மனஸா தே³வீ ஸ்தோத்ரம் - மஹேந்த்³ர க்ருʼதம்

தே³வி த்வாம்ʼ ஸ்தோதுமிச்சா²மி ஸாத்⁴வீனாம்ʼ ப்ரவராம்ʼ பராம் ।

பராத்பராம்ʼ ச பரமாம்ʼ ந ஹி ஸ்தோதும்ʼ க்ஷமோ(அ)து⁴னா ॥ 1 ॥

ஸ்தோத்ராணாம்ʼ லக்ஷணம்ʼ வேதே³ ஸ்வபா⁴வாக்²யானத꞉ பரம் ।

ந க்ஷம꞉ ப்ரக்ருʼதிம்ʼ வக்தும்ʼ கு³ணானாம்ʼ தவ ஸுவ்ரதே ॥ 2 ॥

ஶுத்³த⁴ஸத்த்வஸ்வரூபா த்வம்ʼ கோபஹிம்ʼஸாவிவர்ஜிதா ।

ந ச ஶப்தோ முநிஸ்தேன த்யக்தயா ச த்வயா யத꞉ ॥ 3 ॥

த்வம்ʼ மயா பூஜிதா ஸாத்⁴வீ ஜனனீ ச யதா²(அ)தி³தி꞉ ।

த³யாரூபா ச ப⁴கி³னீ க்ஷமாரூபா யதா² ப்ரஸூ꞉ ॥ 4 ॥

த்வயா மே ரக்ஷிதா꞉ ப்ராணா புத்ரதா³ரா꞉ ஸுரேஶ்வரி ।

அஹம்ʼ கரோமி த்வாம்ʼ பூஜ்யாம்ʼ மம ப்ரீதிஶ்ச வர்த⁴தே ॥ 5 ॥

நித்யம்ʼ யத்³யபி பூஜ்யா த்வம்ʼ ப⁴வே(அ)த்ர ஜக³த³ம்பி³கே ।

ததா²பி தவ பூஜாம்ʼ வை வர்த⁴யாமி புன꞉ புன꞉ ॥ 6 ॥

யே த்வாமாஷாட⁴ஸங்க்ராந்த்யாம்ʼ பூஜயிஷ்யந்தி ப⁴க்தித꞉ ।

பஞ்சம்யாம்ʼ மனஸாக்²யாயாம்ʼ மாஸாந்தே வா தி³னே தி³னே ॥ 7 ॥

புத்ரபௌத்ராத³யஸ்தேஷாம்ʼ வர்த⁴ந்தே ச த⁴னானி ச ।

யஶஸ்வின꞉ கீர்திமந்தோ வித்³யாவந்தோ கு³ணான்விதா꞉ ॥ 8 ॥

யே த்வாம்ʼ ந பூஜயிஷ்யந்தி நிந்த³ந்த்யஜ்ஞானதோ ஜனா꞉ ।

லக்ஷ்மீஹீனா ப⁴விஷ்யந்தி தேஷாம்ʼ நாக³ப⁴யம்ʼ ஸதா³ ॥ 9 ॥

த்வம்ʼ ஸ்வர்க³லக்ஷ்மீ꞉ ஸ்வர்கே³ ச வைகுண்டே² கமலாகலா ।

நாராயணாம்ʼஶோ ப⁴க³வான் ஜரத்காருர்முனீஶ்வர꞉ ॥ 10 ॥

தபஸா தேஜஸா த்வாம்ʼ ச மனஸா ஸஸ்ருʼஜே பிதா ।

அஸ்மாகம்ʼ ரக்ஷணாயைவ தேன த்வம்ʼ மனஸாபி⁴தா⁴ ॥ 11 ॥

மனஸா தே³வி து ஶக்தா சாத்மனா ஸித்³த⁴யோகி³னீ ।

தேன த்வம்ʼ மனஸாதே³வீ பூஜிதா வந்தி³தா ப⁴வே ॥ 12 ॥

யாம்ʼ ப⁴க்த்யா மனஸா தே³வா꞉ பூஜயந்த்யநிஶம்ʼ ப்⁴ருʼஶம் ।

தேன த்வாம்ʼ மனஸாதே³வீம்ʼ ப்ரவத³ந்தி புராவித³꞉ ॥ 13 ॥

ஸத்த்வரூபா ச தே³வீ த்வம்ʼ ஶஶ்வத்ஸத்த்வநிஷேவயா ।

யோ ஹி யத்³பா⁴வயேந்நித்யம்ʼ ஶதம்ʼ ப்ராப்னோதி தத்ஸமம் ॥ 14 ॥

இத³ம்ʼ ஸ்தோத்ரம்ʼ புண்யபீ³ஜம்ʼ தாம்ʼ ஸம்பூஜ்ய ச ய꞉ படே²த் ।

தஸ்ய நாக³ப⁴யம்ʼ நாஸ்தி தஸ்ய வம்ʼஶோத்³ப⁴வஸ்ய ச ॥ 15 ॥

விஷம்ʼ ப⁴வேத்ஸுதா⁴துல்யம்ʼ ஸித்³த⁴ஸ்தோத்ரம்ʼ யதா³ படே²த் ।

பஞ்சலக்ஷஜபேனைவ ஸித்³த⁴ஸ்தோத்ரோ ப⁴வேன்னர꞉ ।

ஸர்பஶாயீ ப⁴வேத்ஸோ(அ)பி நிஶ்சிதம்ʼ ஸர்பவாஹன꞉ ॥ 16 ॥

இதி ஶ்ரீப்³ரஹ்மவைவர்தே மஹாபுராணே ப்ரக்ருʼதிக²ண்டே³ ஷட்சத்வாரிம்ʼஶோ(அ)த்⁴யாயே மஹேந்த்³ர க்ருʼத ஶ்ரீ மனஸாதே³வீ ஸ்தோத்ரம் ॥

ஆஸ்தீகமுனி மந்த்ர꞉

ஸர்பாபஸர்ப ப⁴த்³ரம்ʼ தே க³ச்ச² ஸர்ப மஹாவிஷ ।

ஜனமேஜயஸ்ய யஜ்ஞாந்தே ஆஸ்தீகவசனம்ʼ ஸ்மர ॥

Recite with devotion and pure heart

Regular practice brings spiritual benefits