हैंహైHaindavamஹிહિં
📍
Font Size:
ത്രിപുര സുന്ദരീ സ്തോത്രം
ധ്യാനം –
ബാലാർകമണ്ഡലാഭാസാം ചതുർബാഹാം ത്രിലോചനാം ।
പാശാങ്കുശ ശരാഞ്ശ്ചാപാൻ ധാരയന്തീം ശിവാം ഭജേ ॥ 1 ॥
ബാലാർകയുതതൈജസാം ത്രിനയനാം രക്താംബരോല്ലാസിനീം ।
നാനാലങ്കൃതിരാജമാനവപുഷം ബാലേന്ദു യുക് ശേഖരാം ।
ഹസ്തൈരിക്ഷുധനുഃ സൃണിം സുമശരാം പാശം മുദാബിഭ്രതീം
ശ്രീചക്രസ്ഥിത സുന്ദരീം ത്രിജഗതാമാധാരഭൂതാം ഭജേ ॥ 2 ॥
പദ്മരാഗ പ്രതീകാശാം സുനേത്രാം ചന്ദ്രശേഖരാം
നവരത്നലസദ്ഭൂഷാം ഭൂഷിതാപാദമസ്തകാം ॥ 3 ॥
പാശാങ്കുശൗ പുഷ്പ ശരാൻ ദധതീം പുണ്ഡ്രചാപകം
പൂർണ താരുണ്യ ലാവണ്യ തരംഗിത കലേബരാം ॥ 4 ॥
സ്വ സമാനാകാരവേഷകാമേശാശ്ലേഷ സുന്ദരാം ।
ചതുർഭുജേ ചന്ദ്രകലാവതംസേ
കുചോന്നതേ കുങ്കുമ രാഗ ശ്രോണേ
പുണ്ഡ്രേക്ഷു പാശാങ്കുശ പുഷ്പബാണ ഹസ്തേ
നമസ്തേ ജഗദേക മാതഃ ॥
സ്തോത്രം –
ശ്രീം ബീജേ നാദ ബിന്ദുദ്വിതയ ശശി കലാകാരരൂപേ സ്വരൂപേ
മാതർമേ ദേഹി ബുദ്ദിം ജഹി ജഹി ജഡതാം പാഹിമാം ദീന ദീനം ।
അജ്ഞാന ധ്വാന്ത നാശക്ഷമരുചിരുചിര പ്രോല്ലസത്പാദ പദ്മേ
ബ്രഹ്മേശാദ്യഃസുരേന്ദ്രൈഃ സുരഗണ വിനതൈഃ സംസ്തുതാം ത്വാം നമാമി ॥ 1 ॥
കല്പോ സമ്പരണ കല്പിത താണ്ഡവസ്യ
ദേവസ്യ ഖണ്ഡപരശോഃ പരഭൈരവസ്യ ।
പാശാങ്കുശൈക്ഷവശരാസന പുഷ്പബാണാ
സസാക്ഷിണീ വിജയതേ തവ മൂർതിരേകാ ॥ 2 ॥
ഹ്രീങ്കാരമേവ തവനാമ ഗൃണന്തി യേവാ
മാതഃ ത്രികോണനിലയേ ത്രിപുരേ ത്രിനേത്രേ ।
ത്വത്സംസ്മൃതൗ യമഭടാഭി ഭവം വിഹായ
ദീവ്യന്തി നന്ദന വനേ സഹലോകപാലൈഃ ॥ 3 ॥
ഋണാങ്കാനല ഭാനുമണ്ഡലലസച്ഛ്രീചക്രമധ്യേസ്ഥിതാം
ബാലാർകദ്യുതി ഭാസുരാം കരതലൈഃ പാശാങ്കുശൗ ബിഭ്രതീം ।
ചാപം ബാണമപി പ്രസന്നവദനാം കൗസുംഭവസ്ത്രാന്വിതാം
താം ത്വാം ചന്ദ്രകലാവതംസമുകുടാം ചാരുസ്മിതാം ഭാവയേ ॥ 4 ॥
സർവജ്ഞതാം സദസിവാക്പടുതാം പ്രസൂതേ
ദേവി ത്വദംഘ്രി നരസിരുഹയോഃ പ്രണാമഃ ।
കിഞ്ചിത്സ്ഫുരന്മുകുടമുജ്വലമാതപത്രം
ദ്വൗചാമരേ ച മഹതീം വസുധാം ദധാതി ॥ 5 ॥
കല്യാണവൃഷ്ടിഭിരിവാമൃതപൂരിതാഭിഃ
ലക്ഷ്മീ സ്വയംവരണമംഗലദീപകാഭിഃ ।
സേവാഭിരംബ തവപാദസരോജമൂലേ
നാകാരികിമ്മനസി ഭക്തിമതാം ജനാനാം ॥ 6 ॥
ശിവശക്തിഃ കാമഃ ക്ഷിതിരഥരവിഃ ശാന്ത കിരണഃ
സ്മരോ ഹംസഃ ശക്രസ്തദനു ച പരാമാരഹരയഃ ।
അമീ ഹൃല്ലേഖാഭിസ്തി സൃഭിരവസാനേഷു ഘടിതാ
ഭജന്തേ വർണാസ്തേ തവജനനി നാമവയവതാം ॥ 7 ॥
കദാകാലേ മാതഃ കഥയകലിതാ ലക്തകരസം
പിബേയം വിദ്യാർധീ തവ ചരണ നിർണേജനജലം ।
പ്രകൃത്യാ മൂകാനാമപി ച കവിതാ കാരണതയാ
സദാധത്തേ വാണീ മുഖകമല താംബൂല രസതാം ॥ 8 ॥
Recite with devotion and pure heart
Regular practice brings spiritual benefits