நீல ஸரஸ்வதீ ஸ்தோத்ரம்

கோ⁴ரரூபே மஹாராவே ஸர்வஶத்ருப⁴யங்கரி ।

ப⁴க்தேப்⁴யோ வரதே³ தே³வி த்ராஹி மாம்ʼ ஶரணாக³தம் ॥ 1 ॥

ஸுரா(அ)ஸுரார்சிதே தே³வி ஸித்³த⁴க³ந்த⁴ர்வஸேவிதே ।

ஜாட்³யபாபஹரே தே³வி த்ராஹி மாம்ʼ ஶரணாக³தம் ॥ 2 ॥

ஜடாஜூடஸமாயுக்தே லோலஜிஹ்வாந்தகாரிணீ ।

த்³ருதபு³த்³தி⁴கரே தே³வி த்ராஹி மாம்ʼ ஶரணாக³தம் ॥ 3 ॥

ஸௌம்யக்ரோத⁴த⁴ரே ரூபே சண்ட³ரூபே நமோ(அ)ஸ்து தே ।

ஸ்ருʼஷ்டிரூபே நமஸ்துப்⁴யம்ʼ த்ராஹி மாம்ʼ ஶரணாக³தம் ॥ 4 ॥

ஜடா³னாம்ʼ ஜட³தாம்ʼ ஹந்தி ப⁴க்தானாம்ʼ ப⁴க்தவத்ஸலா ।

மூட⁴தாம்ʼ ஹர மே தே³வி த்ராஹி மாம்ʼ ஶரணாக³தம் ॥ 5 ॥

ஹ்ரூம்ʼ ஹ்ரூங்கரமயே தே³வி ப³லிஹோமப்ரியே நம꞉ ।

உக்³ரதாரே நமோ நித்யம்ʼ த்ராஹி மாம்ʼ ஶரணாக³தம் ॥ 6 ॥

பு³த்³தி⁴ம்ʼ தே³ஹி யஶோ தே³ஹி கவித்வம்ʼ தே³ஹி தே³வி மே ।

மூட⁴த்வம்ʼ ச ஹரேர்தே³வி த்ராஹி மாம்ʼ ஶரணாக³தம் ॥ 7 ॥

இந்த்³ராதி³விலஸத்³வந்த்³வவந்தி³தே கருணாமயி ।

தாரே தாரதி⁴நாதா²ஸ்யே த்ராஹி மாம்ʼ ஶரணாக³தம் ॥ 8 ॥

அஷ்டம்யாம்ʼ ச சதுர்த³ஶ்யாம்ʼ நவம்யாம்ʼ ய꞉ படே²ன்னர꞉ ।

ஷண்மாஸை꞉ ஸித்³தி⁴மாப்னோதி நா(அ)த்ர கார்யா விசாரணா ॥ 9 ॥

மோக்ஷார்தீ² லப⁴தே மோக்ஷம்ʼ த⁴னார்தீ² லப⁴தே த⁴னம் ।

வித்³யார்தீ² லப⁴தே வித்³யாம்ʼ தர்கவ்யாகரணாதி³கம் ॥ 10 ॥

இத³ம்ʼ ஸ்தோத்ரம் படே²த்³யஸ்து ஸததம்ʼ ஶ்ரத்³த⁴யான்வித꞉ ।

தஸ்ய ஶத்ரு꞉ க்ஷயம்ʼ யாதி மஹாப்ரஜ்ஞா ப்ரஜாயதே ॥ 11 ॥

பீடா³யாம்ʼ வாபி ஸங்க்³ராமே ஜாட்³யே தா³னே ததா² ப⁴யே ।

ய இத³ம்ʼ பட²தி ஸ்தோத்ரம் ஶுப⁴ம்ʼ தஸ்ய ந ஸம்ʼஶய꞉ ॥ 12 ॥

இதி ப்ரணம்ய ஸ்துத்வா ச யோனிமுத்³ராம்ʼ ப்ரத³ர்ஶயேத் ॥

இதி ஶ்ரீ நீலஸரஸ்வதீ ஸ்தோத்ரம் ॥

Recite with devotion and pure heart

Regular practice brings spiritual benefits