రాధా కృపా కటాక్ష స్తోత్రం

మునీంద్ర–వృంద–వందితే త్రిలోక–శోక–హారిణి ప్రసన్న-వక్త్ర-పణ్కజే నికుంజ-భూ-విలాసిని వ్రజేంద్ర–భాను–నందిని వ్రజేంద్ర–సూను–సంగతే కదా కరిష్యసీహ మాం కృపాకటాక్ష–భాజనం ॥ 1 ॥ అశోక–వృక్ష–వల్లరీ వితాన–మండప–స్థితే ప్రవాలబాల–పల్లవ ప్రభారుణాంఘ్రి–కోమలే । వరాభయస్ఫురత్కరే ప్రభూతసంపదాలయే కదా కరిష్యసీహ మాం కృపాకటాక్ష–భాజనం ॥ 2 ॥ అనంగ-రణ్గ మంగల-ప్రసంగ-భంగుర-భ్రువాం సవిభ్రమం ససంభ్రమం దృగంత–బాణపాతనైః । నిరంతరం వశీకృతప్రతీతనందనందనే కదా కరిష్యసీహ మాం కృపాకటాక్ష–భాజనం ॥ 3 ॥ తడిత్–సువర్ణ–చంపక –ప్రదీప్త–గౌర–విగ్రహే ముఖ–ప్రభా–పరాస్త–కోటి–శారదేందుమండలే । విచిత్ర-చిత్ర సంచరచ్చకోర-శావ-లోచనే కదా కరిష్యసీహ మాం కృపాకటాక్ష–భాజనం ॥ 4 ॥ మదోన్మదాతి–యౌవనే ప్రమోద–మాన–మండితే ప్రియానురాగ–రంజితే కలా–విలాస – పండితే । అనన్యధన్య–కుంజరాజ్య–కామకేలి–కోవిదే కదా కరిష్యసీహ మాం కృపాకటాక్ష–భాజనం ॥ 5 ॥ అశేష–హావభావ–ధీరహీరహార–భూషితే ప్రభూతశాతకుంభ–కుంభకుంభి–కుంభసుస్తని । ప్రశస్తమంద–హాస్యచూర్ణ పూర్ణసౌఖ్య –సాగరే కదా కరిష్యసీహ మాం కృపాకటాక్ష–భాజనం ॥ 6 ॥ మృణాల-వాల-వల్లరీ తరంగ-రంగ-దోర్లతే లతాగ్ర–లాస్య–లోల–నీల–లోచనావలోకనే । లలల్లులన్మిలన్మనోజ్ఞ–ముగ్ధ–మోహినాశ్రితే కదా కరిష్యసీహ మాం కృపాకటాక్ష–భాజనం ॥ 7 ॥ సువర్ణమలికాంచిత –త్రిరేఖ–కంబు–కంఠగే త్రిసూత్ర–మంగలీ-గుణ–త్రిరత్న-దీప్తి–దీధితే । సలోల–నీలకుంతల–ప్రసూన–గుచ్ఛ–గుంఫితే కదా కరిష్యసీహ మాం కృపాకటాక్ష–భాజనం ॥ 8 ॥ నితంబ–బింబ–లంబమాన–పుష్పమేఖలాగుణే ప్రశస్తరత్న-కింకిణీ-కలాప-మధ్య మంజులే । కరీంద్ర–శుండదండికా–వరోహసౌభగోరుకే కదా కరిష్యసీహ మాం కృపాకటాక్ష–భాజనం ॥ 9 ॥ అనేక–మంత్రనాద–మంజు నూపురారవ–స్ఖలత్ సమాజ–రాజహంస–వంశ–నిక్వణాతి–గౌరవే । విలోలహేమ–వల్లరీ–విడంబిచారు–చంక్రమే కదా కరిష్యసీహ మాం కృపాకటాక్ష–భాజనం ॥ 10 ॥ అనంత–కోటి–విష్ణులోక–నమ్ర–పద్మజార్చితే హిమాద్రిజా–పులోమజా–విరించజా-వరప్రదే । అపార–సిద్ధి–ఋద్ధి–దిగ్ధ–సత్పదాంగులీ-నఖే కదా కరిష్యసీహ మాం కృపాకటాక్ష–భాజనం ॥ 11 ॥ మఖేశ్వరి క్రియేశ్వరి స్వధేశ్వరి సురేశ్వరి త్రివేద–భారతీశ్వరి ప్రమాణ–శాసనేశ్వరి । రమేశ్వరి క్షమేశ్వరి ప్రమోద–కాననేశ్వరి వ్రజేశ్వరి వ్రజాధిపే శ్రీరాధికే నమోస్తుతే ॥ 12 ॥ ఇతీ మమద్భుతం-స్తవం నిశమ్య భానునందినీ కరోతు సంతతం జనం కృపాకటాక్ష-భాజనం । భవేత్తదైవ సంచిత త్రిరూప–కర్మ నాశనం లభేత్తదా వ్రజేంద్ర–సూను–మండల–ప్రవేశనం ॥ 13 ॥ రాకాయాం చ సితాష్టమ్యాం దశమ్యాం చ విశుద్ధధీః । ఏకాదశ్యాం త్రయోదశ్యాం యః పఠేత్సాధకః సుధీః ॥ 14 ॥ యం యం కామయతే కామం తం తమాప్నోతి సాధకః । రాధాకృపాకటాక్షేణ భక్తిఃస్యాత్ ప్రేమలక్షణా ॥ 15 ॥ ఊరుదఘ్నే నాభిదఘ్నే హృద్దఘ్నే కంఠదఘ్నకే । రాధాకుండజలే స్థితా యః పఠేత్ సాధకః శతం ॥ 16 ॥ తస్య సర్వార్థ సిద్ధిః స్యాద్ వాక్సామర్థ్యం తథా లభేత్ । ఐశ్వర్యం చ లభేత్ సాక్షాద్దృశా పశ్యతి రాధికాం ॥ 17 ॥ తేన స తత్క్షణాదేవ తుష్టా దత్తే మహావరం । యేన పశ్యతి నేత్రాభ్యాం తత్ ప్రియం శ్యామసుందరం ॥ 18 ॥ నిత్యలీలా–ప్రవేశం చ దదాతి శ్రీ-వ్రజాధిపః । అతః పరతరం ప్రార్థ్యం వైష్ణవస్య న విద్యతే ॥ 19 ॥ ॥ ఇతి శ్రీ రాధా కృపా కటాక్ష స్తోత్రం సంపూర్ణం ॥

Recite with devotion and pure heart

Regular practice brings spiritual benefits