நடராஜாஷ்டகம்

குஞ்ஜரசர்மக்ருʼதாம்ப³ரமம்பு³ருஹாஸனமாத⁴வகே³யகு³ணம்ʼ

ஶங்கரமந்தகமானஹரம்ʼ ஸ்மரதா³ஹகலோசனமேணத⁴ரம் ।

ஸாஞ்ஜலியோகி³பதஞ்ஜலிஸன்னுதமிந்து³கலாத⁴ரமப்³ஜமுக²ம்ʼ

மஞ்ஜுலஶிஞ்ஜிதரஞ்ஜிதகுஞ்சிதவாமபத³ம்ʼ ப⁴ஜ ந்ருʼத்யபதிம் ॥ 1 ॥

பிங்க³லதுங்க³ஜடாவலிபா⁴ஸுரக³ங்க³மமங்க³லநாஶகரம்ʼ

புங்க³வவாஹமுமாங்க³த⁴ரம்ʼ ரிபுப⁴ங்க³கரம்ʼ ஸுரலோகனதம் ।

ப்⁴ருʼங்க³விநீலக³லம்ʼ க³ணநாத²ஸுதம்ʼ ப⁴ஜ மானஸ பாபஹரம்ʼ

மங்க³லத³ம்ʼ வரரங்க³பதிம்ʼ ப⁴வஸங்க³ஹரம்ʼ த⁴னராஜஸக²ம் ॥ 2 ॥

பாணிநிஸூத்ரவிநிர்மிதிகாரணபாணிலஸட்³ட³மரூத்த²ரவம்ʼ

மாத⁴வநாதி³தமர்த³லநிர்க³தநாத³லயோத்³த்⁴ருʼதவாமபத³ம் ।

ஸர்வஜக³த்ப்ரலயப்ரபு⁴வஹ்னிவிராஜிதபாணிமுமாலஸிதம்ʼ

பன்னக³பூ⁴ஷணமுன்னதஸன்னுதமானம மானஸ ஸாம்ப³ஶிவம் ॥ 3 ॥

சண்ட³கு³ணான்விதமண்ட³லக²ண்ட³னபண்டி³தமிந்து³கலாகலிதம்ʼ

த³ண்ட³த⁴ராந்தகத³ண்ட³கரம்ʼ வரதாண்ட³வமண்டி³தஹேமஸப⁴ம் ।

அண்ட³கராண்ட³ஜவாஹஸக²ம்ʼ நம பாண்ட³வமத்⁴யமமோத³கரம்ʼ

குண்ட³லஶோபி⁴தக³ண்ட³தலம்ʼ முநிவ்ருʼந்த³னுதம்ʼ ஸகலாண்ட³த⁴ரம் ॥ 4 ॥

வ்யாக்⁴ரபதா³னதமுக்³ரதராஸுரவிக்³ரஹமர்தி³பதா³ம்பு³ருஹம்ʼ

ஶக்ரமுகா²மரவர்க³மனோஹரந்ருʼத்யகரம்ʼ ஶ்ருதினுத்யகு³ணம் ।

வ்யக்³ரதரங்கி³ததே³வது⁴னீத்⁴ருʼதக³ர்வஹராயதகேஶசயம்ʼ

பா⁴ர்க³வராவணபூஜிதமீஶமுமாரமணம்ʼ ப⁴ஜ ஶூலத⁴ரம் ॥ 5 ॥

ஆஸுரஶக்திவிநாஶகரம்ʼ ப³ஹுபா⁴ஸுரகாயமனங்க³ரிபும்ʼ

பூ⁴ஸுரஸேவிதபாத³ஸரோருஹமீஶ்வரமக்ஷரமுக்ஷத்⁴ருʼதம் ।

பா⁴ஸ்கரஶீதகராக்ஷமனாதுரமாஶ்வரவிந்த³பத³ம்ʼ ப⁴ஜ தம்ʼ

நஶ்வரஸம்ʼஸ்ருʼதிமோஹவிநாஶமஹஸ்கரத³ந்தனிபாதகரம் ॥ 6 ॥

பூ⁴திகரம்ʼ ஸிதபூ⁴தித⁴ரம்ʼ க³தநீதிஹரம்ʼ வரகீ³தினுதம்ʼ

ப⁴க்தியுதோத்தமமுக்திகரம்ʼ ஸமஶக்தியுதம்ʼ ஶுப⁴பு⁴க்திகரம் ।

ப⁴த்³ரகரோத்தமநாமயுதம்ʼ ஶ்ருதிஸாமனுதம்ʼ நம ஸோமத⁴ரம்ʼ

ஸ்துத்யகு³ணம்ʼ ப⁴ஜ நித்யமகா³த⁴ப⁴வாம்பு³தி⁴தாரகந்ருʼத்யபதிம் ॥ 7 ॥

ஶூலத⁴ரம்ʼ ப⁴வஜாலஹரம்ʼ நிடிலாக்³நித⁴ரம்ʼ ஜடிலம்ʼ த⁴வலம்ʼ

நீலக³லோஜ்ஜ்வலமங்க³லஸத்³கி³ரிராஜஸுதாம்ருʼது³பாணிதலம் ।

ஶைலகுலாதி⁴பமௌலினதம்ʼ ச²லஹீனமுபைமி கபாலத⁴ரம்ʼ

காலவிஷாஶமனந்தமிலானுதமத்³பு⁴தலாஸ்யகரம்ʼ கி³ரிஶம் ॥ 8 ॥

சித்தஹராதுலந்ருʼத்தபதிப்ரியவ்ருʼத்தக்ருʼதோத்தமகீ³திமிமாம்ʼ

ப்ராதருமாபதிஸந்நிதி⁴கோ³ யதி³ கா³யதி ப⁴க்தியுதோ மனஸி ।

ஸர்வஸுக²ம்ʼ பு⁴வி தஸ்ய ப⁴வத்யமராதி⁴பது³ர்லப⁴மத்யதி⁴கம்ʼ

நாஸ்தி புனர்ஜநிரேதி ச தா⁴ம ஸ ஶாம்ப⁴வமுத்தமமோத³கரம் ॥ 9 ॥

இதி ஶ்ரீ நடராஜாஷ்டகம் ।

Recite with devotion and pure heart

Regular practice brings spiritual benefits