हैंహైHaindavamஹிહિં
📍
Font Size:
താരാ ഹൃദയം
ശ്രീ ശിവ ഉവാച ।
ശൃണു പാർവതി ഭദ്രം തേ ലോകാനാം ഹിതകാരകം ।
കഥ്യതേ സർവദാ ഗോപ്യം താരാഹൃദയമുത്തമം ॥ 1 ॥
ശ്രീ പാർവത്യുവാച ।
സ്തോത്രം കഥം സമുത്പന്നം കൃതം കേന പുരാ പ്രഭോ ।
കഥ്യതാം സർവവൃത്താന്തം കൃപാം കൃത്വാ മമോപരി ॥ 2 ॥
ശ്രീ ശിവ ഉവാച ।
രണേദേവാസുരേ പൂർവം കൃതമിന്ദ്രേണ സുപ്രിയേ ।
ദുഷ്ടശത്രുവിനാശാർഥം ബല വൃദ്ധി യശസ്കരം ॥ 3 ॥
ഓം അസ്യ ശ്രീമദുഗ്രതാരാ ഹൃദയ സ്തോത്ര മന്ത്രസ്യ – ശ്രീ ഭൈരവ ഋഷിഃ – അനുഷ്ടുപ്ഛന്ദഃ – ശ്രീമദുഗ്രതാരാദേവതാ – സ്ത്രീം ബീജം – ഹൂമ്ശക്തിഃ – നമഃ കീലകം – സകലശത്രുവിനാശാർഥേ ജപേ വിനിയോഗഃ ।
കരന്യാസഃ –
ഓം സ്ത്രീം അംഗുഷ്ഠാഭ്യാം നമഃ ।
ഓം ഹ്രീം തർജനീഭ്യാം നമഃ ।
ഓം ഹൂം മധ്യമാഭ്യാം നമഃ ।
ഓം ത്രീം അനാമികാഭ്യാം നമഃ ।
ഓം ഐം കനിഷ്ഠകാഭ്യാം നമഃ ।
ഓം ഹംസഃ കരതലകരപൃഷ്ഠാഭ്യാം നമഃ ।
അംഗന്യാസഃ –
ഓം സ്ത്രീം ഹൃദയായ നമഃ ।
ഓം ഹ്രീം ശിരസേ സ്വാഹാ ।
ഓം ഹൂം ശിഖായൈ വഷട് ।
ഓം ത്രീം കവചായ ഹും ।
ഓം ഐം നേത്രത്രയായ വൗഷട് ।
ഓം ഹംസഃ അസ്ത്രായഫട് ।
ധ്യാനം ।
ധ്യായേത്കോടിദിവാകരദ്യുതിനിഭാം ബാലേന്ദുയുക്ഛേഖരാം
രക്താംഗീം വികടാം സുരക്തവസനാം പൂർണേന്ദുബിംബാനനാം ।
പാശംഖഡ്ഗമഹാങ്കുശാദി ദധതീം ദോർഭിശ്ചതുർഭിര്യുതാം
നാനാഭൂഷണഭൂഷിതാം ഭഗവതീം താരാം ജഗത്താരിണീം ॥ 4 ॥
ഏവം ധ്യാത്വാ ശുഭാം താരാം തതസ്തു ഹൃദയം പഠേത് ।
താരിണീ തത്ത്വനിഷ്ഠാനാം സർവതത്ത്വപ്രകാശികാ ॥ 5 ॥
രാമാഭിന്നാപദാശക്തിശ്ശത്രുനാശം കരോതു മേ ।
സർവദാശത്രുസംരംഭേ താരാ മേ കുരുതാം ജയം ॥ 6 ॥
സ്ത്രീം ത്രീം സ്വരൂപിണീ ദേവീ ത്രിഷു ലോകേഷു വിശ്രുതാ ।
തവ സ്നേഹാന്മയാഖ്യാതം ന പശൂനാം പ്രകാശയേത് ॥ 7 ॥
ശൃണു ദേവി തവസ്നേഹാത്താരാനാമാനി തത്വതഃ ।
വർണയിഷ്യാമി ഗുപ്താനി ദുർലഭാനി ജഗത്ത്രയേ ॥ 8 ॥
താരിണീ തരലാ താരാ ത്രിരൂപാ തരണീപ്രഭാ ।
തത്ത്വരൂപാ മഹാസാധ്വീ സർവസജ്ജനപാലികാ ॥ 9 ॥
രമണീയാ രജോരൂപാ ജഗത്സൃഷ്ടികരീ പരാ ।
തമോരൂപാ മഹാമായാ ഘോരാരാവാ ഭയാനകാ ॥ 10 ॥
കാലരൂപാ കാലികാഖ്യാ ജഗദ്വിധ്വംസകാരിണീ ।
തത്ത്വജ്ഞാനാ പരാനന്താ തത്ത്വജ്ഞാനപ്രദാഽനഘാ ॥ 11 ॥
രക്താംഗീ രക്തവസ്ത്രാ ച രക്തമാലാസുശോഭിതാ ।
സിദ്ധിലക്ഷ്മീശ്ച ബ്രഹ്മാണി മഹാകാലീ മഹാലയാ ॥ 12 ॥
നാമാന്യേതാനി യേ മർത്യാസ്സർവദൈകാഗ്രമാനസാഃ ।
പ്രപഠന്തി പ്രിയേ തേഷാം കിങ്കരത്വം കരോമ്യഹം ॥ 13 ॥
താരാം താരപരാന്ദേവീം താരകേശ്വരപൂജിതാം ।
താരിണീം ഭവപാഥോധേരുഗ്രതാരാം ഭജാമ്യഹം ॥ 14 ॥
സ്ത്രീം ഹ്രീം ഹൂം ത്രീം ഫണ്മന്ത്രേണ ജലം ജപ്ത്വാഽഭിഷേചയേത് ।
സർവരോഗാഃ പ്രണശ്യന്തി സത്യം സത്യം വദാമ്യഹം ॥ 15 ॥
ത്രീം സ്വാഹാന്തൈർമഹാമന്ത്രൈശ്ചന്ദനം സാധയേത്തതഃ ।
തിലകം കുരുതേ പ്രാജ്ഞോ ലോകോവശ്യോഭവേത്പ്രിയേ ॥ 16 ॥
സ്ത്രീം ഹ്രീം ത്രീം സ്വാഹാ മന്ത്രേണ ശ്മശാനം ഭസ്മ മന്ത്രയേത് ।
ശത്രോർഗൃഹേ പ്രതിക്ഷിപ്തേ ശത്രോർമൃത്യുർഭവിഷ്യതി ॥ 17 ॥
ഹ്രീം ഹൂം സ്ത്രീം ഫഡന്തമന്ത്രൈഃ പുഷ്പം സമ്ശോധ്യസപ്തധാ ।
ഉച്ചാടനം കരോത്യാശു രിപൂണാം നൈവ സമ്ശയഃ ॥ 18 ॥
സ്ത്രീം ത്രീം ഹ്രീം മന്ത്രവര്യേണ അക്ഷതാശ്ചാഭി മന്ത്രിതാഃ ।
തത്പ്രതിക്ഷേപമാത്രേണ ശീഘ്രമായാതി മാനിനീ ॥ 19 ॥
ഹംസഃ ഓം ഹ്രീം സ്ത്രീം ഹൂം ഹംസഃ ।
ഇതി മന്ത്രേണ ജപ്തേന ശോധിതം കജ്ജലം പ്രിയേ ।
തസ്യൈവ തിലകം കൃത്വാ ജഗന്മോഹം സ വശം നയേത് ॥ 20 ॥
താരായാ ഹൃദയം ദേവി സർവപാപപ്രണാശനം ।
രാജപേയാദി യജ്ഞാനാം കോടി കോടി ഗുണോത്തരം ॥ 21 ॥
ഗംഗാദി സർവതീർഥാനാം ഫലം കോടിഗുണം സ്മൃതം ।
മഹാദുഃഖേ മഹാരോഗേ സങ്കടേ പ്രാണസമ്ശയേ ॥ 22 ॥
മഹാഭയേ മഹാഘോരേ പഠേത് സ്തോത്രം മഹോത്തമം ।
സത്യം സത്യം മയോക്തന്തേ പാർവതി പ്രാണവല്ലഭേ ॥ 23 ॥
ഗോപനീയം പ്രയത്നേന ന പ്രകാശ്യമിദം ക്വചിത് ॥ 24 ॥
ഇതി ശ്രീ ഭൈരവീതന്ത്രേ ശിവപാർവതീ സംവാദേ ശ്രീമദുഗ്രതാരാഹൃദയം ।
Recite with devotion and pure heart
Regular practice brings spiritual benefits