हैंహైHaindavamஹிહિં
📍
Font Size:
താരാ സ്തോത്രം
ധ്യാനം ।
ഓം പ്രത്യാലീഢപദാർചിതാംഘ്രിശവഹൃദ് ഘോരാട്ടഹാസാ പരാ
ഖഡ്ഗേന്ദീവരകർത്രികർപരഭുജാ ഹുങ്കാര ബീജോദ്ഭവാ ।
സർവാ നീലവിശാലപിംഗലജടാജൂടൈക നാഗൈര്യുതാ
ജാഡ്യന്യസ്യ കപാലകേ ത്രിജഗതാം ഹന്ത്യുഗ്രതാരാ സ്വയം ॥
ശൂന്യസ്ഥാമതിതേജസാം ച ദധതീം ശൂലാബ്ജ ഖഡ്ഗം ഗദാം
മുക്താഹാരസുബദ്ധ രത്ന രസനാം കർപൂര കുന്ദോജ്വലാം ।
വന്ദേ വിഷ്ണുസുരേന്ദ്രരുദ്രനമിതാം ത്രൈലോക്യ രക്ഷാപരാം
നീലാം താമഹിഭൂഷണാധിവലയാമത്യുഗ്രതാരാം ഭജേ ॥
സ്തോത്രം ।
മാതർനീലസരസ്വതി പ്രണമതാം സൗഭാഗ്യസമ്പത്പ്രദേ
പ്രത്യാലീഢപദസ്ഥിതേ ശവഹൃദി സ്മേരാനനാംഭോരുഹേ ।
ഫുല്ലേന്ദീവരലോചനേ ത്രിനയനേ കർത്രീകപാലോത്പലേ
ഖഡ്ഗം ചാദധതീ ത്വമേവ ശരണം ത്വാമീശ്വരീമാശ്രയേ ॥ 1 ॥
വാചാമീശ്വരി ഭക്തികല്പലതികേ സർവാർഥസിദ്ധീശ്വരി
ഗദ്യപ്രാകൃതപദ്യജാതരചനാസർവാർഥസിദ്ധിപ്രദേ ।
നീലേന്ദീവരലോചനത്രയയുതേ കാരുണ്യവാരാന്നിധേ
സൗഭാഗ്യാമൃതവർധനേന കൃപയാസിഞ്ച ത്വമസ്മാദൃശം ॥ 2 ॥
ഖർവേ ഗർവസമൂഹപൂരിതതനോ സർപാദിവേഷോജ്വലേ
വ്യാഘ്രത്വക്പരിവീതസുന്ദരകടിവ്യാധൂതഘണ്ടാങ്കിതേ ।
സദ്യഃകൃത്തഗലദ്രജഃപരിമിലന്മുണ്ഡദ്വയീമൂർധജേ
ഗ്രന്ഥിശ്രേണിനൃമുണ്ഡദാമലലിതേ ഭീമേ ഭയം നാശയ ॥ 3 ॥
മായാനംഗവികാരരൂപലലനാബിന്ദ്വർധചന്ദ്രാംബികേ
ഹുംഫട്കാരമയി ത്വമേവ ശരണം മന്ത്രാത്മികേ മാദൃശഃ ।
മൂർതിസ്തേ ജനനി ത്രിധാമഘടിതാ സ്ഥൂലാതിസൂക്ഷ്മാ പരാ
വേദാനാം നഹി ഗോചരാ കഥമപി പ്രാജ്ഞൈർനുതാമാശ്രയേ ॥ 4 ॥
ത്വത്പാദാംബുജസേവയാ സുകൃതിനോ ഗച്ഛന്തി സായുജ്യതാം
തസ്യാഃ ശ്രീപരമേശ്വരത്രിനയനബ്രഹ്മാദിസാമ്യാത്മനഃ ।
സംസാരാംബുധിമജ്ജനേ പടുതനുർദേവേന്ദ്രമുഖ്യാസുരാൻ
മാതസ്തേ പദസേവനേ ഹി വിമുഖാൻ കിം മന്ദധീഃ സേവതേ ॥ 5 ॥
മാതസ്ത്വത്പദപങ്കജദ്വയരജോമുദ്രാങ്കകോടീരിണസ്തേ
ദേവാ ജയസംഗരേ വിജയിനോ നിശ്ശങ്കമങ്കേ ഗതാഃ ।
ദേവോഽഹം ഭുവനേ ന മേ സമ ഇതി സ്പർധാം വഹന്തഃ പരേ
തത്തുല്യാം നിയതം യഥാ ശശിരവീ നാശം വ്രജന്തി സ്വയം ॥ 6 ॥
ത്വന്നാമസ്മരണാത്പലായനപരാന്ദ്രഷ്ടും ച ശക്താ ന തേ
ഭൂതപ്രേതപിശാചരാക്ഷസഗണാ യക്ഷശ്ച നാഗാധിപാഃ ।
ദൈത്യാ ദാനവപുംഗവാശ്ച ഖചരാ വ്യാഘ്രാദികാ ജന്തവോ
ഡാകിന്യഃ കുപിതാന്തകശ്ച മനുജാൻ മാതഃ ക്ഷണം ഭൂതലേ ॥ 7 ॥
ലക്ഷ്മീഃ സിദ്ധിഗണശ്ച പാദുകമുഖാഃ സിദ്ധാസ്തഥാ വൈരിണാം
സ്തംഭശ്ചാപി വരാംഗനേ ഗജഘടാസ്തംഭസ്തഥാ മോഹനം ।
മാതസ്ത്വത്പദസേവയാ ഖലു നൃണാം സിദ്ധ്യന്തി തേ തേ ഗുണാഃ
ക്ലാന്തഃ കാന്തമനോഭവോഽത്ര ഭവതി ക്ഷുദ്രോഽപി വാചസ്പതിഃ ॥ 8 ॥
താരാഷ്ടകമിദം പുണ്യം ഭക്തിമാൻ യഃ പഠേന്നരഃ ।
പ്രാതർമധ്യാഹ്നകാലേ ച സായാഹ്നേ നിയതഃ ശുചിഃ ॥ 9 ॥
ലഭതേ കവിതാം വിദ്യാം സർവശാസ്ത്രാർഥവിദ്ഭവേത്
ലക്ഷ്മീമനശ്വരാം പ്രാപ്യ ഭുക്ത്വാ ഭോഗാന്യഥേപ്സിതാൻ ।
കീർതിം കാന്തിം ച നൈരുജ്യം പ്രാപ്ത്യാന്തേ മോക്ഷമാപ്നുയാത് ॥ 10 ॥
Recite with devotion and pure heart
Regular practice brings spiritual benefits