നരസിംഹ അഷ്ടകം

ശ്രീമദകലങ്ക പരിപൂർണ ശശികോടി-

ശ്രീധര മനോഹര സടാപടല കാന്ത।

പാലയ കൃപാലയ ഭവാംബുധി-നിമഗ്നം

ദൈത്യവരകാല നരസിംഹ നരസിംഹ ॥ 1 ॥

പാദകമലാവനത പാതകി-ജനാനാം

പാതകദവാനല പതത്രിവര-കേതോ।

ഭാവന പരായണ ഭവാർതിഹരയാ മാം

പാഹി കൃപയൈവ നരസിംഹ നരസിംഹ ॥ 2 ॥

തുംഗനഖ-പങ്ക്തി-ദലിതാസുര-വരാസൃക്

പങ്ക-നവകുങ്കുമ-വിപങ്കില-മഹോരഃ ।

പണ്ഡിതനിധാന-കമലാലയ നമസ്തേ

പങ്കജനിഷണ്ണ നരസിംഹ നരസിംഹ ॥ 3 ॥

മൗലിഷു വിഭൂഷണമിവാമര വരാണാം

യോഗിഹൃദയേഷു ച ശിരസ്സുനിഗമാനാം ।

രാജദരവിന്ദ-രുചിരം പദയുഗം തേ

ദേഹി മമ മൂർധ്നി നരസിംഹ നരസിംഹ ॥ 4 ॥

വാരിജവിലോചന മദന്തിമ-ദശായാം

ക്ലേശ-വിവശീകൃത-സമസ്ത-കരണായാം ।

ഏഹി രമയാ സഹ ശരണ്യ വിഹഗാനാം

നാഥമധിരുഹ്യ നരസിംഹ നരസിംഹ ॥ 5 ॥

ഹാടക-കിരീട-വരഹാര-വനമാലാ

ധാരരശനാ-മകരകുണ്ഡല-മണീന്ദ്രൈഃ ।

ഭൂഷിതമശേഷ-നിലയം തവ വപുർമേ

ചേതസി ചകാസ്തു നരസിംഹ നരസിംഹ ॥ 6 ॥

ഇന്ദു രവി പാവക വിലോചന രമായാഃ

മന്ദിര മഹാഭുജ-ലസദ്വര-രഥാംഗ।

സുന്ദര ചിരായ രമതാം ത്വയി മനോ മേ

നന്ദിത സുരേശ നരസിംഹ നരസിംഹ ॥ 7 ॥

മാധവ മുകുന്ദ മധുസൂദന മുരാരേ

വാമന നൃസിംഹ ശരണം ഭവ നതാനാം ।

കാമദ ഘൃണിൻ നിഖിലകാരണ നയേയം

കാലമമരേശ നരസിംഹ നരസിംഹ ॥ 8 ॥

അഷ്ടകമിദം സകല-പാതക-ഭയഘ്നം

കാമദം അശേഷ-ദുരിതാമയ-രിപുഘ്നം ।

യഃ പഠതി സന്തതമശേഷ-നിലയം തേ

ഗച്ഛതി പദം സ നരസിംഹ നരസിംഹ ॥ 9 ॥

Recite with devotion and pure heart

Regular practice brings spiritual benefits