ഹൈന്ദവം
हैंహై
ഹൈന്ദവം
ஹிહિં📍
Font Size:
കമലാ സ്തോത്രം
ഓങ്കാരരൂപിണീ ദേവി വിശുദ്ധസത്ത്വരൂപിണീ ।
ദേവാനാം ജനനീ ത്വം ഹി പ്രസന്നാ ഭവ സുന്ദരി ॥ 1 ॥
തന്മാത്രം ചൈവ ഭൂതാനി തവ വക്ഷഃസ്ഥലം സ്മൃതം ।
ത്വമേവ വേദഗമ്യാ തു പ്രസന്നാ ഭവ സുന്ദരി ॥ 2 ॥
ദേവ ദാനവ ഗന്ധർവ യക്ഷ രാക്ഷസ കിന്നരൈഃ ।
സ്തൂയസേ ത്വം സദാ ലക്ഷ്മി പ്രസന്നാ ഭവ സുന്ദരി ॥ 3 ॥
ലോകാതീതാ ദ്വൈതാതീതാ സമസ്തഭൂതവേഷ്ടിതാ ।
വിദ്വജ്ജനകീർതിതാ ച പ്രസന്നാ ഭവ സുന്ദരി ॥ 4 ॥
പരിപൂർണാ സദാ ലക്ഷ്മി ത്രാത്രീ തു ശരണാർഥിഷു ।
വിശ്വാദ്യാ വിശ്വകർത്രീ ച പ്രസന്നാ ഭവ സുന്ദരി ॥ 5 ॥
ബ്രഹ്മരൂപാ ച സാവിത്രീ ത്വദ്ദീപ്ത്യാ ഭാസതേ ജഗത് ।
വിശ്വരൂപാ വരേണ്യാ ച പ്രസന്നാ ഭവ സുന്ദരി ॥ 6 ॥
ക്ഷിത്യപ്തേജോമരുദ്വോമപഞ്ചഭൂതസ്വരൂപിണീ ।
ബന്ധാദേഃ കാരണം ത്വം ഹി പ്രസന്നാ ഭവ സുന്ദരി ॥ 7 ॥
മഹേശേ ത്വം ഹൈമവതീ കമലാ കേശവേഽപി ച ।
ബ്രഹ്മണഃ പ്രേയസീ ത്വം ഹി പ്രസന്നാ ഭവ സുന്ദരി ॥ 8 ॥
ചണ്ഡീ ദുർഗാ കാലികാ ച കൗശികീ സിദ്ധിരൂപിണീ ।
യോഗിനീ യോഗഗമ്യാ ച പ്രസന്നാ ഭവ സുന്ദരി ॥ 9 ॥
ബാല്യേ ച ബാലികാ ത്വം ഹി യൗവനേ യുവതീതി ച ।
സ്ഥവിരേ വൃദ്ധരൂപാ ച പ്രസന്നാ ഭവ സുന്ദരി ॥ 10 ॥
ഗുണമയീ ഗുണാതീതാ ആദ്യാ വിദ്യാ സനാതനീ ।
മഹത്തത്ത്വാദിസമ്യുക്താ പ്രസന്നാ ഭവ സുന്ദരി ॥ 11 ॥
തപസ്വിനീ തപഃ സിദ്ധിഃ സ്വർഗസിദ്ധിസ്തദർഥിഷു ।
ചിന്മയീ പ്രകൃതിസ്ത്വം തു പ്രസന്നാ ഭവ സുന്ദരി ॥ 12 ॥
ത്വമാദിർജഗതാം ദേവി ത്വമേവ സ്ഥിതികാരണം ।
ത്വമന്തേ നിധനസ്ഥാനം സ്വേച്ഛാചാരാ ത്വമേവ ഹി ॥ 13 ॥
ചരാചരാണാം ഭൂതാനാം ബഹിരന്തസ്ത്വമേവ ഹി ।
വ്യാപ്യവ്യാപകരൂപേണ ത്വം ഭാസി ഭക്തവത്സലേ ॥ 14 ॥
ത്വന്മായയാ ഹൃതജ്ഞാനാ നഷ്ടാത്മാനോ വിചേതസഃ ।
ഗതാഗതം പ്രപദ്യന്തേ പാപപുണ്യവശാത്സദാ ॥ 15 ॥
താവത്സത്യം ജഗദ്ഭാതി ശുക്തികാരജതം യഥാ ।
യാവന്ന ജ്ഞായതേ ജ്ഞാനം ചേതസാ നാന്വഗാമിനീ ॥ 16 ॥
ത്വജ്ജ്ഞാനാത്തു സദാ യുക്തഃ പുത്രദാരഗൃഹാദിഷു ।
രമന്തേ വിഷയാൻ സർവാനന്തേ ദുഃഖപ്രദാൻ ധ്രുവം ॥ 17 ॥
ത്വദാജ്ഞയാ തു ദേവേശി ഗഗനേ സൂര്യമണ്ഡലം ।
ചന്ദ്രശ്ച ഭ്രമതേ നിത്യം പ്രസന്നാ ഭവ സുന്ദരി ॥ 18 ॥
ബ്രഹ്മേശവിഷ്ണുജനനീ ബ്രഹ്മാഖ്യാ ബ്രഹ്മസംശ്രയാ ।
വ്യക്താഽവ്യക്താ ച ദേവേശി പ്രസന്നാ ഭവ സുന്ദരി ॥ 19 ॥
അചലാ സർവഗാ ത്വം ഹി മായാതീതാ മഹേശ്വരി ।
ശിവാത്മാ ശാശ്വതാ നിത്യാ പ്രസന്നാ ഭവ സുന്ദരി ॥ 20 ॥
സർവകാര്യനിയന്ത്രീ ച സർവഭൂതേശ്വരേശ്വരീ ।
അനന്താ നിഷ്കാലാ ത്വം ഹി പ്രസന്നാ ഭവസുന്ദരി ॥ 21 ॥
സർവേശ്വരീ സർവവന്ദ്യാ അചിന്ത്യാ പരമാത്മികാ ।
ഭുക്തിമുക്തിപ്രദാ ത്വം ഹി പ്രസന്നാ ഭവ സുന്ദരി ॥ 22 ॥
ബ്രഹ്മാണീ ബ്രഹ്മലോകേ ത്വം വൈകുണ്ഠേ സർവമംഗലാ ।
ഇന്ദ്രാണീ അമരാവത്യാമംബികാ വരുണാലയേ ॥ 23 ॥
യമാലയേ കാലരൂപാ കുബേരഭവനേ ശുഭാ ।
മഹാനന്ദാഗ്നികോണേ ച പ്രസന്നാ ഭവ സുന്ദരി ॥ 24 ॥
നൈരൃത്യാം രക്തദന്താ ത്വം വായവ്യാം മൃഗവാഹിനീ ।
പാതാലേ വൈഷ്ണവീരൂപാ പ്രസന്നാ ഭവ സുന്ദരി ॥ 25 ॥
സുരസാ ത്വം മണിദ്വീപേ ഐശാന്യാം ശൂലധാരിണീ ।
ഭദ്രകാലീ ച ലങ്കായാം പ്രസന്നാ ഭവ സുന്ദരി ॥ 26 ॥
രാമേശ്വരീ സേതുബന്ധേ സിംഹലേ ദേവമോഹിനീ ।
വിമലാ ത്വം ച ശ്രീക്ഷേത്രേ പ്രസന്നാ ഭവ സുന്ദരി ॥ 27 ॥
കാലികാ ത്വം കാലിഘട്ടേ കാമാഖ്യാ നീലപർവതേ ।
വിരജാ ഔഡ്രദേശേ ത്വം പ്രസന്നാ ഭവ സുന്ദരി ॥ 28 ॥
വാരാണസ്യാമന്നപൂർണാ അയോധ്യായാം മഹേശ്വരീ ।
ഗയാസുരീ ഗയാധാമ്നി പ്രസന്നാ ഭവ സുന്ദരി ॥ 29 ॥
ഭദ്രകാലീ കുരുക്ഷേത്രേ കൃഷ്ണ കാത്യായനീ വ്രജേ ।
മഹാമായാ ദ്വാരകായാം പ്രസന്നാ ഭവ സുന്ദരി ॥ 30 ॥
ക്ഷുധാ ത്വം സർവജീവാനാം വേലാ ച സാഗരസ്യ ഹി ।
മഹേശ്വരീ മഥുരായാം പ്രസന്നാ ഭവ സുന്ദരി ॥ 31 ॥
രാമസ്യ ജാനകീ ത്വം ച ശിവസ്യ മനമോഹിനീ ।
ദക്ഷസ്യ ദുഹിതാ ചൈവ പ്രസന്നാ ഭവ സുന്ദരി ॥ 32 ॥
വിഷ്ണുഭക്തിപ്രദാ ത്വം ച കംസാസുര വിനാശിനീ ।
രാവണനാശിനീ ചൈവ പ്രസന്നാ ഭവ സുന്ദരി ॥ 33 ॥
ലക്ഷ്മീസ്തോത്രമിദം പുണ്യം യഃ പഠേദ്ഭക്തിസമ്യുതഃ ।
സർവജ്വരഭയം നശ്യേത് സർവവ്യാധിനിവാരണം ॥ 34 ॥
ഇദം സ്തോത്രം മഹാപുണ്യമാപദുദ്ധാരകാരണം ।
ത്രിസന്ധ്യമേകസന്ധ്യം വാ യഃ പഠേത് സതതം നരഃ ॥ 35 ॥
മുച്യതേ സർവപാപേഭ്യസ്തഥാ തു സർവസങ്കടാത് ।
മുച്യതേ നാത്ര സന്ദേഹോ ഭുവി സ്വർഗേ രസാതലേ ॥ 36 ॥
സമസ്തം ച തഥാ ചൈകം യഃ പഠേദ്ഭക്തിതത്പരഃ ।
സ സർവദുഷ്കരം തീർത്വാ ലഭതേ പരമാം ഗതിം ॥ 37 ॥
സുഖദം മോക്ഷദം സ്തോത്രം യഃ പഠേദ്ഭക്തിസമ്യുതഃ ।
സ തു കോടിതീർഥഫലം പ്രാപ്നോതി നാത്ര സംശയഃ ॥ 38 ॥
ഏകാ ദേവീ തു കമലാ യസ്മിംസ്തുഷ്ടാ ഭവേത്സദാ ।
തസ്യാഽസാധ്യം തു ദേവേശി നാസ്തികിഞ്ചിജ്ജഗത്ത്രയേ ॥ 39 ॥
പഠനാദപി സ്തോത്രസ്യ കിം ന സിദ്ധ്യതി ഭൂതലേ ।
തസ്മാത് സ്തോത്രവരം പ്രോക്തം സത്യം സത്യം ഹി പാർവതി ॥ 40 ॥
ഇതി ശ്രീ കമലാ സ്തോത്രം ।
Recite with devotion and pure heart
Regular practice brings spiritual benefits