥ 14 ॥ ஸாயம் ப்ராதர்ஜபந்நித்யாகவசம் ஸர்வரக்ஷகம் । கதா³சிந்நாஶுப⁴ம் பஶ்யேத்ஸர்வதா³நந்த³மாஸ்தி²த꞉ ॥ 15 ॥ இத்யேதத்கவசம் ப்ரோக்தம் லலிதாயா꞉ ஶுபா⁴வஹம் । யஸ்ய ஸந்தா⁴ரணாந்மர்த்யோ நிர்ப⁴யோ விஜயீ ஸுகீ² ॥ 16 ॥ இதி ஶ்ரீப்³ருஹந்நாரதீ³யபுராணே பூர்வபா⁴கே³ த்ருதீயபாதே³ ப்³ருஹது³பாக்²யாநே ஏகோநநவதிதமோ(அ)த்⁴யாயே ஶ்ரீ லலிதா கவசம் ।