ത്രിപുര സുന്ദരീ പഞ്ചരത്ന സ്തോത്രം

നീലാലകാം ശശിമുഖീം നവപല്ലവോഷ്ഠീം

ചാമ്പേയപുഷ്പസുഷമോജ്ജ്വലദിവ്യനാസാം ।

പദ്മേക്ഷണാം മുകുരസുന്ദരഗണ്ഡഭാഗാം

ത്വാം സാമ്പ്രതം ത്രിപുരസുന്ദരി ദേവി വന്ദേ ॥ 1 ॥

ശ്രീകുന്ദകുഡ്മലശിഖോജ്ജ്വലദന്തബൃന്ദ-

-മന്ദസ്മിതദ്യുതിതിരോഹിതചാരുവാണീം ।

നാനാമണിസ്ഥഗിതഹാരസുചാരുകണ്ഠീം

ത്വാം സാമ്പ്രതം ത്രിപുരസുന്ദരി ദേവി വന്ദേ ॥ 2 ॥

പീനസ്തനീം ഘനഭുജാം വിപുലാബ്ജഹസ്താം

ഭൃംഗാവലീജിതസുശോഭിതരോമരാജിം ।

മത്തേഭകുംഭകുചഭാരസുനമ്രമധ്യാം

ത്വാം സാമ്പ്രതം ത്രിപുരസുന്ദരി ദേവി വന്ദേ ॥ 3 ॥

രംഭോജ്ജ്വലോരുയുഗലാം മൃഗരാജപത്രാ-

-മിന്ദ്രാദിദേവമകുടോജ്ജ്വലപാദപദ്മാം ।

ഹേമാംബരാം ഘനഘൃതാഞ്ചിതഖഡ്ഗവല്ലീം

ത്വാം സാമ്പ്രതം ത്രിപുരസുന്ദരി ദേവി വന്ദേ ॥ 4 ॥

മത്തേഭവക്ത്രജനനീം മൃഡദേഹയുക്താം

ശൈലാഗ്രമധ്യനിലയാം വരസുന്ദരാംഗീം ।

കോടീശ്വരാഖ്യഹൃദിസംസ്ഥിതപാദപദ്മാം

ത്വാം സാമ്പ്രതം ത്രിപുരസുന്ദരി ദേവി വന്ദേ ॥ 5 ॥

ബാലേ ത്വത്പാദയുഗലം ധ്യാത്വാ സമ്പ്രതി നിർമിതം ।

നവീനം പഞ്ചരത്നം ച ധാര്യതാം ചരണദ്വയേ ॥ 6 ॥

ഇതി ശ്രീ ത്രിപുരസുന്ദരീ പഞ്ചരത്ന സ്തോത്രം ।

Recite with devotion and pure heart

Regular practice brings spiritual benefits