ശ്രീ ദേവ്യുവാച । ഭൈരവ്യാഃ സകലാ വിദ്യാഃ ശ്രുതാശ്ചാധിഗതാ മയാ । സാമ്പ്രതം ശ്രോതുമിച്ഛാമി കവചം യത്പുരോദിതം ॥ 1 ॥ ത്രൈലോക്യവിജയം നാമ ശസ്ത്രാസ്ത്രവിനിവാരണം । ത്വത്തഃ പരതരോ നാഥ കഃ കൃപാം കർതുമർഹതി ॥ 2 ॥ ഈശ്വര ഉവാച । ശൃണു പാർവതി വക്ഷ്യാമി സുന്ദരി പ്രാണവല്ലഭേ । ത്രൈലോക്യവിജയം നാമ ശസ്ത്രാസ്ത്രവിനിവാരകം ॥ 3 ॥ പഠിത്വാ ധാരയിത്വേദം ത്രൈലോക്യവിജയീ ഭവേത് । ജഘാന സകലാന്ദൈത്യാന്യദ്ധൃത്വാ മധുസൂദനഃ ॥ 4 ॥ ബ്രഹ്മാ സൃഷ്ടിം വിതനുതേ യദ്ധൃത്വാഭീഷ്ടദായകം । ധനാധിപഃ കുബേരോഽപി വാസവസ്ത്രിദശേശ്വരഃ ॥ 5 ॥ യസ്യ പ്രസാദാദീശോഽഹം ത്രൈലോക്യവിജയീ വിഭുഃ । ന ദേയം പരശിഷ്യേഭ്യോഽസാധകേഭ്യഃ കദാചന ॥ 6 ॥ പുത്രേഭ്യഃ കിമഥാന്യേഭ്യോ ദദ്യാച്ചേന്മൃത്യുമാപ്നുയാത് । ഋഷിസ്തു കവചസ്യാസ്യ ദക്ഷിണാമൂർതിരേവ ച ॥ 7 ॥ വിരാട് ഛന്ദോ ജഗദ്ധാത്രീ ദേവതാ ബാലഭൈരവീ । ധർമാർഥകാമമോക്ഷേഷു വിനിയോഗഃ പ്രകീർതിതഃ ॥ 8 ॥ അധരോ ബിന്ദുമാനാദ്യഃ കാമഃ ശക്തിശശീയുതഃ । ഭൃഗുർമനുസ്വരയുതഃ സർഗോ ബീജത്രയാത്മകഃ ॥ 9 ॥ ബാലൈഷാ മേ ശിരഃ പാതു ബിന്ദുനാദയുതാപി സാ । ഭാലം പാതു കുമാരീശാ സർഗഹീനാ കുമാരികാ ॥ 10 ॥ ദൃശൗ പാതു ച വാഗ്ബീജം കർണയുഗ്മം സദാവതു । കാമബീജം സദാ പാതു ഘ്രാണയുഗ്മം പരാവതു ॥ 11 ॥ സരസ്വതീപ്രദാ ബാലാ ജിഹ്വാം പാതു ശുചിപ്രഭാ । ഹസ്രൈം കണ്ഠം ഹസകലരീം സ്കന്ധൗ പാതു ഹസ്രൗ ഭുജൗ ॥ 12 ॥ പഞ്ചമീ ഭൈരവീ പാതു കരൗ ഹസൈം സദാവതു । ഹൃദയം ഹസകലീം വക്ഷഃ പാതു ഹസൗഃ സ്തനൗ മമ ॥ 13 ॥ പാതു സാ ഭൈരവീ ദേവീ ചൈതന്യരൂപിണീ മമ । ഹസ്രൈം പാതു സദാ പാർശ്വയുഗ്മം ഹസകലരീം സദാ ॥ 14 ॥ കുക്ഷിം പാതു ഹസൗർമധ്യേ ഭൈരവീ ഭുവി ദുർലഭാ । ഐം ഈം ഓം വം മധ്യദേശം ബീജവിദ്യാ സദാവതു ॥ 15 ॥ ഹസ്രൈം പൃഷ്ഠം സദാ പാതു നാഭിം ഹസകലഹ്രീം സദാ । പാതു ഹസൗം കരൗ പാതു ഷട്കൂടാ ഭൈരവീ മമ ॥ 16 ॥ സഹസ്രൈം സക്ഥിനീ പാതു സഹസകലരീം സദാവതു । ഗുഹ്യദേശം ഹസ്രൗം പാതു ജാനുനീ ഭൈരവീ മമ ॥ 17 ॥ സമ്പത്പ്രദാ സദാ പാതു ഹൈം ജംഘേ ഹസക്ലീം പദൗ । പാതു ഹംസൗഃ സർവദേഹം ഭൈരവീ സർവദാവതു ॥ 18 ॥ ഹസൈം മാമവതു പ്രാച്യാം ഹരക്ലീം പാവകേഽവതു । ഹസൗം മേ ദക്ഷിണേ പാതു ഭൈരവീ ചക്രസംസ്ഥിതാ ॥ 19 ॥ ഹ്രീം ക്ലീം ല്വേം മാം സദാ പാതു നിരൃത്യാം ചക്രഭൈരവീ । ക്രീം ക്രീം ക്രീം പാതു വായവ്യേ ഹൂം ഹൂം പാതു സദോത്തരേ ॥ 20 ॥ ഹ്രീം ഹ്രീം പാതു സദൈശാന്യേ ദക്ഷിണേ കാലികാവതു । ഊർധ്വം പ്രാഗുക്തബീജാനി രക്ഷന്തു മാമധഃ സ്ഥലേ ॥ 21 ॥ ദിഗ്വിദിക്ഷു സ്വാഹാ പാതു കാലികാ ഖഡ്ഗധാരിണീ । ഓം ഹ്രീം സ്ത്രീം ഹൂം ഫട് സാ താരാ സർവത്ര മാം സദാവതു ॥ 22 ॥ സംഗ്രാമേ കാനനേ ദുർഗേ തോയേ തരംഗദുസ്തരേ । ഖഡ്ഗകർത്രിധരാ സോഗ്രാ സദാ മാം പരിരക്ഷതു ॥ 23 ॥ ഇതി തേ കഥിതം ദേവി സാരാത്സാരതരം മഹത് । ത്രൈലോക്യവിജയം നാമ കവചം പരമാദ്ഭുതം ॥ 24 ॥ യഃ പഠേത്പ്രയതോ ഭൂത്വാ പൂജായാഃ ഫലമാപ്നുയാത് । സ്പർധാമൂദ്ധൂയ ഭവനേ ലക്ഷ്മീർവാണീ വസേത്തതഃ ॥ 25 ॥ യഃ ശത്രുഭീതോ രണകാതരോ വാ ഭീതോ വനേ വാ സലിലാലയേ വാ । വാദേ സഭായാം പ്രതിവാദിനോ വാ രക്ഷഃപ്രകോപാദ്ഗ്രഹസകുലാദ്വാ ॥ 26 ॥ പ്രചണ്ഡദണ്ഡാക്ഷമനാച്ച ഭീതോ ഗുരോഃ പ്രകോപാദപി കൃച്ഛ്രസാധ്യാത് । അഭ്യർച്യ ദേവീം പ്രപഠേത്ത്രിസന്ധ്യം സ സ്യാന്മഹേശപ്രതിമോ ജയീ ച ॥ 27 ॥ ത്രൈലോക്യവിജയം നാമ കവചം മന്മുഖോദിതം । വിലിഖ്യ ഭൂർജഗുടികാം സ്വർണസ്ഥാം ധാരയേദ്യദി ॥ 28 ॥ കണ്ഠേ വാ ദക്ഷിണേ ബാഹൗ ത്രൈലോക്യവിജയീ ഭവേത് । തദ്ഗാത്രം പ്രാപ്യ ശസ്ത്രാണി ഭവന്തി കുസുമാനി ച ॥ 29 ॥ ലക്ഷ്മീഃ സരസ്വതീ തസ്യ നിവസേദ്ഭവനേ മുഖേ । ഏതത്കവചമജ്ഞാത്വാ യോ ജപേദ്ഭൈരവീം പരാം । ബാലാം വാ പ്രജപേദ്വിദ്വാന്ദരിദ്രോ മൃത്യുമാപ്നുയാത് ॥ 30 ॥ ഇതി ശ്രീ രുദ്രയാമലേ ദേവീശ്വരസംവാദേ ത്രൈലോക്യവിജയം നാമ ഭൈരവീ കവചം സമാപ്തം ।