యో దేవః సర్వభూతానామాత్మా హ్యారాధ్య ఏవ చ । గుణాతీతో గుణాత్మా చ స మే నాగః ప్రసీదతు ॥ 1 ॥ హృదయస్థోఽపి దూరస్థః మాయావీ సర్వదేహినాం । యోగినాం చిత్తగమ్యస్తు స మే నాగః ప్రసీదతు ॥ 2 ॥ సహస్రశీర్షః సర్వాత్మా సర్వాధారః పరః శివః । మహావిషస్యజనకః స మే నాగః ప్రసీదతు ॥ 3 ॥ కాద్రవేయోమహాసత్త్వః కాలకూటముఖాంబుజః । సర్వాభీష్టప్రదో దేవః స మే నాగః ప్రసీదతు ॥ 4 ॥ పాతాలనిలయో దేవః పద్మనాభసుఖప్రదః । సర్వాభీష్టప్రదో యస్తు స మే నాగః ప్రసీదతు ॥ 5 ॥ నాగనారీరతో దక్షో నారదాది సుపూజితః । సర్వారిష్టహరో యస్తు స మే నాగః ప్రసీదతు ॥ 6 ॥ పృదాకుదేవః సర్వాత్మా సర్వశాస్త్రార్థపారగః । ప్రారబ్ధపాపహంతా చ స మే నాగః ప్రసీదతు ॥ 7 ॥ లక్ష్మీపతేః సపర్యంకః శంభోః సర్వాంగభూషణః । యో దేవః పుత్రదో నిత్యం స మే నాగః ప్రసీదతు ॥ 8 ॥ ఫణీశః పరమోదారః శాపపాపనివారకః । సర్వపాపహరో యస్తు స మే నాగః ప్రసీదతు ॥ 9 ॥ సర్వమంగలదో నిత్యం సుఖదో భుజగేశ్వరః । యశః కీర్తిం చ విపులాం శ్రియమాయుః ప్రయచ్ఛతు ॥ 10 ॥ మనోవాక్కాయజనితం జన్మజన్మాంతరార్జితం । యత్పాపం నాగదేవేశ విలయం యాతు సంప్రతి ॥ 11 ॥ నీరోగం దేహపుష్టిం చ సర్వవశ్యం ధనాగమం । పశుధాన్యాభివృద్ధిం చ యశోవృద్ధిం చ శాశ్వతం ॥ 12 ॥ పరవాక్ స్తంభినీం విద్యాం వాగ్మిత్వం సూక్ష్మబుద్ధితాం । పుత్రం వంశకరం శ్రేష్ఠం దేహి మే భక్తవత్సల ॥ 13 ॥ ఇతి శ్రీ నాగేశ్వర స్తుతిః ॥