Sharada Bhujanga Prayata Ashtakam

suvakṣōjakumbhāṃ sudhāpūrṇakumbhāṃ prasādāvalambāṃ prapuṇyāvalambām । sadāsyēndubimbāṃ sadānōṣṭhabimbāṃ bhajē śāradāmbāmajasraṃ madambām ॥ 1 ॥ kaṭākṣē dayārdrāṃ karē jñānamudrāṃ kalābhirvinidrāṃ kalāpaiḥ subhadrām । purastrīṃ vinidrāṃ purastuṅgabhadrāṃ bhajē śāradāmbāmajasraṃ madambām ॥ 2 ॥ lalāmāṅkaphālāṃ lasadgānalōlāṃ svabhaktaikapālāṃ yaśaḥśrīkapōlām । karē tvakṣamālāṃ kanatpatralōlāṃ bhajē śāradāmbāmajasraṃ madambām ॥ 3 ॥ susīmantavēṇīṃ dṛśā nirjitaiṇīṃ ramatkīravāṇīṃ namadvajrapāṇīm । sudhāmantharāsyāṃ mudā chintyavēṇīṃ bhajē śāradāmbāmajasraṃ madambām ॥ 4 ॥ suśāntāṃ sudēhāṃ dṛgantē kachāntāṃ lasatsallatāṅgīmanantāmachintyām । smarēttāpasaiḥ sargapūrvasthitāṃ tāṃ bhajē śāradāmbāmajasraṃ madambām ॥ 5 ॥ kuraṅgē turaṅgē mṛgēndrē khagēndrē marālē madēbhē mahōkṣē'dhirūḍhām । mahatyāṃ navamyāṃ sadā sāmarūpāṃ bhajē śāradāmbāmajasraṃ madambām ॥ 6 ॥ jvalatkāntivahniṃ jaganmōhanāṅgīṃ bhajē mānasāmbhōja subhrāntabhṛṅgīm । nijastōtrasaṅgītanṛtyaprabhāṅgīṃ bhajē śāradāmbāmajasraṃ madambām ॥ 7 ॥ bhavāmbhōjanētrājasampūjyamānāṃ lasanmandahāsaprabhāvaktrachihnām । chalachchañchalāchārutāṭaṅkakarṇāṃ bhajē śāradāmbāmajasraṃ madambām ॥ 8 ॥ ॥ iti śrīmachChaṅkarāchāryavirachitā śrī śāradā bhujaṅga prayātāṣṭakam ॥

Recite with devotion and pure heart

Regular practice brings spiritual benefits

More stotras of Saraswati: