हैंహైHaindavamஹிહિં
📍
Font Size:
ಶ್ಯಾಮಲಾ ಕವಚಂ
ಶ್ರೀ ದೇವ್ಯುವಾಚ ।
ಸಾಧುಸಾಧು ಮಹಾದೇವ ಕಥಯಸ್ವ ಮಹೇಶ್ವರ ।
ಯೇನ ಸಂಪದ್ವಿಧಾನೇನ ಸಾಧಕಾನಾಂ ಜಯಪ್ರದಂ ॥ 1 ॥
ವಿನಾ ಜಪಂ ವಿನಾ ಹೋಮಂ ವಿನಾ ಮಂತ್ರಂ ವಿನಾ ನುತಿಂ ।
ಯಸ್ಯ ಸ್ಮರಣಮಾತ್ರೇಣ ಸಾಧಕೋ ಧರಣೀಪತಿಃ ॥ 2 ॥
ಶ್ರೀ ಭೈರವ ಉವಾಚ ।
ಶೃಣು ದೇವಿ ಪ್ರವಕ್ಷ್ಯಾಮಿ ಮಾತಂಗೀಕವಚಂ ಪರಂ ।
ಗೋಪನೀಯಂ ಪ್ರಯತ್ನೇನ ಮೌನೇನ ಜಪಮಾಚರೇತ್ ॥ 3 ॥
ಮಾತಂಗೀಕವಚಂ ದಿವ್ಯಂ ಸರ್ವರಕ್ಷಾಕರಂ ನೃಣಾಂ ।
ಕವಿತ್ವಂ ಚ ಮಹತ್ವಂ ಚ ಗಜಾವಾಜಿಸುತಾದಯಃ ॥ 4 ॥
ಶುಭದಂ ಸುಖದಂ ನಿತ್ಯಮಣಿಮಾದಿಪ್ರದಾಯಕಂ ।
ಬ್ರಹ್ಮವಿಷ್ಣುಮಹೇಶಾನಾಂ ತೇಷಾಮಾದ್ಯಾ ಮಹೇಶ್ವರೀ ॥ 5 ॥
ಶ್ಲೋಕಾರ್ಧಂ ಶ್ಲೋಕಮೇಕಂ ವಾ ಯಸ್ತು ಸಮ್ಯಕ್ಪಠೇನ್ನರಃ ।
ತಸ್ಯ ಹಸ್ತೇ ಸದೈವಾಸ್ತೇ ರಾಜ್ಯಲಕ್ಷ್ಮೀರ್ನ ಸಂಶಯಃ ॥ 6 ॥
ಸಾಧಕಃ ಶ್ಯಾಮಲಾಂ ಧ್ಯಾಯನ್ ಕಮಲಾಸನಸಂಸ್ಥಿತಃ ।
ಯೋನಿಮುದ್ರಾಂ ಕರೇ ಬಧ್ವಾ ಶಕ್ತಿಧ್ಯಾನಪರಾಯಣಃ ॥ 7 ॥
ಕವಚಂ ತು ಪಠೇದ್ಯಸ್ತು ತಸ್ಯ ಸ್ಯುಃ ಸರ್ವಸಂಪದಃ ।
ಪುತ್ರಪೌತ್ರಾದಿಸಂಪತ್ತಿರಂತೇ ಮುಕ್ತಿಶ್ಚ ಶಾಶ್ವತೀ ॥ 8 ॥
ಬ್ರಹ್ಮರಂಧ್ರಂ ಸದಾ ಪಾಯಾಚ್ಛ್ಯಾಮಲಾ ಮಂತ್ರನಾಯಿಕಾ ।
ಲಲಾಟಂ ರಕ್ಷತಾಂ ನಿತ್ಯಂ ಕದಂಬೇಶೀ ಸದಾ ಮಮ ॥ 9 ॥
ಭ್ರುವೌ ಪಾಯಚ್ಚ ಸುಮುಖೀ ಅವ್ಯಾನ್ನೇತ್ರೇ ಚ ವೈಣಿಕೀ ।
ವೀಣಾವತೀ ನಾಸಿಕಾಂ ಚ ಮುಖಂ ರಕ್ಷತು ಮಂತ್ರಿಣೀ ॥ 10 ॥
ಸಂಗೀತಯೋಗಿನೀ ದಂತಾನ್ ಅವ್ಯಾದೋಷ್ಠೌ ಶುಕಪ್ರಿಯಾ ।
ಚುಬುಕಂ ಪಾತು ಮೇ ಶ್ಯಾಮಾ ಜಿಹ್ವಾಂ ಪಾಯಾನ್ಮಹೇಶ್ವರೀ ॥ 11 ॥
ಕರ್ಣೌ ದೇವೀ ಸ್ತನೌ ಕಾಲೀ ಪಾತು ಕಾತ್ಯಾಯನೀ ಮುಖಂ ।
ನೀಪಪ್ರಿಯಾ ಸದಾ ರಕ್ಷೇದುದರಂ ಮಮ ಸರ್ವದಾ ॥ 12 ॥
ಪ್ರಿಯಂಕರೀ ಪ್ರಿಯವ್ಯಾಪೀ ನಾಭಿಂ ರಕ್ಷತು ಮುದ್ರಿಣೀ ।
ಸ್ಕಂಧೌ ರಕ್ಷತು ಶರ್ವಾಣೀ ಭುಜೌ ಮೇ ಪಾತು ಮೋಹಿನೀ ॥ 13 ॥
ಕಟಿಂ ಪಾತು ಪ್ರಧಾನೇಶೀ ಪಾತು ಪಾದೌ ಚ ಪುಷ್ಪಿಣೀ ।
ಆಪಾದಮಸ್ತಕಂ ಶ್ಯಾಮಾ ಪೂರ್ವೇ ರಕ್ಷತು ಪುಷ್ಟಿದಾ ॥ 14 ॥
ಉತ್ತರೇ ತ್ರಿಪುರಾ ರಕ್ಷೇದ್ವಿದ್ಯಾ ರಕ್ಷತು ಪಶ್ಚಿಮೇ ।
ವಿಜಯಾ ದಕ್ಷಿಣೇ ಪಾತು ಮೇಧಾ ರಕ್ಷತು ಚಾನಲೇ ॥ 15 ॥
ಪ್ರಾಜ್ಞಾ ರಕ್ಷತು ನೈರೃತ್ಯಾಂ ವಾಯವ್ಯಾಂ ಶುಭಲಕ್ಷಣಾ ।
ಈಶಾನ್ಯಾಂ ರಕ್ಷತಾದ್ದೇವೀ ಮಾತಂಗೀ ಶುಭಕಾರಿಣೀ ॥ 16 ॥
ಊರ್ಧ್ವಂ ಪಾತು ಸದಾ ದೇವೀ ದೇವಾನಾಂ ಹಿತಕಾರಿಣೀ ।
ಪಾತಲೇ ಪಾತು ಮಾಂ ನಿತ್ಯಾ ವಾಸುಕೀ ವಿಶ್ವರೂಪಿಣೀ ॥ 17 ॥
ಅಕಾರಾದಿಕ್ಷಕಾರಾಂತಮಾತೃಕಾರೂಪಧಾರಿಣೀ ।
ಆಪಾದಮಸ್ತಕಂ ಪಾಯಾದಷ್ಟಮಾತೃಸ್ವರೂಪಿಣೀ ॥ 18 ॥
ಅವರ್ಗಸಂಭವಾ ಬ್ರಾಹ್ಮೀ ಮುಖಂ ರಕ್ಷತು ಸರ್ವದಾ ।
ಕವರ್ಗಸ್ಥಾ ತು ಮಾಹೇಶೀ ಪಾತು ದಕ್ಷಭುಜಂ ತಥಾ ॥ 19 ॥
ಚವರ್ಗಸ್ಥಾ ತು ಕೌಮಾರೀ ಪಾಯಾನ್ಮೇ ವಾಮಕಂ ಭುಜಂ ।
ದಕ್ಷಪಾದಂ ಸಮಾಶ್ರಿತ್ಯ ಟವರ್ಗಂ ಪಾತು ವೈಷ್ಣವೀ ॥ 20 ॥
ತವರ್ಗಜನ್ಮಾ ವಾರಾಹೀ ಪಾಯಾನ್ಮೇ ವಾಮಪಾದಕಂ ।
ತಥಾ ಪವರ್ಗಜೇಂದ್ರಾಣೀ ಪಾರ್ಶ್ವಾದೀನ್ ಪಾತು ಸರ್ವದಾ ॥ 21 ॥
ಯವರ್ಗಸ್ಥಾ ತು ಚಾಮುಂಡಾ ಹೃದ್ದೋರ್ಮೂಲೇ ಚ ಮೇ ತಥಾ ।
ಹೃದಾದಿಪಾಣಿಪಾದಾಂತಜಠರಾನನಸಂಜ್ಞಿಕಂ ॥ 22 ॥
ಚಂಡಿಕಾ ಚ ಶವರ್ಗಸ್ಥಾ ರಕ್ಷತಾಂ ಮಮ ಸರ್ವದಾ ।
ವಿಶುದ್ಧಂ ಕಂಠಮೂಲಂ ತು ರಕ್ಷತಾತ್ಷೋಡಶಸ್ವರಾಃ ॥ 23 ॥
ಕಕಾರಾದಿ ಠಕಾರಾಂತ ದ್ವಾದಶಾರ್ಣಂ ಹೃದಂಬುಜಂ ।
ಮಣಿಪೂರಂ ಡಾಧಿಫಾಂತ ದಶವರ್ಣಸ್ವರೂಪಿಣೀ ॥ 24 ॥
ಸ್ವಾಧಿಷ್ಠಾನಂ ತು ಷಟ್ಪತ್ರಂ ಬಾದಿಲಾಂತಸ್ವರೂಪಿಣೀ ।
ವಾದಿಸಾಂತಸ್ವರೂಪಾಽವ್ಯಾನ್ಮೂಲಾಧಾರಂ ಚತುರ್ದಲಂ ॥ 25 ॥
ಹಂಕ್ಷಾರ್ಣಮಾಜ್ಞಾ ದ್ವಿದಲಂ ಭ್ರುವೋರ್ಮಧ್ಯಂ ಸದಾವತು ।
ಅಕಾರಾದಿಕ್ಷಕಾರಾಂತಮಾತೃಕಾಬೀಜರೂಪಿಣಿ ॥ 26 ॥
ಮಾತಂಗೀ ಮಾಂ ಸದಾ ರಕ್ಷೇದಾಪಾದತಲಮಸ್ತಕಂ ।
ಇಮಂ ಮಂತ್ರಂ ಸಮುದ್ಧಾರ್ಯ ಧಾರಯೇದ್ವಾಮಕೇ ಭುಜೇ ॥ 27 ॥
ಕಂಠೇ ವಾ ಧಾರಯೇದ್ಯಸ್ತು ಸ ವೈ ದೇವೋ ಮಹೇಶ್ವರಃ ।
ತಂ ದೃಷ್ಟ್ವಾ ದೇವತಾಃ ಸರ್ವಾಃ ಪ್ರಣಮಂತಿ ಸುದೂರತಃ ॥ 28 ॥
ತಸ್ಯ ತೇಜಃ ಪ್ರಭಾವೇನ ಸಮ್ಯಗ್ಗಂತುಂ ನ ಶಕ್ಯತೇ ।
ಇಂದ್ರಾದೀನಾಂ ಲಭೇತ್ಸತ್ಯಂ ಭೂಪತಿರ್ವಶಗೋ ಭವೇತ್ ॥ 29 ॥
ವಾಕ್ಸಿದ್ಧಿರ್ಜಾಯತೇ ತಸ್ಯ ಅಣಿಮಾದ್ಯಷ್ಟಸಿದ್ಧಯಃ ।
ಅಜ್ಞಾತ್ವಾ ಕವಚಂ ದೇವ್ಯಾಃ ಶ್ಯಾಮಲಾಂ ಯೋ ಜಪೇನ್ನರಃ ॥ 30 ॥
ತಸ್ಯಾವಶ್ಯಂ ತು ಸಾ ದೇವೀ ಯೋಗಿನೀ ಭಕ್ಷಯೇತ್ತನುಂ ।
ಇಹ ಲೋಕೇ ಸದಾ ದುಃಖಂ ಅತೋ ದುಃಖೀ ಭವಿಷ್ಯತಿ ॥ 31 ॥
ಜನ್ಮಕೋಟಿ ಸದಾ ಮೂಕೋ ಮಂತ್ರಸಿದ್ಧಿರ್ನ ವಿದ್ಯತೇ ।
ಗುರುಪಾದೌ ನಮಸ್ಕೃತ್ಯ ಯಥಾಮಂತ್ರಂ ಭವೇತ್ಸುಧೀಃ ॥ 32 ॥
ತಥಾ ತು ಕವಚಂ ದೇವ್ಯಾಃ ಸಫಲಂ ಗುರುಸೇವಯಾ ।
ಇಹ ಲೋಕೇ ನೃಪೋ ಭೂತ್ವಾ ಪಠೇನ್ಮುಕ್ತೋ ಭವಿಷ್ಯತಿ ॥ 33 ॥
ಬೋಧಯೇತ್ಪರಶಿಷ್ಯಾಯ ದುರ್ಜನಾಯ ಸುರೇಶ್ವರಿ ।
ನಿಂದಕಾಯ ಕುಶೀಲಾಯ ಶಕ್ತಿಹಿಂಸಾಪರಾಯ ಚ ॥ 34 ॥
ಯೋ ದದಾತಿ ನ ಸಿಧ್ಯೇತ ಮಾತಂಗೀಕವಚಂ ಶುಭಂ ।
ನ ದೇಯಂ ಸರ್ವದಾ ಭದ್ರೇ ಪ್ರಾಣೈಃ ಕಂಠಗತೈರಪಿ ॥ 35 ॥
ಗೋಪ್ಯಾದ್ಗೋಪ್ಯತರಂ ಗೋಪ್ಯಂ ಗುಹ್ಯಾದ್ಗುಹ್ಯತಮಂ ಮಹತ್ ।
ದದ್ಯಾದ್ಗುರುಃ ಸುಶಿಷ್ಯಾಯ ಗುರುಭಕ್ತಿಪರಾಯ ಚ ।
ಶಿವೇ ನಷ್ಟೇ ಗುರುಸ್ತ್ರಾತಾ ಗುರೌ ನಷ್ಟೇ ನ ಕಶ್ಚನ ॥ 36 ॥
ಇತಿ ಶ್ರೀ ಶಕ್ತಿತಂತ್ರಮಹಾರ್ಣವೇ ಶ್ರೀ ಶ್ಯಾಮಲಾ ಕವಚಂ ।
Recite with devotion and pure heart
Regular practice brings spiritual benefits