ಭಕ್ತಾಮರ ಸ್ತೋತ್ರ

ಶ್ರೀ ಆದಿನಾಥಾಯ ನಮಃ ಭಕ್ತಾಮರಸ್ತೋತ್ರಂ ಸಂಸ್ಕೃತ । ಕಾಲಜಯೀ ಮಹಾಕಾವ್ಯ ಶ್ರೀಮನ್ಮಾನತುಂಗಾಚಾರ್ಯ-ವಿರಚಿತಂ। ಭಕ್ತಾಮರ-ಪ್ರಣತ-ಮೌಲಿ-ಮಣಿ-ಪ್ರಭಾಣಾ- ಮುದ್ಯೋತಕಂ ದಲಿತ-ಪಾಪ-ತಮೋ-ವಿತಾನಂ । ಸಮ್ಯಕ್-ಪ್ರಣಮ್ಯ ಜಿನ ಪ-ಪಾದ-ಯುಗಂ ಯುಗಾದಾ- ವಾಲಂಬನಂ ಭವ-ಜಲೇ ಪತತಾಂ ಜನಾನಾಂ ॥ 1 ॥ ಯ: ಸಂಸ್ತುತ: ಸಕಲ-ವಾಂ ಮಯ-ತತ್ತ್ವ-ಬೋಧಾ- ದುದ್ಭೂತ-ಬುದ್ಧಿ-ಪಟುಭಿ: ಸುರ-ಲೋಕ-ನಾಥೈ: । ಸ್ತೋತ್ರೈರ್ಜಗತ್-ತ್ರಿತಯ-ಚಿತ್ತ-ಹರೈರುದಾರೈ: । ಸ್ತೋಷ್ಯೇ ಕಿಲಾಹಮಪಿ ತಂ ಪ್ರಥಮಂ ಜಿನೇಂದ್ರಂ ॥ 2 ॥ ಬುದ್ಧ್ಯಾ ವಿನಾಪಿ ವಿಬುಧಾರ್ಚಿತ-ಪಾದ-ಪೀಠ! ಸ್ತೋತುಂ ಸಮುದ್ಯತ-ಮತಿರ್ವಿಗತ-ತ್ರಪೋಽಹಂ । ಬಾಲಂ ವಿಹಾಯ ಜಲ-ಸಂಸ್ಥಿತ-ಮಿಂದು-ಬಿಂಬ- ಮನ್ಯ: ಕ ಇಚ್ಛತಿ ಜನ: ಸಹಸಾ ಗ್ರಹೀತುಂ ॥ 3 ॥ ವಕ್ತುಂ ಗುಣಾನ್ಗುಣ-ಸಮುದ್ರ ! ಶಶಾಂಕ-ಕಾಂತಾನ್ । ಕಸ್ತೇ ಕ್ಷಮ: ಸುರ-ಗುರು-ಪ್ರತಿಮೋಽಪಿ ಬುದ್ಧ್ಯಾ । ಕಲ್ಪಾಂತ-ಕಾಲ-ಪವನೋದ್ಧತ-ನಕ್ರ-ಚಕ್ರಂ । ಕೋ ವಾ ತರೀತುಮಲಮಂಬುನಿಧಿಂ ಭುಜಾಭ್ಯಾಂ ॥ 4 ॥ ಸೋಽಹಂ ತಥಾಪಿ ತವ ಭಕ್ತಿ-ವಶಾನ್ಮುನೀಶ! ಕರ್ತುಂ ಸ್ತವಂ ವಿಗತ-ಶಕ್ತಿ-ರಪಿ ಪ್ರವೃತ್ತ: । ಪ್ರೀತ್ಯಾತ್ಮ-ವೀರ್ಯ-ಮವಿಚಾರ್ಯ ಮೃಗೀ ಮೃಗೇಂದ್ರಂ ನಾಭ್ಯೇತಿ ಕಿಂ ನಿಜ-ಶಿಶೋ: ಪರಿಪಾಲನಾರ್ಥಂ ॥ 5 ॥ ಅಲ್ಪ-ಶ್ರುತಂ ಶ್ರುತವತಾಂ ಪರಿಹಾಸ-ಧಾಮ । ತ್ವದ್-ಭಕ್ತಿರೇವ ಮುಖರೀ-ಕುರುತೇ ಬಲಾನ್ಮಾಂ । ಯತ್ಕೋಕಿಲ: ಕಿಲ ಮಧೌ ಮಧುರಂ ವಿರೌತಿ । ತಚ್ಚಾಮ್ರ-ಚಾರು-ಕಲಿಕಾ-ನಿಕರೈಕ-ಹೇತು: ॥ 6 ॥ ತ್ವತ್ಸಂಸ್ತವೇನ ಭವ-ಸಂತತಿ-ಸನ್ನಿಬದ್ಧಂ । ಪಾಪಂ ಕ್ಷಣಾತ್ಕ್ಷಯಮುಪೈತಿ ಶರೀರಭಾಜಾಂ । ಆಕ್ರಾಂತ-ಲೋಕ-ಮಲಿ-ನೀಲ-ಮಶೇಷ-ಮಾಶು । ಸೂರ್ಯಾಂಶು-ಭಿನ್ನ-ಮಿವ ಶಾರ್ವರ-ಮಂಧಕಾರಂ ॥ 7 ॥ ಮತ್ವೇತಿ ನಾಥ! ತವ ಸಂಸ್ತವನಂ ಮಯೇದ ।- ಮಾರಭ್ಯತೇ ತನು-ಧಿಯಾಪಿ ತವ ಪ್ರಭಾವಾತ್ । ಚೇತೋ ಹರಿಷ್ಯತಿ ಸತಾಂ ನಲಿನೀ-ದಲೇಷು । ಮುಕ್ತಾ-ಫಲ-ದ್ಯುತಿ-ಮುಪೈತಿ ನನೂದ-ಬಿಂದು: ॥ 8 ॥ ಆಸ್ತಾಂ ತವ ಸ್ತವನ-ಮಸ್ತ-ಸಮಸ್ತ-ದೋಷಂ ತ್ವತ್ಸಂಕಥಾಽಪಿ ಜಗತಾಂ ದುರಿತಾನಿ ಹಂತಿ । ದೂರೇ ಸಹಸ್ರಕಿರಣ: ಕುರುತೇ ಪ್ರಭೈವ ಪದ್ಮಾಕರೇಷು ಜಲಜಾನಿ ವಿಕಾಸಭಾಂಜಿ ॥ 9 ॥ ನಾತ್ಯದ್-ಭುತಂ ಭುವನ-ಭೂಷಣ ! ಭೂೂತ-ನಾಥ! ಭೂತೈರ್ಗುಣೈರ್ಭುವಿ ಭವಂತ-ಮಭಿಷ್ಟುವಂತ: । ತುಲ್ಯಾ ಭವಂತಿ ಭವತೋ ನನು ತೇನ ಕಿಂ ವಾ ಭೂತ್ಯಾಶ್ರಿತಂ ಯ ಇಹ ನಾತ್ಮಸಮಂ ಕರೋತಿ ॥ 10 ॥ ದೃಷ್ಟ್ವಾ ಭವಂತ ಮನಿಮೇಷ-ವಿಲೋಕನೀಯಂ ನಾನ್ಯತ್ರ-ತೋಷ-ಮುಪಯಾತಿ ಜನಸ್ಯ ಚಕ್ಷು: । ಪೀತ್ವಾ ಪಯ: ಶಶಿಕರ-ದ್ಯುತಿ-ದುಗ್ಧ-ಸಿಂಧೋ: ಕ್ಷಾರಂ ಜಲಂ ಜಲನಿಧೇರಸಿತುಂ ಕ ಇಚ್ಛೇತ್? ॥11 ॥ ಯೈ: ಶಾಂತ-ರಾಗ-ರುಚಿಭಿ: ಪರಮಾಣುಭಿಸ್-ತ್ವಂ ನಿರ್ಮಾಪಿತಸ್-ತ್ರಿ-ಭುವನೈಕ-ಲಲಾಮ-ಭೂತ ! । ತಾವಂತ ಏವ ಖಲು ತೇಽಪ್ಯಣವ: ಪೃಥಿವ್ಯಾಂ ಯತ್ತೇ ಸಮಾನ-ಮಪರಂ ನ ಹಿ ರೂಪ-ಮಸ್ತಿ ॥ 12 ॥ ವಕ್ತ್ರಂ ಕ್ವ ತೇ ಸುರ-ನರೋರಗ-ನೇತ್ರ-ಹಾರಿ ನಿ:ಶೇಷ-ನಿರ್ಜಿತ-ಜಗತ್ತ್ರಿತಯೋಪಮಾನಂ । ಬಿಂಬಂ ಕಲಂಕ-ಮಲಿನಂ ಕ್ವ ನಿಶಾಕರಸ್ಯ ಯದ್ವಾಸರೇ ಭವತಿ ಪಾಂಡುಪಲಾಶ-ಕಲ್ಪಂ ॥ 13 ॥ ಸಂಪೂರ್ಣ-ಮಂಡಲ-ಶಶಾಂಕ-ಕಲಾ-ಕಲಾಪ- ಶುಭ್ರಾ ಗುಣಾಸ್-ತ್ರಿ-ಭುವನಂ ತವ ಲಂಘಯಂತಿ । ಯೇ ಸಂಶ್ರಿತಾಸ್-ತ್ರಿ-ಜಗದೀಶ್ವರನಾಥ-ಮೇಕಂ ಕಸ್ತಾನ್ ನಿವಾರಯತಿ ಸಂಚರತೋ ಯಥೇಷ್ಟಂ ॥ 14 ॥ ಚಿತ್ರಂ-ಕಿಮತ್ರ ಯದಿ ತೇ ತ್ರಿದಶಾಂಗ-ನಾಭಿರ್- ನೀತಂ ಮನಾಗಪಿ ಮನೋ ನ ವಿಕಾರ-ಮಾರ್ಗಂ । ಕಲ್ಪಾಂತ-ಕಾಲ-ಮರುತಾ ಚಲಿತಾಚಲೇನ ಕಿಂ ಮಂದರಾದ್ರಿಶಿಖರಂ ಚಲಿತಂ ಕದಾಚಿತ್ ॥ 15 ॥ ನಿರ್ಧೂಮ-ವರ್ತಿ-ರಪವರ್ಜಿತ-ತೈಲ-ಪೂರ: ಕೃತ್ಸ್ನಂ ಜಗತ್ತ್ರಯ-ಮಿದಂ ಪ್ರಕಟೀಕರೋಷಿ । ಗಮ್ಯೋ ನ ಜಾತು ಮರುತಾಂ ಚಲಿತಾಚಲಾನಾಂ ದೀಪೋಽಪರಸ್ತ್ವಮಸಿ ನಾಥ ! ಜಗತ್ಪ್ರಕಾಶ: ॥ 16 ॥ ನಾಸ್ತಂ ಕದಾಚಿದುಪಯಾಸಿ ನ ರಾಹುಗಮ್ಯ: ಸ್ಪಷ್ಟೀಕರೋಷಿ ಸಹಸಾ ಯುಗಪಜ್-ಜಗಂತಿ । ನಾಂಭೋಧರೋದರ-ನಿರುದ್ಧ-ಮಹಾ-ಪ್ರಭಾವ: ಸೂರ್ಯಾತಿಶಾಯಿ-ಮಹಿಮಾಸಿ ಮುನೀಂದ್ರ! ಲೋಕೇ ॥ 17 ॥ ನಿತ್ಯೋದಯಂ ದಲಿತ-ಮೋಹ-ಮಹಾಂಧಕಾರಂ ಗಮ್ಯಂ ನ ರಾಹು-ವದನಸ್ಯ ನ ವಾರಿದಾನಾಂ । ವಿಭ್ರಾಜತೇ ತವ ಮುಖಾಬ್ಜ-ಮನಲ್ಪಕಾಂತಿ ವಿದ್ಯೋತಯಜ್-ಜಗದಪೂರ್ವ-ಶಶಾಂಕ-ಬಿಂಬಂ ॥ 18 ॥ ಕಿಂ ಶರ್ವರೀಷು ಶಶಿನಾಹ್ನಿ ವಿವಸ್ವತಾ ವಾ ಯುಷ್ಮನ್ಮುಖೇಂದು-ದಲಿತೇಷು ತಮ:ಸು ನಾಥ! । ನಿಷ್ಪನ್ನ-ಶಾಲಿ-ವನ-ಶಾಲಿನೀ ಜೀವ-ಲೋಕೇ ಕಾರ್ಯಂ ಕಿಯಜ್ಜಲ-ಧರೈ-ರ್ಜಲ-ಭಾರ-ನಮೈ್ರ: ॥ 19 ॥ ಜ್ಞಾನಂ ಯಥಾ ತ್ವಯಿ ವಿಭಾತಿ ಕೃತಾವಕಾಶಂ ನೈವಂ ತಥಾ ಹರಿ-ಹರಾದಿಷು ನಾಯಕೇಷು । ತೇಜೋ ಮಹಾ ಮಣಿಷು ಯಾತಿ ಯಥಾ ಮಹತ್ತ್ವಂ ನೈವಂ ತು ಕಾಚ-ಶಕಲೇ ಕಿರಣಾಕುಲೇಽಪಿ ॥ 20 ॥ ಮನ್ಯೇ ವರಂ ಹರಿ-ಹರಾದಯ ಏವ ದೃಷ್ಟಾ ದೃಷ್ಟೇಷು ಯೇಷು ಹೃದಯಂ ತ್ವಯಿ ತೋಷಮೇತಿ । ಕಿಂ ವೀಕ್ಷಿತೇನ ಭವತಾ ಭುವಿ ಯೇನ ನಾನ್ಯ: ಕಶ್ಚಿನ್ಮನೋ ಹರತಿ ನಾಥ ! ಭವಾಂತರೇಽಪಿ ॥ 21 ॥ ಸ್ತ್ರೀಣಾಂ ಶತಾನಿ ಶತಶೋ ಜನಯಂತಿ ಪುತ್ರಾನ್ ನಾನ್ಯಾ ಸುತಂ ತ್ವದುಪಮಂ ಜನನೀ ಪ್ರಸೂತಾ । ಸರ್ವಾ ದಿಶೋ ದಧತಿ ಭಾನಿ ಸಹಸ್ರ-ರಶ್ಮಿಂ ಪ್ರಾಚ್ಯೇವ ದಿಗ್ಜನಯತಿ ಸ್ಫುರದಂಶು-ಜಾಲಂ ॥ 22 ॥ ತ್ವಾಮಾಮನಂತಿ ಮುನಯ: ಪರಮಂ ಪುಮಾಂಸ- ಮಾದಿತ್ಯ-ವರ್ಣ-ಮಮಲಂ ತಮಸ: ಪುರಸ್ತಾತ್ । ತ್ವಾಮೇವ ಸಮ್ಯ-ಗುಪಲಭ್ಯ ಜಯಂತಿ ಮೃತ್ಯುಂ ನಾನ್ಯ: ಶಿವ: ಶಿವಪದಸ್ಯ ಮುನೀಂದ್ರ! ಪಂಥಾ: ॥ 23 ॥ ತ್ವಾ-ಮವ್ಯಯಂ ವಿಭು-ಮಚಿಂತ್ಯ-ಮಸಂಖ್ಯ-ಮಾದ್ಯಂ ಬ್ರಹ್ಮಾಣಮೀಶ್ವರ-ಮನಂತ-ಮನಂಗ-ಕೇತುಂ । ಯೋಗೀಶ್ವರಂ ವಿದಿತ-ಯೋಗ-ಮನೇಕ-ಮೇಕಂ ಜ್ಞಾನ-ಸ್ವರೂಪ-ಮಮಲಂ ಪ್ರವದಂತಿ ಸಂತ: ॥ 24 ॥ ಬುದ್ಧಸ್ತ್ವಮೇವ ವಿಬುಧಾರ್ಚಿತ-ಬುದ್ಧಿ-ಬೋಧಾತ್ ತ್ವಂ ಶಂಕರೋಽಸಿ ಭುವನ-ತ್ರಯ-ಶಂಕರತ್ವಾತ್। ಧಾತಾಸಿ ಧೀರ! ಶಿವ-ಮಾರ್ಗ ವಿಧೇರ್ವಿಧಾನಾದ್ ವ್ಯಕ್ತಂ ತ್ವಮೇವ ಭಗವನ್ ಪುರುಷೋತ್ತಮೋಽಸಿ ॥ 25 ॥ ತುಭ್ಯಂ ನಮಸ್-ತ್ರಿಭುವನಾರ್ತಿ-ಹರಾಯ ನಾಥ! ತುಭ್ಯಂ ನಮ: ಕ್ಷಿತಿ-ತಲಾಮಲ-ಭೂಷಣಾಯ । ತುಭ್ಯಂ ನಮಸ್-ತ್ರಿಜಗತ: ಪರಮೇಶ್ವರಾಯ ತುಭ್ಯಂ ನಮೋ ಜಿನ! ಭವೋದಧಿ-ಶೋಷಣಾಯ ॥ 26 ॥ ಕೋ ವಿಸ್ಮಯೋಽತ್ರ ಯದಿ ನಾಮ ಗುಣೈ-ರಶೇಷೈಸ್- ತ್ವಂ ಸಂಶ್ರಿತೋ ನಿರವಕಾಶತಯಾ ಮುನೀಶ ! । ದೋಷೈ-ರುಪಾತ್ತ-ವಿವಿಧಾಶ್ರಯ-ಜಾತ-ಗರ್ವೈ: ಸ್ವಪ್ನಾಂತರೇಽಪಿ ನ ಕದಾಚಿದಪೀಕ್ಷಿತೋಽಸಿ ॥ 27 ॥ ಉಚ್ಚೈ-ರಶೋಕ-ತರು-ಸಂಶ್ರಿತಮುನ್ಮಯೂಖ- ಮಾಭಾತಿ ರೂಪಮಮಲಂ ಭವತೋ ನಿತಾಂತಂ । ಸ್ಪಷ್ಟೋಲ್ಲಸತ್-ಕಿರಣ-ಮಸ್ತ-ತಮೋ-ವಿತಾನಂ ಬಿಂಬಂ ರವೇರಿವ ಪಯೋಧರ-ಪಾಶ್ರ್ವವರ್ತಿ ॥ 28 ॥ ಸಿಂಹಾಸನೇ ಮಣಿ-ಮಯೂಖ-ಶಿಖಾ-ವಿಚಿತ್ರೇ ವಿಭ್ರಾಜತೇ ತವ ವಪು: ಕನಕಾವದಾತಂ । ಬಿಂಬಂ ವಿಯದ್-ವಿಲಸ-ದಂಶುಲತಾ-ವಿತಾನಂ ತುಂಗೋದಯಾದ್ರಿ-ಶಿರಸೀವ ಸಹಸ್ರ-ರಶ್ಮೇ: ॥ 29 ॥ ಕುಂದಾವದಾತ-ಚಲ-ಚಾಮರ-ಚಾರು-ಶೋಭಂ ವಿಭ್ರಾಜತೇ ತವ ವಪು: ಕಲಧೌತ-ಕಾಂತಂ । ಉದ್ಯಚ್ಛಶಾಂಕ-ಶುಚಿನಿರ್ಝರ-ವಾರಿ-ಧಾರ- ಮುಚ್ಚೈಸ್ತಟಂ ಸುರಗಿರೇರಿವ ಶಾತಕೌಂಭಂ ॥ 30 ॥ ಛತ್ರತ್ರಯಂ-ತವ-ವಿಭಾತಿ ಶಶಾಂಕಕಾಂತ ಮುಚ್ಚೈಃ ಸ್ಥಿತಂ ಸ್ಥಗಿತ ಭಾನುಕರ-ಪ್ರತಾಪಂ । ಮುಕ್ತಾಫಲ-ಪ್ರಕರಜಾಲ-ವಿವೃದ್ಧಶೋಭಂ । ಪ್ರಖ್ಯಾಪಯತ್ತ್ರಿಜಗತಃ ಪರಮೇಶ್ವರತ್ವಂ ॥ 31 ॥ ಗಂಭೀರ-ತಾರ-ರವ-ಪೂರಿತ-ದಿಗ್ವಿಭಾಗಸ್- ತ್ರೈಲೋಕ್ಯ-ಲೋಕ-ಶುಭ-ಸಂಗಮ-ಭೂತಿ-ದಕ್ಷ: । ಸದ್ಧರ್ಮ-ರಾಜ-ಜಯ-ಘೋಷಣ-ಘೋಷಕ: ಸನ್ ಖೇ ದುಂದುಭಿ-ಧ್ರ್ವನತಿ ತೇ ಯಶಸ: ಪ್ರವಾದೀ ॥ 32 ॥ ಮಂದಾರ-ಸುಂದರ-ನಮೇರು-ಸುಪಾರಿಜಾತ- ಸಂತಾನಕಾದಿ-ಕುಸುಮೋತ್ಕರ-ವೃಷ್ಟಿ-ರುದ್ಘಾ । ಗಂಧೋದ-ಬಿಂದು-ಶುಭ-ಮಂದ-ಮರುತ್ಪ್ರಪಾತಾ ದಿವ್ಯಾ ದಿವ: ಪತತಿ ತೇ ವಚಸಾಂ ತತಿರ್ವಾ ॥ 33 ॥ ಶುಂಭತ್-ಪ್ರಭಾ-ವಲಯ-ಭೂರಿ-ವಿಭಾ-ವಿಭೋಸ್ತೇ ಲೋಕ-ತ್ರಯೇ-ದ್ಯುತಿಮತಾಂ ದ್ಯುತಿ-ಮಾಕ್ಷಿಪಂತೀ । ಪ್ರೋದ್ಯದ್-ದಿವಾಕರ-ನಿರಂತರ-ಭೂರಿ-ಸಂಖ್ಯಾ ದೀಪ್ತ್ಯಾ ಜಯತ್ಯಪಿ ನಿಶಾಮಪಿ ಸೋಮಸೌಮ್ಯಾಂ ॥ 34 ॥ ಸ್ವರ್ಗಾಪವರ್ಗ-ಗಮ-ಮಾರ್ಗ-ವಿಮಾರ್ಗಣೇಷ್ಟ: ಸದ್ಧರ್ಮ-ತತ್ತ್ವ-ಕಥನೈಕ-ಪಟುಸ್-ತ್ರಿಲೋಕ್ಯಾ: । ದಿವ್ಯ-ಧ್ವನಿ-ರ್ಭವತಿ ತೇ ವಿಶದಾರ್ಥ-ಸರ್ವ- ಭಾಷಾಸ್ವಭಾವ-ಪರಿಣಾಮ-ಗುಣೈ: ಪ್ರಯೋಜ್ಯ: ॥ 35 ॥ ಉನ್ನಿದ್ರ-ಹೇಮ-ನವ-ಪಂಕಜ-ಪುಂಜ-ಕಾಂತೀ ಪರ್ಯುಲ್-ಲಸನ್-ನಖ-ಮಯೂಖ-ಶಿಖಾಭಿರಾಮೌ । ಪಾದೌ ಪದಾನಿ ತವ ಯತ್ರ ಜಿನೇಂದ್ರ ! ಧತ್ತ: ಪದ್ಮಾನಿ ತತ್ರ ವಿಬುಧಾ: ಪರಿಕಲ್ಪಯಂತಿ ॥ 36 ॥ ಇತ್ಥಂ ಯಥಾ ತವ ವಿಭೂತಿ-ರಭೂಜ್-ಜಿನೇಂದ್ರ್ರ ! ಧರ್ಮೋಪದೇಶನ-ವಿಧೌ ನ ತಥಾ ಪರಸ್ಯ । ಯಾದೃಕ್-ಪ್ರ್ರಭಾ ದಿನಕೃತ: ಪ್ರಹತಾಂಧಕಾರಾ ತಾದೃಕ್-ಕುತೋ ಗ್ರಹಗಣಸ್ಯ ವಿಕಾಸಿನೋಽಪಿ ॥ 37 ॥ ಶ್ಚ್ಯೋ-ತನ್-ಮದಾವಿಲ-ವಿಲೋಲ-ಕಪೋಲ-ಮೂಲ ಮತ್ತ-ಭ್ರಮದ್-ಭ್ರಮರ-ನಾದ-ವಿವೃದ್ಧ-ಕೋಪಂ । ಐರಾವತಾಭಮಿಭ-ಮುದ್ಧತ-ಮಾಪತಂತಂ ದೃಷ್ಟ್ವಾ ಭಯಂ ಭವತಿ ನೋ ಭವದಾಶ್ರಿತಾನಾಂ ॥ 38 ॥ ಭಿನ್ನೇಭ-ಕುಂಭ-ಗಲ-ದುಜ್ಜ್ವಲ-ಶೋಣಿತಾಕ್ತ ಮುಕ್ತಾ-ಫಲ-ಪ್ರಕರಭೂಷಿತ-ಭೂಮಿ-ಭಾಗ: । ಬದ್ಧ-ಕ್ರಮ: ಕ್ರಮ-ಗತಂ ಹರಿಣಾಧಿಪೋಽಪಿ ನಾಕ್ರಾಮತಿ ಕ್ರಮ-ಯುಗಾಚಲ-ಸಂಶ್ರಿತಂ ತೇ ॥ 39 ॥ ಕಲ್ಪಾಂತ-ಕಾಲ-ಪವನೋದ್ಧತ-ವಹ್ನಿ-ಕಲ್ಪಂ ದಾವಾನಲಂ ಜ್ವಲಿತ-ಮುಜ್ಜ್ವಲ-ಮುತ್ಸ್ಫುಲಿಂಗಂ । ವಿಶ್ವಂ ಜಿಘತ್ಸುಮಿವ ಸಮ್ಮುಖ-ಮಾಪತಂತಂ ತ್ವನ್ನಾಮ-ಕೀರ್ತನ-ಜಲಂ ಶಮಯತ್ಯಶೇಷಂ ॥ 40 ॥ ರಕ್ತೇಕ್ಷಣಂ ಸಮದ-ಕೋಕಿಲ-ಕಂಠ-ನೀಲಂ ಕ್ರೋಧೋದ್ಧತಂ ಫಣಿನ-ಮುತ್ಫಣ-ಮಾಪತಂತಂ । ಆಕ್ರಾಮತಿ ಕ್ರಮ-ಯುಗೇಣ ನಿರಸ್ತ-ಶಂಕಸ್- ತ್ವನ್ನಾಮ-ನಾಗದಮನೀ ಹೃದಿ ಯಸ್ಯ ಪುಂಸ: ॥ 41 ॥ ವಲ್ಗತ್-ತುರಂಗ-ಗಜ-ಗರ್ಜಿತ-ಭೀಮನಾದ- ಮಾಜೌ ಬಲಂ ಬಲವತಾ-ಮಪಿ-ಭೂಪತೀನಾಂ । ಉದ್ಯದ್-ದಿವಾಕರ-ಮಯೂಖ-ಶಿಖಾಪವಿದ್ಧಂ ತ್ವತ್ಕೀರ್ತನಾತ್ತಮ ಇವಾಶು ಭಿದಾಮುಪೈತಿ: ॥ 42 ॥ ಕುಂತಾಗ್ರ-ಭಿನ್ನ-ಗಜ-ಶೋಣಿತ-ವಾರಿವಾಹ ವೇಗಾವತಾರ-ತರಣಾತುರ-ಯೋಧ-ಭೀಮೇ । ಯುದ್ಧೇ ಜಯಂ ವಿಜಿತ-ದುರ್ಜಯ-ಜೇಯ-ಪಕ್ಷಾಸ್- ತ್ವತ್ಪಾದ-ಪಂಕಜ-ವನಾಶ್ರಯಿಣೋ ಲಭಂತೇ: ॥ 43 ॥ ಅಂಭೋನಿಧೌ ಕ್ಷುಭಿತ-ಭೀಷಣ-ನಕ್ರ-ಚಕ್ರ- ಪಾಠೀನ-ಪೀಠ-ಭಯ-ದೋಲ್ವಣ-ವಾಡವಾಗ್ನೌ । ರಂಗತ್ತರಂಗ-ಶಿಖರ-ಸ್ಥಿತ-ಯಾನ-ಪಾತ್ರಾಸ್- ತ್ರಾಸಂ ವಿಹಾಯ ಭವತ: ಸ್ಮರಣಾದ್-ವ್ರಜಂತಿ: ॥ 44 ॥ ಉದ್ಭೂತ-ಭೀಷಣ-ಜಲೋದರ-ಭಾರ-ಭುಗ್ನಾ: ಶೋಚ್ಯಾಂ ದಶಾ-ಮುಪಗತಾಶ್-ಚ್ಯುತ-ಜೀವಿತಾಶಾ: । ತ್ವತ್ಪಾದ-ಪಂಕಜ-ರಜೋ-ಮೃತ-ದಿಗ್ಧ-ದೇಹಾ: ಮತ್ರ್ಯಾ ಭವಂತಿ ಮಕರ-ಧ್ವಜ-ತುಲ್ಯರೂಪಾ: ॥ 45 ॥ ಆಪಾದ-ಕಂಠಮುರು-ಶೃಂಖಲ-ವೇಷ್ಟಿತಾಂಗಾ ಗಾಢಂ-ಬೃಹನ್-ನಿಗಡ-ಕೋಟಿ ನಿಘೃಷ್ಟ-ಜಂಘಾ: । ತ್ವನ್-ನಾಮ-ಮಂತ್ರ-ಮನಿಶಂ ಮನುಜಾ: ಸ್ಮರಂತ: ಸದ್ಯ: ಸ್ವಯಂ ವಿಗತ-ಬಂಧ-ಭಯಾ ಭವಂತಿ: ॥ 46 ॥ ಮತ್ತ-ದ್ವಿಪೇಂದ್ರ-ಮೃಗ-ರಾಜ-ದವಾನಲಾಹಿ- ಸಂಗ್ರಾಮ-ವಾರಿಧಿ-ಮಹೋದರ-ಬಂಧ-ನೋತ್ಥಂ । ತಸ್ಯಾಶು ನಾಶ-ಮುಪಯಾತಿ ಭಯಂ ಭಿಯೇವ ಯಸ್ತಾವಕಂ ಸ್ತವ-ಮಿಮಂ ಮತಿಮಾನಧೀತೇ: ॥ 47 ॥ ಸ್ತೋತ್ರ-ಸ್ರಜಂ ತವ ಜಿನೇಂದ್ರ ಗುಣೈರ್ನಿಬದ್ಧಾಂ ಭಕ್ತ್ಯಾ ಮಯಾ ವಿವಿಧ-ವರ್ಣ-ವಿಚಿತ್ರ-ಪುಷ್ಪಾಂ । ಧತ್ತೇ ಜನೋ ಯ ಇಹ ಕಂಠ-ಗತಾ-ಮಜಸ್ರಂ ತಂ ಮಾನತುಂಗ-ಮವಶಾ-ಸಮುಪೈತಿ ಲಕ್ಷ್ಮೀ: ॥ 48 ॥

Recite with devotion and pure heart

Regular practice brings spiritual benefits