हैंహైHaindavamஹிહિં
📍
Font Size:
கமலா கவசம்
ஈஶ்வர உவாச ।
அத² வக்ஷ்யே மஹேஶானி கவசம்ʼ ஸர்வகாமத³ம் ।
யஸ்ய விஜ்ஞானமாத்ரேண ப⁴வேத்ஸாக்ஷாத்ஸதா³ஶிவ꞉ ॥ 1 ॥
நார்சனம்ʼ தஸ்ய தே³வேஶி மந்த்ரமாத்ரம்ʼ ஜபேன்னர꞉ ।
ஸ ப⁴வேத்பார்வதீபுத்ர꞉ ஸர்வஶாஸ்த்ரேஷு பாரக³꞉ ।
வித்³யார்தி²னா ஸதா³ ஸேவ்யா விஶேஷே விஷ்ணுவல்லபா⁴ ॥ 2 ॥
அஸ்யாஶ்சதுரக்ஷரிவிஷ்ணுவனிதாரூபாயா꞉ கவசஸ்ய ஶ்ரீப⁴க³வான் ஶிவ ருʼஷிரனுஷ்டுப்ச²ந்தோ³, வாக்³ப⁴வீ தே³வதா, வாக்³ப⁴வம்ʼ பீ³ஜம்ʼ, லஜ்ஜா ஶக்தி꞉, ரமா கீலகம்ʼ, காமபீ³ஜாத்மகம்ʼ கவசம்ʼ, மம ஸுபாண்டி³த்ய கவித்வ ஸர்வஸித்³தி⁴ஸம்ருʼத்³த⁴யே ஜபே விநியோக³꞉ ॥
அத² கவசம் ।
ஐங்காரீ மஸ்தகே பாது வாக்³ப⁴வீ ஸர்வஸித்³தி⁴தா³ ।
ஹ்ரீம்ʼ பாது சக்ஷுஷோர்மத்⁴யே சக்ஷுர்யுக்³மே ச ஶாங்கரீ ॥ 1 ॥
ஜிஹ்வாயாம்ʼ முக²வ்ருʼத்தே ச கர்ணயோர்க³ண்ட³யோர்னஸி ।
ஓஷ்டா²த⁴ரே த³ந்தபங்க்தௌ தாலுமூலே ஹனௌ புன꞉ ॥ 2 ॥
பாது மாம்ʼ விஷ்ணுவனிதா லக்ஷ்மீ꞉ ஶ்ரீவர்ணரூபிணீ ।
கர்ணயுக்³மே பு⁴ஜத்³வந்த்³வே ஸ்தனத்³வந்த்³வே ச பார்வதீ ॥ 3 ॥
ஹ்ருʼத³யே மணிப³ந்தே⁴ ச க்³ரீவாயாம்ʼ பார்ஶ்வயோ꞉ புன꞉ ।
ஸர்வாங்கே³ பாது காமேஶீ மஹாதே³வீ ஸமுன்னதி꞉ ॥ 4 ॥
வ்யுஷ்டி꞉ பாது மஹாமாயா உத்க்ருʼஷ்டி꞉ ஸர்வதா³(அ)வது ।
ஸந்தி⁴ம்ʼ பாது ஸதா³ தே³வீ ஸர்வத்ர ஶம்பு⁴வல்லபா⁴ ॥ 5 ॥
வாக்³ப⁴வீ ஸர்வதா³ பாது பாது மாம்ʼ ஹரிகே³ஹினீ ।
ரமா பாது ஸதா³ தே³வீ பாது மாயா ஸ்வராட் ஸ்வயம் ॥ 6 ॥
ஸர்வாங்கே³ பாது மாம்ʼ லக்ஷ்மீர்விஷ்ணுமாயா ஸுரேஶ்வரீ ।
விஜயா பாது ப⁴வனே ஜயா பாது ஸதா³ மம ॥ 7 ॥
ஶிவதூ³தீ ஸதா³ பாது ஸுந்த³ரீ பாது ஸர்வதா³ ।
பை⁴ரவீ பாது ஸர்வத்ர பை⁴ருண்டா³ ஸர்வதா³(அ)வது ॥ 8 ॥
த்வரிதா பாது மாம்ʼ நித்யமுக்³ரதாரா ஸதா³(அ)வது ।
பாது மாம்ʼ காலிகா நித்யம்ʼ காலராத்ரி꞉ ஸதா³(அ)வது ॥ 9 ॥
நவது³ர்கா³ ஸதா³ பாது காமாக்²யா ஸர்வதா³(அ)வது ।
யோகி³ன்ய꞉ ஸர்வதா³ பாந்து முத்³ரா꞉ பாந்து ஸதா³ மம ॥ 10 ॥
மாதர꞉ பாந்து தே³வ்யஶ்ச சக்ரஸ்தா² யோகி³னீக³ணா꞉ ।
ஸர்வத்ர ஸர்வகார்யேஷு ஸர்வகர்மஸு ஸர்வதா³ ॥ 11 ॥
பாது மாம்ʼ தே³வதே³வீ ச லக்ஷ்மீ꞉ ஸர்வஸம்ருʼத்³தி⁴தா³ ।
இதி தே கதி²தம்ʼ தி³வ்யம்ʼ கவசம்ʼ ஸர்வஸித்³த⁴யே ॥ 12 ॥
யத்ர தத்ர ந வக்தவ்யம்ʼ யதீ³ச்சே²தா³த்மனோ ஹிதம் ।
ஶடா²ய ப⁴க்திஹீனாய நிந்த³காய மஹேஶ்வரி ॥ 13 ॥
ந்யூனாங்கே³ அதிரிக்தாங்கே³ த³ர்ஶயேன்ன கதா³சன ।
ந ஸ்தவம்ʼ த³ர்ஶயேத்³தி³வ்யம்ʼ ஸந்த³ர்ஶ்ய ஶிவஹா ப⁴வேத் ॥ 14 ॥
குலீனாய மஹோச்ச்²ராய து³ர்கா³ப⁴க்திபராய ச ।
வைஷ்ணவாய விஶுத்³தா⁴ய த³த்³யாத்கவசமுத்தமம் ॥ 15 ॥
நிஜஶிஷ்யாய ஶாந்தாய த⁴னினே ஜ்ஞானினே ததா² ।
த³த்³யாத்கவசமித்யுக்தம்ʼ ஸர்வதந்த்ரஸமன்விதம் ॥ 16 ॥
விலிக்²ய கவசம்ʼ தி³வ்யம்ʼ ஸ்வயம்பு⁴குஸுமை꞉ ஶுபை⁴꞉ ।
ஸ்வஶுக்ரை꞉ பரஶுக்ரைஶ்ச நாநாக³ந்த⁴ஸமன்விதை꞉ ॥ 17 ॥
கோ³ரோசனாகுங்குமேன ரக்தசந்த³னகேன வா ।
ஸுதிதௌ² ஶுப⁴யோகே³ வா ஶ்ரவணாயாம்ʼ ரவேர்தி³னே ॥ 18 ॥
அஶ்வின்யாம்ʼ க்ருʼத்திகாயாம்ʼ வா ப²ல்கு³ன்யாம்ʼ வா மகா⁴ஸு ச ।
பூர்வபா⁴த்³ரபதா³யோகே³ ஸ்வாத்யாம்ʼ மங்க³லவாஸரே ॥ 19 ॥
விலிகே²த் ப்ரபடே²த் ஸ்தோத்ரம்ʼ ஶுப⁴யோகே³ ஸுராலயே ।
ஆயுஷ்மத்ப்ரீதியோகே³ ச ப்³ரஹ்மயோகே³ விஶேஷத꞉ ॥ 20 ॥
இந்த்³ரயோகே³ ஶுப⁴யோகே³ ஶுக்ரயோகே³ ததை²வ ச ।
கௌலவே பா³லவே சைவ வணிஜே சைவ ஸத்தம꞉ ॥ 21 ॥
ஶூன்யாகா³ரே ஶ்மஶானே வா விஜனே ச விஶேஷத꞉ ।
குமாரீம்ʼ பூஜயித்வாதௌ³ யஜேத்³தே³வீம்ʼ ஸனாதனீம் ॥ 22 ॥
மத்ஸ்யமாம்ʼஸை꞉ ஶாகஸூபை꞉ பூஜயேத்பரதே³வதாம் ।
க்⁴ருʼதாத்³யை꞉ ஸோபகரணை꞉ பூபஸூபைர்விஶேஷத꞉ ॥ 23 ॥
ப்³ராஹ்மணான்போ⁴ஜாயித்வாதௌ³ ப்ரீணயேத்பரமேஶ்வரீம் ।
ப³ஹுனா கிமிஹோக்தேன க்ருʼதே த்வேவம்ʼ தி³னத்ரயம் ॥ 24 ॥
ததா³த⁴ரேன்மஹாரக்ஷாம்ʼ ஶங்கரேணாபி⁴பா⁴ஷிதம் ।
மாரணத்³வேஷணாதீ³னி லப⁴தே நாத்ர ஸம்ʼஶய꞉ ॥ 25 ॥
ஸ ப⁴வேத்பார்வதீபுத்ர꞉ ஸர்வஶாஸ்த்ரவிஶாரத³꞉ ।
கு³ருர்தே³வோ ஹர꞉ ஸாக்ஷாத்பத்னீ தஸ்ய ஹரப்ரியா ॥ 26 ॥
அபே⁴தே³ன ப⁴ஜேத்³யஸ்து தஸ்ய ஸித்³தி⁴ரதூ³ரத꞉ ।
ஸர்வதே³வமயீம்ʼ தே³வீம்ʼ ஸர்வமந்த்ரமயீம்ʼ ததா² ॥ 27 ॥
ஸுப⁴க்த்யா பூஜயேத்³யஸ்து ஸ ப⁴வேத்கமலாப்ரிய꞉ ।
ரக்தபுஷ்பைஸ்ததா² க³ந்தை⁴ர்வஸ்த்ராலங்கரணைஸ்ததா² ॥ 28 ॥
ப⁴க்த்யா ய꞉ பூஜயேத்³தே³வீம்ʼ லப⁴தே பரமாம்ʼ க³திம் ।
நாரீ வா புருஷோ வாபி ய꞉ படே²த்கவசம்ʼ ஶுப⁴ம் ।
மந்த்ரஸித்³தி⁴꞉ கார்யஸித்³தி⁴ர்லப⁴தே நாத்ர ஸம்ʼஶய꞉ ॥ 29 ॥
பட²தி ய இஹ மர்த்யோ நித்யமார்த்³ராந்தராத்மா
ஜபப²லமனுமேயம்ʼ லப்ஸ்யதே யத்³விதே⁴யம் ।
ஸ ப⁴வதி பத³முச்சை꞉ ஸம்பதா³ம்ʼ பாத³னம்ர꞉
க்ஷிதிபமுகுடலக்ஷ்மீர்லக்ஷணானாம்ʼ சிராய ॥ 30 ॥
இதி ஶ்ரீ விஶ்வஸாரதந்த்ரோக்தம்ʼ சதுரக்ஷரீ விஷ்ணுவனிதா கவசம்ʼ நாம ஶ்ரீ கமலா கவசம் ।
Recite with devotion and pure heart
Regular practice brings spiritual benefits