நடராஜ ஸ்தோத்ரம்ʼ

ஸத³ஞ்சித-முத³ஞ்சித நிகுஞ்சித பத³ம்ʼ ஜ²லஜ²லம்ʼ-சலித மஞ்ஜு கடகம் ।

பதஞ்ஜலி த்³ருʼக³ஞ்ஜன-மனஞ்ஜன-மசஞ்சலபத³ம்ʼ ஜனன ப⁴ஞ்ஜன கரம் ।

கத³ம்ப³ருசிமம்ப³ரவஸம்ʼ பரமமம்பு³த³ கத³ம்ப³ கவிட³ம்ப³க க³லம்

சித³ம்பு³தி⁴ மணிம்ʼ பு³த⁴ ஹ்ருʼத³ம்பு³ஜ ரவிம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 1 ॥

ஹரம்ʼ த்ரிபுர ப⁴ஞ்ஜன-மனந்தக்ருʼதகங்கண-மக²ண்ட³த³ய-மந்தரஹிதம்ʼ

விரிஞ்சிஸுரஸம்ʼஹதிபுரந்த⁴ர விசிந்திதபத³ம்ʼ தருணசந்த்³ரமகுடம் ।

பரம்ʼ பத³ விக²ண்டி³தயமம்ʼ ப⁴ஸித மண்டி³ததனும்ʼ மத³னவஞ்சன பரம்ʼ

சிரந்தனமமும்ʼ ப்ரணவஸஞ்சிதநிதி⁴ம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 2 ॥

அவந்தமகி²லம்ʼ ஜக³த³ப⁴ங்க³ கு³ணதுங்க³மமதம்ʼ த்⁴ருʼதவிது⁴ம்ʼ ஸுரஸரித்-

தரங்க³ நிகுரும்ப³ த்⁴ருʼதி லம்பட ஜடம்ʼ ஶமனத³ம்ப⁴ஸுஹரம்ʼ ப⁴வஹரம் ।

ஶிவம்ʼ த³ஶதி³க³ந்தர விஜ்ருʼம்பி⁴தகரம்ʼ கரலஸன்ம்ருʼக³ஶிஶும்ʼ பஶுபதிம்ʼ

ஹரம்ʼ ஶஶித⁴னஞ்ஜயபதங்க³நயனம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 3 ॥

அனந்தனவரத்னவிலஸத்கடககிங்கிணிஜ²லம்ʼ ஜ²லஜ²லம்ʼ ஜ²லரவம்ʼ

முகுந்த³விதி⁴ ஹஸ்தக³தமத்³த³ல லயத்⁴வநிதி⁴மித்³தி⁴மித நர்தன பத³ம் ।

ஶகுந்தரத² ப³ர்ஹிரத² நந்தி³முக² ப்⁴ருʼங்கி³ரிடிஸங்க⁴நிகடம்ʼ ப⁴யஹரம்

ஸனந்த³ ஸனக ப்ரமுக² வந்தி³த பத³ம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 4 ॥

அனந்தமஹஸம்ʼ த்ரித³ஶவந்த்³ய சரணம்ʼ முனி ஹ்ருʼத³ந்தர வஸந்தமமலம்

கப³ந்த⁴ வியதி³ந்த்³வவனி க³ந்த⁴வஹ வஹ்னிமக² ப³ந்து⁴ரவிமஞ்ஜு வபுஷம் ।

அனந்தவிப⁴வம்ʼ த்ரிஜக³த³ந்தர மணிம்ʼ த்ரிநயனம்ʼ த்ரிபுர க²ண்ட³ன பரம்

ஸனந்த³ முனி வந்தி³த பத³ம்ʼ ஸகருணம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 5 ॥

அசிந்த்யமலிவ்ருʼந்த³ ருசி ப³ந்து⁴ரக³லம்ʼ குரித குந்த³ நிகுரும்ப³ த⁴வலம்

முகுந்த³ ஸுர வ்ருʼந்த³ ப³ல ஹந்த்ருʼ க்ருʼத வந்த³ன லஸந்தமஹிகுண்ட³ல த⁴ரம் ।

அகம்பமனுகம்பித ரதிம்ʼ ஸுஜன மங்க³லநிதி⁴ம்ʼ க³ஜஹரம்ʼ பஶுபதிம்

த⁴னஞ்ஜய நுதம்ʼ ப்ரணத ரஞ்ஜனபரம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 6 ॥

பரம்ʼ ஸுரவரம்ʼ புரஹரம்ʼ பஶுபதிம்ʼ ஜனித த³ந்திமுக² ஷண்முக²மமும்ʼ

ம்ருʼட³ம்ʼ கனக பிங்க³ல ஜடம்ʼ ஸனக பங்கஜ ரவிம்ʼ ஸுமனஸம்ʼ ஹிமருசிம் ।

அஸங்க⁴மனஸம்ʼ ஜலதி⁴ ஜன்மக³ரலம்ʼ கவலயந்த மதுலம்ʼ கு³ணநிதி⁴ம்

ஸனந்த³ வரத³ம்ʼ ஶமிதமிந்து³ வத³னம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 7 ॥

அஜம்ʼ க்ஷிதிரத²ம்ʼ பு⁴ஜக³புங்க³வகு³ணம்ʼ கனக ஶ்ருʼங்கி³ த⁴னுஷம்ʼ கரலஸத்

குரங்க³ ப்ருʼது² டங்க பரஶும்ʼ ருசிர குங்கும ருசிம்ʼ ட³மருகம்ʼ ச த³த⁴தம் ।

முகுந்த³ விஶிக²ம்ʼ நமத³வந்த்⁴ய ப²லத³ம்ʼ நிக³ம வ்ருʼந்த³ துரக³ம்ʼ நிருபமம்ʼ

ஸ சண்டி³கமமும்ʼ ஜ²டிதி ஸம்ʼஹ்ருʼதபுரம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 8 ॥

அனங்க³பரிபந்தி²னமஜம்ʼ க்ஷிதி து⁴ரந்த⁴ரமலம்ʼ கருணயந்தமகி²லம்ʼ

ஜ்வலந்தமனலம்ʼ த³த⁴தமந்தகரிபும்ʼ ஸததமிந்த்³ர ஸுரவந்தி³தபத³ம் ।

உத³ஞ்சத³ரவிந்த³குல ப³ந்து⁴ஶத பி³ம்ப³ருசி ஸம்ʼஹதி ஸுக³ந்தி⁴ வபுஷம்ʼ

பதஞ்ஜலி நுதம்ʼ ப்ரணவ பஞ்ஜர ஶுகம்ʼ பர சித³ம்ப³ர நடம்ʼ ஹ்ருʼதி³ ப⁴ஜ ॥ 9 ॥

இதி ஸ்தவமமும்ʼ பு⁴ஜக³புங்க³வ க்ருʼதம்ʼ ப்ரதிதி³னம்ʼ பட²தி ய꞉ க்ருʼதமுக²꞉

ஸத³꞉ ப்ரபு⁴பத³ த்³விதயத³ர்ஶனபத³ம்ʼ ஸுலலிதம்ʼ சரண ஶ்ருʼங்க³ ரஹிதம் ।

ஸர꞉ ப்ரப⁴வ ஸம்ப⁴வ ஹரித்பதி ஹரிப்ரமுக² தி³வ்யனுத ஶங்கரபத³ம்ʼ

ஸ க³ச்ச²தி பரம்ʼ ந து ஜனுர்ஜலநிதி⁴ம்ʼ பரமது³꞉க²ஜனகம்ʼ து³ரிதத³ம் ॥ 10 ॥

இதி ஶ்ரீ பதஞ்ஜலிமுனி ப்ரணீதம்ʼ சரணஶ்ருʼங்க³ரஹித நடராஜ ஸ்தோத்ரம்ʼ ஸம்பூர்ணம் ॥

Recite with devotion and pure heart

Regular practice brings spiritual benefits