ఆయీ ఆనందవల్లీ అమృతకరతలీ ఆదిశక్తిః పరాయీ మాయా మాయాత్మరూపీ స్ఫటికమణిమయీ మామతంగీ షడంగీ । జ్ఞానీ జ్ఞానాత్మరూపీ నలినపరిమలీ నాద ఓంకారమూర్తిః యోగీ యోగాసనస్థా భువనవశకరీ సుందరీ ఐం నమస్తే ॥ 1 ॥ బాలామంత్రే కటాక్షీ మమ హృదయసఖీ మత్తభావ ప్రచండీ వ్యాలీ యజ్ఞోపవీతీ వికటకటితటీ వీరశక్తిః ప్రసన్నా । బాలా బాలేందుమౌలిర్మదగజగమనా సాక్షికా స్వస్తిమంత్రీ కాలీ కంకాలరూపీ కటికటికహ్రీం కారిణీ క్లీం నమస్తే ॥ 2 ॥ మూలాధారా మహాత్మా హుతవహనయనీ మూలమంత్రా త్రినేత్రా హారా కేయూరవల్లీ అఖిలత్రిపదగా అంబికాయై ప్రియాయై । వేదా వేదాంగనాదా వినతఘనముఖీ వీరతంత్రీప్రచారీ సారీ సంసారవాసీ సకలదురితహా సర్వతో హ్రీం నమస్తే ॥ 3 ॥ ఐం క్లీం హ్రీం మంత్రరూపా శకలశశిధరా సంప్రదాయప్రధానా క్లీం హ్రీం శ్రీం బీజముఖ్యైః హిమకరదినకృజ్జ్యోతిరూపా సరూపా । సౌః క్లీం ఐం శక్తిరూపా ప్రణవహరిసతే బిందునాదాత్మకోటిః క్షాం క్షీం క్షూంకారనాదే సకలగుణమయీ సుందరీ ఐం నమస్తే ॥ 4 ॥ అధ్యానాధ్యానరూపా అసురభయకరీ ఆత్మశక్తిస్వరూపా ప్రత్యక్షా పీఠరూపీ ప్రలయయుగధరా బ్రహ్మవిష్ణుత్రిరూపీ । శుద్ధాత్మా సిద్ధరూపా హిమకిరణనిభా స్తోత్రసంక్షోభశక్తిః సృష్టిస్థిత్యంతమూర్తీ త్రిపురహరజయీ సుందరీ ఐం నమస్తే ॥ 5 ॥ ఇతి శ్రీ బాలా పంచరత్న స్తోత్రం ।