ಪತ್ರಿಗ್ರಾಮ ಸಮುದ್ಭೂತಂ ದ್ವಾರಕಾಮಾಯಿ ವಾಸಿನಂ । ಭಕ್ತಾಭೀಷ್ಟಪ್ರದಂ ದೇವಂ ಸಾಯಿನಾಥಂ ನಮಾಮ್ಯಹಂ ॥ 1 ॥ ಮಹೋನ್ನತ ಕುಲೇಜಾತಂ ಕ್ಷೀರಾಂಬುಧಿ ಸಮೇ ಶುಭೇ । ದ್ವಿಜರಾಜಂ ತಮೋಘ್ನಂ ತಂ ಸಾಯಿನಾಥಂ ನಮಾಮ್ಯಹಂ ॥ 2 ॥ ಜಗದುದ್ಧಾರಣಾರ್ಥಂ ಯೋ ನರರೂಪ ಧರೋ ವಿಭುಃ । ಯೋಗಿನಂ ಚ ಮಹಾತ್ಮಾನಂ ಸಾಯಿನಾಥಂ ನಮಾಮ್ಯಹಂ ॥ 3 ॥ ಸಾಕ್ಷಾತ್ಕಾರೇ ಜಯೇ ಲಾಭೇ ಸ್ವಾತ್ಮಾರಾಮೋ ಗುರೋರ್ಮುಖಾತ್ । ನಿರ್ಮಲಂ ಮಮ ಗಾತ್ರಂ ಚ ಸಾಯಿನಾಥಂ ನಮಾಮ್ಯಹಂ ॥ 4 ॥ ಯಸ್ಯ ದರ್ಶನ ಮಾತ್ರೇಣ ನಶ್ಯಂತಿ ವ್ಯಾಧಿ ಕೋಟಯಃ । ಸರ್ವೇ ಪಾಪಾಃ ಪ್ರಣಶ್ಯಂತಿ ಸಾಯಿನಾಥಂ ನಮಾಮ್ಯಹಂ ॥ 5 ॥ ನರಸಿಂಹಾದಿ ಶಿಷ್ಯಾಣಾಂ ದದೌ ಯೋಽನುಗ್ರಹಂ ಗುರುಃ । ಭವಬಂಧಾಪಹರ್ತಾರಂ ಸಾಯಿನಾಥಂ ನಮಾಮ್ಯಹಂ ॥ 6 ॥ ಧನಾಢ್ಯಾನ್ ಚ ದರಿದ್ರಾನ್ಯಃ ಸಮದೃಷ್ಟ್ಯೇವ ಪಶ್ಯತಿ । ಕರುಣಾಸಾಗರಂ ದೇವಂ ಸಾಯಿನಾಥಂ ನಮಾಮ್ಯಹಂ ॥ 7 ॥ ಸಮಾಧಿಸ್ಥೋಪಿ ಯೋ ಭಕ್ತ್ಯಾ ಸಮತೀರ್ಥಾರ್ಥದಾನತಃ । ಅಚಿಂತ್ಯ ಮಹಿಮಾನಂತಂ ಸಾಯಿನಾಥಂ ನಮಾಮ್ಯಹಂ ॥ 8 ॥ ಇತಿ ಶ್ರೀ ಸಾಯಿನಾಥ ಅಷ್ಟಕಂ ॥