க³ங்கா³ ஸ்தோத்ரம்

தே³வி! ஸுரேஶ்வரி! ப⁴க³வதி! க³ங்கே³ த்ரிபு⁴வனதாரிணி தரலதரங்கே³ ।

ஶங்கரமௌலிவிஹாரிணி விமலே மம மதிராஸ்தாம்ʼ தவ பத³கமலே ॥ 1 ॥

பா⁴கீ³ரதி²ஸுக²தா³யினி மாதஸ்தவ ஜலமஹிமா நிக³மே க்²யாத꞉ ।

நாஹம்ʼ ஜானே தவ மஹிமானம்ʼ பாஹி க்ருʼபாமயி மாமஜ்ஞானம் ॥ 2 ॥

ஹரிபத³பாத்³யதரங்கி³ணி க³ங்கே³ ஹிமவிது⁴முக்தாத⁴வலதரங்கே³ ।

தூ³ரீகுரு மம து³ஷ்க்ருʼதிபா⁴ரம்ʼ குரு க்ருʼபயா ப⁴வஸாக³ரபாரம் ॥ 3 ॥

தவ ஜலமமலம்ʼ யேன நிபீதம்ʼ பரமபத³ம்ʼ க²லு தேன க்³ருʼஹீதம் ।

மாதர்க³ங்கே³ த்வயி யோ ப⁴க்த꞉ கில தம்ʼ த்³ரஷ்டும்ʼ ந யம꞉ ஶக்த꞉ ॥ 4 ॥

பதிதோத்³தா⁴ரிணி ஜாஹ்னவி க³ங்கே³ க²ண்டி³த கி³ரிவரமண்டி³த ப⁴ங்கே³ ।

பீ⁴ஷ்மஜனனி ஹே முனிவரகன்யே பதிதநிவாரிணி த்ரிபு⁴வன த⁴ன்யே ॥ 5 ॥

கல்பலதாமிவ ப²லதா³ம்ʼ லோகே ப்ரணமதி யஸ்த்வாம்ʼ ந பததி ஶோகே ।

பாராவாரவிஹாரிணி க³ங்கே³ விமுக²யுவதி க்ருʼததரலாபாங்கே³ ॥ 6 ॥

தவ சேன்மாத꞉ ஸ்ரோத꞉ ஸ்னாத꞉ புனரபி ஜட²ரே ஸோபி ந ஜாத꞉ ।

நரகநிவாரிணி ஜாஹ்னவி க³ங்கே³ கலுஷவிநாஶினி மஹிமோத்துங்கே³ ॥ 7 ॥

புனரஸத³ங்கே³ புண்யதரங்கே³ ஜய ஜய ஜாஹ்னவி கருணாபாங்கே³ ।

இந்த்³ரமுகுடமணிராஜிதசரணே ஸுக²தே³ ஶுப⁴தே³ ப்⁴ருʼத்யஶரண்யே ॥ 8 ॥

ரோக³ம்ʼ ஶோகம்ʼ தாபம்ʼ பாபம்ʼ ஹர மே ப⁴க³வதி குமதிகலாபம் ।

த்ரிபு⁴வனஸாரே வஸுதா⁴ஹாரே த்வமஸி க³திர்மம க²லு ஸம்ʼஸாரே ॥ 9 ॥

அலகானந்தே³ பரமானந்தே³ குரு கருணாமயி காதரவந்த்³யே ।

தவ தடநிகடே யஸ்ய நிவாஸ꞉ க²லு வைகுண்டே² தஸ்ய நிவாஸ꞉ ॥ 10 ॥

வரமிஹ நீரே கமடோ² மீன꞉ கிம்ʼ வா தீரே ஶரட꞉ க்ஷீண꞉ ।

அத²வாஶ்வபசோ மலினோ தீ³னஸ்தவ ந ஹி தூ³ரே ந்ருʼபதிகுலீன꞉ ॥ 11 ॥

போ⁴ பு⁴வனேஶ்வரி புண்யே த⁴ன்யே தே³வி த்³ரவமயி முனிவரகன்யே ।

க³ங்கா³ஸ்தவமிமமமலம்ʼ நித்யம்ʼ பட²தி நரோ ய꞉ ஸ ஜயதி ஸத்யம் ॥ 12 ॥

யேஷாம்ʼ ஹ்ருʼத³யே க³ங்கா³ ப⁴க்திஸ்தேஷாம்ʼ ப⁴வதி ஸதா³ ஸுக²முக்தி꞉ ।

மது⁴ராகந்தா பஞ்ஜ²டிகாபி⁴꞉ பரமானந்த³கலிதலலிதாபி⁴꞉ ॥ 13 ॥

க³ங்கா³ஸ்தோத்ரமித³ம்ʼ ப⁴வஸாரம்ʼ வாஞ்சி²தப²லத³ம்ʼ விமலம்ʼ ஸாரம் ।

ஶங்கரஸேவக ஶங்கர ரசிதம்ʼ பட²தி ஸுகீ²꞉ தவ இதி ச ஸமாப்த꞉ ॥ 14 ॥

Recite with devotion and pure heart

Regular practice brings spiritual benefits