हैंహైHaindavamஹிહિં
📍
Font Size:
ப⁴த்³ரகாலீ ஸ்துதி꞉
ப்³ரஹ்மவிஷ்ணு ஊசது꞉ ।
நமாமி த்வாம்ʼ விஶ்வகர்த்ரீம்ʼ பரேஶீம்ʼ
நித்யாமாத்³யாம்ʼ ஸத்யவிஜ்ஞானரூபாம் ।
வாசாதீதாம்ʼ நிர்கு³ணாம்ʼ சாதிஸூக்ஷ்மாம்ʼ
ஜ்ஞானாதீதாம்ʼ ஶுத்³த⁴விஜ்ஞானக³ம்யாம் ॥ 1 ॥
பூர்ணாம்ʼ ஶுத்³தா⁴ம்ʼ விஶ்வரூபாம்ʼ ஸுரூபாம்ʼ
தே³வீம்ʼ வந்த்³யாம்ʼ விஶ்வவந்த்³யாமபி த்வாம் ।
ஸர்வாந்த꞉ஸ்தா²முத்தமஸ்தா²னஸம்ʼஸ்தா²-
-மீடே³ காலீம்ʼ விஶ்வஸம்பாலயித்ரீம் ॥ 2 ॥
மாயாதீதாம்ʼ மாயினீம்ʼ வாபி மாயாம்ʼ
பீ⁴மாம்ʼ ஶ்யாமாம்ʼ பீ⁴மநேத்ராம்ʼ ஸுரேஶீம் ।
வித்³யாம்ʼ ஸித்³தா⁴ம்ʼ ஸர்வபூ⁴தாஶயஸ்தா²-
-மீடே³ காலீம்ʼ விஶ்வஸம்ʼஹாரகர்த்ரீம் ॥ 3 ॥
நோ தே ரூபம்ʼ வேத்தி ஶீலம்ʼ ந தா⁴ம
நோ வா த்⁴யானம் நாபி மந்த்ரம்ʼ மஹேஶி ।
ஸத்தாரூபே த்வாம்ʼ ப்ரபத்³யே ஶரண்யே
விஶ்வாராத்⁴யே ஸர்வலோகைகஹேதும் ॥ 4 ॥
த்³யௌஸ்தே ஶீர்ஷம்ʼ நாபி⁴தே³ஶோ நப⁴ஶ்ச
சக்ஷூம்ʼஷி தே சந்த்³ரஸூர்யானலாஸ்தே ।
உன்மேஷாஸ்தே ஸுப்ரபோ³தோ⁴ தி³வா ச
ராத்ரிர்மாதஶ்சக்ஷுஷோஸ்தே நிமேஷம் ॥ 5 ॥
வாக்யம்ʼ தே³வா பூ⁴மிரேஷா நிதம்ப³ம்ʼ
பாதௌ³ கு³ல்ப²ம்ʼ ஜானுஜங்க⁴ஸ்த்வத⁴ஸ்தே ।
ப்ரீதிர்த⁴ர்மோ(அ)த⁴ர்மகார்யம்ʼ ஹி கோப꞉
ஸ்ருʼஷ்டிர்போ³த⁴꞉ ஸம்ʼஹ்ருʼதிஸ்தே து நித்³ரா ॥ 6 ॥
அக்³நிர்ஜிஹ்வா ப்³ராஹ்மணாஸ்தே முகா²ப்³ஜம்ʼ
ஸந்த்⁴யே த்³வே தே ப்⁴ரூயுக³ம்ʼ விஶ்வமூர்தி꞉ ।
ஶ்வாஸோ வாயுர்பா³ஹவோ லோகபாலா꞉
க்ரீடா³ ஸ்ருʼஷ்டி꞉ ஸம்ʼஸ்தி²தி꞉ ஸம்ʼஹ்ருʼதிஸ்தே ॥ 7 ॥
ஏவம்பூ⁴தாம்ʼ தே³வி விஶ்வாத்மிகாம்ʼ த்வாம்ʼ
காலீம்ʼ வந்தே³ ப்³ரஹ்மவித்³யாஸ்வரூபாம் ।
மாத꞉ பூர்ணே ப்³ரஹ்மவிஜ்ஞானக³ம்யே
து³ர்கே³(அ)பாரே ஸாரரூபே ப்ரஸீத³ ॥ 8 ॥
இதி ஶ்ரீ மஹாபா⁴க³வதே மஹாபுராணே ப்³ரஹ்மவிஷ்ணுக்ருʼதா ஶ்ரீ ப⁴த்³ரகாலீ ஸ்துதி꞉ ।
Recite with devotion and pure heart
Regular practice brings spiritual benefits