நவரத்ன மாலிகா ஸ்தோத்ரம்

ஹாரநூபுரகிரீடகுண்ட³லவிபூ⁴ஷிதாவயவஶோபி⁴னீம்ʼ

காரணேஶவரமௌலிகோடிபரிகல்ப்யமானபத³பீடி²காம் ।

காலகாலப²ணிபாஶபா³ணத⁴னுரங்குஶாமருணமேக²லாம்ʼ

பா²லபூ⁴திலகலோசனாம்ʼ மனஸி பா⁴வயாமி பரதே³வதாம் ॥ 1 ॥

க³ந்த⁴ஸாரக⁴னஸாரசாருனவநாக³வல்லிரஸவாஸினீம்ʼ

ஸாந்த்⁴யராக³மது⁴ராத⁴ராப⁴ரணஸுந்த³ரானனஶுசிஸ்மிதாம் ।

மந்த⁴ராயதவிலோசநாமமலபா³லசந்த்³ரக்ருʼதஶேக²ரீம்ʼ

இந்தி³ராரமணஸோத³ரீம்ʼ மனஸி பா⁴வயாமி பரதே³வதாம் ॥ 2 ॥

ஸ்மேரசாருமுக²மண்ட³லாம்ʼ விமலக³ண்ட³லம்பி³மணிமண்ட³லாம்ʼ

ஹாரதா³மபரிஶோப⁴மானகுசபா⁴ரபீ⁴ருதனுமத்⁴யமாம் ।

வீரக³ர்வஹரநூபுராம்ʼ விவித⁴காரணேஶவரபீடி²காம்ʼ

மாரவைரிஸஹசாரிணீம்ʼ மனஸி பா⁴வயாமி பரதே³வதாம் ॥ 3 ॥

பூ⁴ரிபா⁴ரத⁴ரகுண்ட³லீந்த்³ரமணிப³த்³த⁴பூ⁴வலயபீடி²காம்ʼ

வாரிராஶிமணிமேக²லாவலயவஹ்னிமண்ட³லஶரீரிணீம் ।

வாரிஸாரவஹகுண்ட³லாம்ʼ க³க³னஶேக²ரீம்ʼ ச பரமாத்மிகாம்ʼ

சாருசந்த்³ரவிலோசனாம்ʼ மனஸி பா⁴வயாமி பரதே³வதாம் ॥ 4 ॥

குண்ட³லத்ரிவித⁴கோணமண்ட³லவிஹாரஷட்³த³லஸமுல்லஸ-

த்புண்ட³ரீகமுக²பே⁴தி³னீம்ʼ ச ப்ரசண்ட³பா⁴னுபா⁴ஸமுஜ்ஜ்வலாம் ।

மண்ட³லேந்து³பரிவாஹிதாம்ருʼததரங்கி³ணீமருணரூபிணீம்ʼ

மண்ட³லாந்தமணிதீ³பிகாம்ʼ மனஸி பா⁴வயாமி பரதே³வதாம் ॥ 5 ॥

வாரணானனமயூரவாஹமுக²தா³ஹவாரணபயோத⁴ராம்ʼ

சாரணாதி³ஸுரஸுந்த³ரீசிகுரஶேகரீக்ருʼதபதா³ம்பு³ஜாம் ।

காரணாதி⁴பதிபஞ்சகப்ரக்ருʼதிகாரணப்ரத²மமாத்ருʼகாம்ʼ

வாரணாந்தமுக²பாரணாம்ʼ மனஸி பா⁴வயாமி பரதே³வதாம் ॥ 6 ॥

பத்³மகாந்திபத³பாணிபல்லவபயோத⁴ரானனஸரோருஹாம்ʼ

பத்³மராக³மணிமேக²லாவலயனீவிஶோபி⁴தநிதம்பி³னீம் ।

பத்³மஸம்ப⁴வஸதா³ஶிவாந்தமயபஞ்சரத்னபத³பீடி²காம்ʼ

பத்³மினீம்ʼ ப்ரணவரூபிணீம்ʼ மனஸி பா⁴வயாமி பரதே³வதாம் ॥ 7 ॥

ஆக³மப்ரணவபீடி²காமமலவர்ணமங்க³லஶரீரிணீம்ʼ

ஆக³மாவயவஶோபி⁴னீமகி²லவேத³ஸாரக்ருʼதஶேக²ரீம் ।

மூலமந்த்ரமுக²மண்ட³லாம்ʼ முதி³தநாத³பி³ந்து³னவயௌவனாம்ʼ

மாத்ருʼகாம்ʼ த்ரிபுரஸுந்த³ரீம்ʼ மனஸி பா⁴வயாமி பரதே³வதாம் ॥ 8 ॥

காலிகாதிமிரகுந்தலாந்தக⁴னப்⁴ருʼங்க³மங்க³லவிராஜினீம்ʼ

சூலிகாஶிக²ரமாலிகாவலயமல்லிகாஸுரபி⁴ஸௌரபா⁴ம் ।

வாலிகாமது⁴ரக³ண்ட³மண்ட³லமனோஹரானனஸரோருஹாம்ʼ

காலிகாமகி²லநாயிகாம்ʼ மனஸி பா⁴வயாமி பரதே³வதாம் ॥ 9 ॥

நித்யமேவ நியமேன ஜல்பதாம்ʼ – பு⁴க்திமுக்திப²லதா³மபீ⁴ஷ்டதா³ம் ।

ஶங்கரேண ரசிதாம்ʼ ஸதா³ ஜபேந்நாமரத்னனவரத்னமாலிகாம் ॥ 10 ॥

Recite with devotion and pure heart

Regular practice brings spiritual benefits