சித³ம்ப³ர பஞ்சசாமர ஸ்தோத்ரம்

கத³ம்ப³கானனப்ரியம்ʼ சித³ம்ப³யா விஹாரிணம்ʼ

மதே³ப⁴கும்ப⁴கு³ம்பி²தஸ்வடி³ம்ப⁴லாலனோத்ஸுகம் ।

ஸத³ம்ப⁴காமக²ண்ட³னம்ʼ ஸத³ம்பு³வாஹினீத⁴ரம்ʼ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 1 ॥

ஸமஸ்தப⁴க்தபோஷணஸ்வஹஸ்தப³த்³த⁴கங்கணம்ʼ

ப்ரஶஸ்தகீர்திவைப⁴வம்ʼ நிரஸ்தஸஜ்ஜனாபத³ம் ।

கரஸ்த²முக்திஸாத⁴னம்ʼ ஶிர꞉ஸ்த²சந்த்³ரமண்ட³னம்ʼ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 2 ॥

ஜடாகிரீடமண்டி³தம்ʼ நிடாலலோசனான்விதம்ʼ

படீக்ருʼதாஷ்டதி³க்தடம்ʼ படீரபங்கலேபனம் ।

நடௌக⁴பூர்வபா⁴வினம்ʼ குடா²ரபாஶதா⁴ரிணம்ʼ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 3 ॥

குரங்க³ஶாப³ஶோபி⁴தம்ʼ சிரம்ʼ க³ஜானனார்சிதம்ʼ

புராங்க³னாவிசாரத³ம்ʼ வராங்க³ராக³ரஞ்ஜிதம் ।

க²ராங்க³ஜாதநாஶகம்ʼ துரங்க³மீக்ருʼதாக³மம்ʼ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 4 ॥

அமந்த³பா⁴க்³யபா⁴ஜனம்ʼ ஸுமந்த³ஹாஸஸன்முக²ம்ʼ

ஸுமந்த³மந்த³கா³மினீகி³ரீந்த்³ரகன்யகாத⁴வம் ।

ஶமம்ʼ த³மம்ʼ த³யாலுதாமமந்த³யந்தமாத்மனோ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 5 ॥

கரீந்த்³ரசர்மவாஸஸம்ʼ கி³ரீந்த்³ரசாபதா⁴ரிணம்ʼ

ஸுரேந்த்³ரமுக்²யபூஜிதம்ʼ க²கே³ந்த்³ரவாஹனப்ரியம் ।

அஹீந்த்³ரபூ⁴ஷணோஜ்ஜ்வலம்ʼ நகே³ந்த்³ரஜாவிலாஸினம்ʼ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 6 ॥

மலாபஹாரிணீதடே ஸதா³ விலாஸகாரிணம்ʼ

ப³லாரிஶாபப⁴ஞ்ஜனம்ʼ லலாமரூபலோசனம் ।

லஸத்ப²ணீந்த்³ரஹாரிணம்ʼ ஜ்வலத்த்ரிஶூலதா⁴ரிணம்ʼ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 7 ॥

ஶஶாங்கபா⁴னுவீதிஹோத்ரராஜிதத்ரிலோசனம்ʼ

விஶாலவக்ஷஸம்ʼ ஸுதீ³ர்க⁴பா³ஹுத³ண்ட³மண்டி³தம் ।

தி³க³ம்ப³ரோல்லஸத்³வபுர்த⁴ரம்ʼ த⁴ராரதா²ன்விதம்ʼ

ஹ்ருʼத³ம்பு³ஜே ஜக³த்³கு³ரும்ʼ சித³ம்ப³ரம்ʼ விபா⁴வயே ॥ 8 ॥

ஸத³ந்தரங்க³ஸஜ்ஜனௌக⁴பாபஸங்க⁴நாஶனே

மதா³ந்த⁴யுக்தது³ர்ஜனாலிஶிக்ஷணே விசக்ஷண꞉ ।

சித³ம்ப³ராக்²யஸத்³கு³ருஸ்வரூபமேத்ய பூ⁴தலே

ஸதா³ஶிவோ விராஜதே ஸதா³ முதா³ன்விதோ ஹர꞉ ॥ 9 ॥

சித³ம்ப³ராக்²யஸத்³கு³ரோரித³ம்ʼ ஸதா³ விலாஸினம்ʼ

முதா³ லிக²ந்தி யே ஸக்ருʼத் ஸதோ³பமானமஷ்டகம் ।

ஸதா³ வஸேத்ததா³லயே ஹரிப்ரியா ததா³னனே

விதி⁴ப்ரியா ச நிஶ்சலா ஜக³த்³கு³ரோரனுக்³ரஹாத் ॥ 10 ॥

இதி ஶ்ரீ சித³ம்ப³ர பஞ்சசாமர ஸ்தோத்ரம் ।

Recite with devotion and pure heart

Regular practice brings spiritual benefits