ಶ್ಯಾಮಲಾ ಷೋಡಶನಾಮ ಸ್ತೋತ್ರಂ

ಹಯಗ್ರೀವ ಉವಾಚ ।

ಸಂಗೀತಯೋಗಿನೀ ಶ್ಯಾಮಾ ಶ್ಯಾಮಲಾ ಮಂತ್ರನಾಯಿಕಾ ।

ಮಂತ್ರಿಣೀ ಸಚಿವೇಶೀ ಚ ಪ್ರಧಾನೇಶೀ ಶುಕಪ್ರಿಯಾ ॥ 1 ॥

ವೀಣಾವತೀ ವೈಣಿಕೀ ಚ ಮುದ್ರಿಣೀ ಪ್ರಿಯಕಪ್ರಿಯಾ ।

ನೀಪಪ್ರಿಯಾ ಕದಂಬೇಶೀ ಕದಂಬವನವಾಸಿನೀ ॥ 2 ॥

ಸದಾಮದಾ ಚ ನಾಮಾನಿ ಷೋಡಶೈತಾನಿ ಕುಂಭಜ ।

ಏತೈರ್ಯಃ ಸಚಿವೇಶಾನೀಂ ಸಕೃತ್ ಸ್ತೌತಿ ಶರೀರವಾನ್ ।

ತಸ್ಯ ತ್ರೈಲೋಕ್ಯಮಖಿಲಂ ಹಸ್ತೇ ತಿಷ್ಠತ್ಯಸಂಶಯಂ ॥ 3 ॥

ಇತಿ ಶ್ರೀ ಬ್ರಹ್ಮಾಂಡಪುರಾಣೇ ಲಲಿತೋಪಾಖ್ಯಾನೇ ಸಪ್ತದಶೋಽಧ್ಯಾಯೇ ಶ್ರೀ ಶ್ಯಾಮಲಾ ಷೋಡಶ ನಾಮ ಸ್ತೋತ್ರಂ ।

Recite with devotion and pure heart

Regular practice brings spiritual benefits