நடேஶ ஸ்தவ꞉

ஹ்ரீமத்யா ஶிவயா விராண்மயமஜம்ʼ ஹ்ருʼத்பங்கஜஸ்த²ம்ʼ ஸதா³

ஹ்ரீணானா ஶிவகீர்தனே ஹிதகரம்ʼ ஹேலாஹ்ருʼதா³ மானினாம் ।

ஹோபே³ராதி³ஸுக³ந்த⁴வஸ்துருசிரம்ʼ ஹேமாத்³ரிபா³ணாஸனம்ʼ

ஹ்ரீங்காராதி³கபாத³பீட²மமலம்ʼ ஹ்ருʼத்³யம்ʼ நடேஶம்ʼ ப⁴ஜே ॥ 1 ॥

ஶ்ரீமஜ்ஜ்ஞானஸபா⁴ந்தரே ப்ரவிலஸச்ச்²ரீபஞ்சவர்ணாக்ருʼதிம்ʼ

ஶ்ரீவாணீவினுதாபதா³னனிசயம்ʼ ஶ்ரீவல்லபே⁴னார்சிதம் ।

ஶ்ரீவித்³யாமனுமோதி³னம்ʼ ஶ்ரிதஜனஶ்ரீதா³யகம்ʼ ஶ்ரீத⁴ரம்ʼ

ஶ்ரீசக்ராந்தரவாஸினம்ʼ ஶிவமஹம்ʼ ஶ்ரீமன்னடேஶம்ʼ ப⁴ஜே ॥ 2 ॥

நவ்யாம்போ⁴ஜமுக²ம்ʼ நமஜ்ஜனநிதி⁴ம்ʼ நாராயணேனார்சிதம்ʼ

நாகௌகோநக³ரீநடீலஸிதகம்ʼ நாகா³தி³னாலங்க்ருʼதம் ।

நானாரூபகனர்தநாதி³சதுரம்ʼ நாலீகஜான்வேஷிதம்ʼ

நாதா³த்மானமஹம்ʼ நகே³ந்த்³ரதனயாநாத²ம்ʼ நடேஶம்ʼ ப⁴ஜே ॥ 3 ॥

மத்⁴யஸ்த²ம்ʼ மது⁴வைரிமார்கி³தபத³ம்ʼ மத்³வம்ʼஶநாத²ம்ʼ ப்ரபு⁴ம்ʼ

மாராதீதமதீவ மஞ்ஜுவபுஷம்ʼ மந்தா³ரகௌ³ரப்ரப⁴ம் ।

மாயாதீதமஶேஷமங்க³லநிதி⁴ம்ʼ மத்³பா⁴வநாபா⁴விதம்ʼ

மத்⁴யேவ்யோமஸபா⁴கு³ஹாந்தமகி²லாகாஶம்ʼ நடேஶம்ʼ ப⁴ஜே ॥ 4 ॥

ஶிஷ்டை꞉ பூஜிதபாது³கம்ʼ ஶிவகரம்ʼ ஶீதாம்ʼஶுரேகா²த⁴ரம்ʼ

ஶில்பம்ʼ ப⁴க்தஜனாவனே ஶிதி²லிதாகௌ⁴க⁴ம்ʼ ஶிவாயா꞉ ப்ரியம் ।

ஶிக்ஷாரக்ஷணமம்பு³ஜாஸனஶிர꞉ ஸம்ʼஹாரஶீலப்ரபு⁴ம்ʼ

ஶீதாபாங்க³விலோசனம்ʼ ஶிவமஹம்ʼ ஶ்ரீமன்னடேஶம்ʼ ப⁴ஜே ॥ 5 ॥

வாணீவல்லப⁴வந்த்³யவைப⁴வயுதம்ʼ வந்தா³ருசிந்தாமணிம்ʼ

வாதாஶாதி⁴பபூ⁴ஷணம்ʼ பரக்ருʼபாவாராந்நிதி⁴ம்ʼ யோகி³னாம் ।

வாஞ்சா²பூர்திகரம்ʼ வலாரிவினுதம்ʼ வாஹீக்ருʼதாம்நாயகம்ʼ

வாமங்கா³த்தவராங்க³னம்ʼ மம ஹ்ருʼதா³வாஸம்ʼ நடேஶம்ʼ ப⁴ஜே ॥ 6 ॥

யக்ஷாதீ⁴ஶஸக²ம்ʼ யமப்ரமத²னம்ʼ யாமின்யதீ⁴ஶாஸனம்ʼ

யஜ்ஞத்⁴வம்ʼஸகரம்ʼ யதீந்த்³ரவினுதம்ʼ யஜ்ஞக்ரியாதீ³ஶ்வரம் ।

யாஜ்யம்ʼ யாஜகரூபிணம்ʼ யமத⁴னைர்யத்னோபலப்⁴யாங்க்⁴ரிகம்ʼ

வாஜீபூ⁴தவ்ருʼஷம்ʼ ஸதா³ ஹ்ருʼதி³ மமாயத்தம்ʼ நடேஶம்ʼ ப⁴ஜே ॥ 7 ॥

மாயாஶ்ரீவிலஸச்சித³ம்ப³ரமஹாபஞ்சாக்ஷரைரங்கிதான்

ஶ்லோகான் ஸப்த பட²ந்தி யே(அ)னுதி³வஸம்ʼ சிந்தாமணீநாமகான் ।

தேஷாம்ʼ பா⁴க்³யமனேகமாயுரதி⁴கான் வித்³வத்³வரான் ஸத்ஸுதான்

ஸர்வாபீ⁴ஷ்டமஸௌ த³தா³தி ஸஹஸா ஶ்ரீமத்ஸபா⁴தீ⁴ஶ்வர꞉ ॥ 8 ॥

இதி ஶ்ரீ நடேஶ ஸ்தவ꞉ ।

Recite with devotion and pure heart

Regular practice brings spiritual benefits