yājñavalkya uvācha kṛpāṃ kuru jaganmātar‌-māmēvaṃ hatatējasam‌ । guruśāpāt smṛtibhraṣṭaṃ vidyāhīnaṃ cha duḥkhitam‌ ॥ 1 ॥ jñānaṃ dēhi smṛtiṃ vidyāṃ śaktiṃ śiṣya prabōdhinīm‌ । granthakartṛtva śaktiṃ cha suśiṣyaṃ supratiṣṭhitam‌ ॥ 2 ॥ pratibhāṃ satsabhāyāṃ cha vichārakṣamatāṃ śubhām‌ । luptaṃ sarvaṃ daiva yōgā-nnavībhūtaṃ punaḥ kuru ॥ 3 ॥ yathāṅkuraṃ bhasmani cha karōti dēvatā punaḥ । brahmasvarūpā paramā jyōtīrūpā sanātanī ॥ 4 ॥ sarvavidyādhidēvī yā tasyai vāṇyai namō namaḥ । visarga bindumātrāsu yadadhiṣṭhānamēvacha ॥ 5 ॥ tadadhiṣṭhātrī yā dēvī tasyai vāṇyai namō namaḥ । vyākhyāsvarūpā sā dēvī vyākhyādhiṣṭhātṛrūpiṇī ॥ 6 ॥ yayā vinā prasaṅkhyāvān saṅkhyāṃ kartuṃ na śakyatē । kālasaṅkhyā svarūpā yā tasyai dēvyai namō namaḥ ॥ 7 ॥ bhrama siddhāntarūpā yā tasyai dēvyai namō namaḥ । smṛtiśakti jñānaśakti buddhiśakti svarūpiṇī ॥ 8 ॥ pratibhākalpanāśaktir‌-yā cha tasyai namōnamaḥ । sanatkumārō brahmāṇaṃ jñānaṃ paprachCha yatra vai ॥ 9 ॥ babhūva mūkavatsōspi siddhāntaṃ kartu makṣamaḥ । tadāṣjagāma bhagavā-nātmā śrīkṛṣṇa īśvaraḥ ॥ 10 ॥ uvācha sa cha tāṃ stauhi vāṇī miṣṭāṃ prajāpatē । sa cha tuṣṭāva tāṃ brahmā chājñayā paramātmanaḥ ॥ 11 ॥ chakāra tatprasādēna tadā siddhānta muttamam‌ । yadāpyanantaṃ paprachCha jñānamēkaṃ vasundharā ॥ 12 ॥ babhūva mūkavatsōspi siddhāntaṃ kartu makṣamaḥ । tadā tāṃ cha sa tuṣṭāva santrastaḥ kaśyapājñayā ॥ 13 ॥ tata śchakāra siddhāntaṃ nirmalaṃ bhrama bhañjanam‌ । vyāsaḥ purāṇasūtraṃ cha paprachCha vālmīkiṃ yadā ॥ 14 ॥ maunībhūta ścha sasmāra tāmēva jagadambikām‌ । tadā chakāra siddhāntaṃ tadvarēṇa munīśvaraḥ ॥ 15 ॥ samprāpya nirmalaṃ jñānaṃ bhramāndhya dhvaṃsadīpakam‌ । purāṇasūtraṃ śrutvā cha vyāsaḥ kṛṣṇakalōdbhavaḥ ॥ 16 ॥ tāṃ śivāṃ vēda dadhyau cha śatavarṣaṃ cha puṣkarē । tadā tvattō varaṃ prāpya satkavīndrō babhūva ha ॥ 17 ॥ tadā vēdavibhāgaṃ cha purāṇaṃ cha chakāra saḥ । yadā mahēndraḥ paprachCha tattvajñānaṃ sadāśivam‌ ॥ 18 ॥ kṣaṇaṃ tāmēva sañchintya tasmai jñānaṃ dadau vibhuḥ । paprachCha śabdaśāstraṃ cha mahēndra ścha bṛhaspatim‌ ॥ 19 ॥ divya varṣa sahasraṃ cha sa tvāṃ dadhyau cha puṣkarē । tadā tvattō varaṃ prāpya divyavarṣasahasrakam‌ ॥ 20 ॥ uvācha śabda śāstraṃ cha tadarthaṃ cha surēśvaram‌ । adhyāpitāścha yē śiṣyā yairadhītaṃ munīśvaraiḥ ॥ 21 ॥ tē cha tāṃ parisañchitya pravartantē surēśvarīm‌ । tvaṃ saṃstutā pūjitā cha munīndrai rmanu mānavaiḥ ॥ 22 ॥ daityēndrai ścha suraiśchāpi brahma viṣṇuśivādibhiḥ । jaḍībhūta ssahasrāsyaḥ pañchavaktra śchaturmukhaḥ ॥ 23 ॥ yāṃ stōtuṃ ki mahaṃ staumi tāmēkāsyēna mānavaḥ । ityuktvā yājñavalkya ścha bhaktinamrātma kandharaḥ ॥ 24 ॥ praṇanāma nirāhārō rurōda cha muhurmuhuḥ । jyōtīrūpā mahāmāyā tēna dṛṣṭā7pyuvācha tam‌ ॥ 25 ॥ sukavīndrō bhavētyuktvā vaikuṇṭhaṃ cha jagāma ha । yājñavalkya kṛtaṃ vāṇī stōtramētattu yaḥ paṭhēt‌ ॥ 26 ॥ sa kavīndrō mahāvāgmī bṛhaspatisamō bhavēt‌ । mahā mūrkhaścha durbuddhir‌-varṣamēkaṃ yadā paṭhēt‌ । sa paṇḍitaścha mēdhāvī sukavīndrō bhavēddhruvam‌ ॥ 27 ॥ iti śrī dēvī bhāgavatē mahāpurāṇē navamaskandhē sarasvatīstavaṃ nāma pañchamōdhyāyaḥ । sarasvatī kaṭākṣa siddhirastu । idaṃ mayākṛtaṃ pārāyaṇaṃ śrīsadguru charaṇāravindārpaṇamastu ।