हैंహైHaindavamஹிહિં
📍
Font Size:
ശാരദാ പ്രാർഥനാ
നമസ്തേ ശാരദേ ദേവി കാശ്മീരപുരവാസിനി ।
ത്വാമഹം പ്രാർഥയേ നിത്യം വിദ്യാദാനം ച ദേഹി മേ ॥ 1 ॥
യാ ശ്രദ്ധാ ധാരണാ മേധാ വാഗ്ദേവീ വിധിവല്ലഭാ ।
ഭക്തജിഹ്വാഗ്രസദനാ ശമാദിഗുണദായിനീ ॥ 2 ॥
നമാമി യാമിനീം നാഥലേഖാലങ്കൃതകുന്തലാം ।
ഭവാനീം ഭവസന്താപനിർവാപണസുധാനദീം ॥ 3 ॥
ഭദ്രകാല്യൈ നമോ നിത്യം സരസ്വത്യൈ നമോ നമഃ ।
വേദവേദാംഗവേദാന്തവിദ്യാസ്ഥാനേഭ്യ ഏവ ച ॥ 4 ॥
ബ്രഹ്മസ്വരൂപാ പരമാ ജ്യോതിരൂപാ സനാതനീ ।
സർവവിദ്യാധിദേവീ യാ തസ്യൈ വാണ്യൈ നമോ നമഃ ॥ 5 ॥
യയാ വിനാ ജഗത് സർവം ശശ്വജ്ജീവന്മൃതം ഭവേത് ।
ജ്ഞാനാധിദേവീ യാ തസ്യൈ സരസ്വത്യൈ നമോ നമഃ ॥ 6 ॥
യയാ വിനാ ജഗത് സർവം മൂകമുന്മത്തവത് സദാ ।
യാ ദേവീ വാഗധിഷ്ഠാത്രീ തസ്യൈ വാണ്യൈ നമോ നമഃ ॥ 7 ॥
ഇതി ശ്രീ ശാരദാ പ്രാർഥനാ ॥
Recite with devotion and pure heart
Regular practice brings spiritual benefits