हैंహైHaindavamஹிહિં
📍
Font Size:
ബാലാ ത്രിപുര സുന്ദരീ ഹൃദയം
അസ്യ ശ്രീബാലാദേവ്യാ ഹൃദയമഹാമന്ത്രസ്യ, സദാശിവഃ ഋഷിഃ, അനുഷ്ടുപ്ഛന്ദഃ, ബാലാത്രിപുരസുന്ദരീ ദേവതാ, മമ ബാലാത്രിപുരസുന്ദരീ ദേവതാ പ്രീത്യർഥേ ജപേ വിനിയോഗഃ ।
ധ്യാനം –
വന്ദേ ദേവീം ശിവാം ബാലാം ഭാസ്വന്മണ്ഡലമധ്യഗാം ।
ചഞ്ചച്ചന്ദ്രാനനാം തപ്തചാമീകരസമപ്രഭാം ॥ 1 ॥
നൃത്യത്ഖഞ്ജനനേത്രസ്യ ലോചനാത്യന്തവല്ലഭാം ।
മധ്യഭാഗേ ലസത്കാഞ്ചീ മണിമുക്താവിനിർമിതാം ॥ 2 ॥
പദവിന്യസ്തഹംസാലീം ശുകനാസാവിരാജിതാം ।
കരിശുണ്ഡോരുയുഗലാം മത്തകോകിലനിഃസ്വനാം ॥ 3 ॥
പുസ്തകം ജപമാലാം ച വരദാഽഭയപാണിനീം ।
കുമാരീവേശശോഭാഢ്യാം കുമാരീവൃന്ദമണ്ഡിതാം ॥ 4 ॥
വിദ്രുമാധരശോഭാഢ്യാം വിദ്രുമാലിനഖാലികാം ।
ക്വണത്കാഞ്ചീം കലാനാഥസമാനരുചിരാനനാം ॥ 5 ॥
മൃണാലബാഹുലതികാം നാനാരത്നവിരാജിതാം ।
കരപദ്മസമാനാഭാം പാദപദ്മവിരാജിതാം ॥ 6 ॥
ചാരുചാമ്പേയവസനാം ദേവദേവനമസ്കൃതാം ।
ചന്ദനേന്ദുവിലിപ്താംഗീം രോമരാജീവിചിത്രിതാം ॥ 7 ॥
തിലപുഷ്പസമാനാഭാം നാസാരത്നസമന്വിതാം ।
ഗജഗണ്ഡനിതംബാഭാം രംഭാജംഘാവിരാജിതാം ॥ 8 ॥
ഹരവിഷ്ണുമഹേന്ദ്രാദ്യൈഃ പൂജ്യശ്രീപാദപങ്കജാം ।
കല്യാണീം കമലാം കാലീം കുഞ്ചികാം കമലേശ്വരീം ॥ 9 ॥
പാവനീം പരമാം ശക്തിം പവിത്രാം പാവനീം ശിവാം ।
ഭവാനീം ഭവപാശഘ്നീം ഭീതിഹാം ഭുവനേശ്വരീം ॥ 10 ॥
ഭവാനീം ഭവശക്തിം ച ഭേരുണ്ഡാം മുണ്ഡമാലിനീം ।
ജലന്ധരഗിര്യുത്സംഗാം പൂർണഗിര്യനുരാഗിണീം ॥ 11 ॥
കാമരൂപാം ച കാമാഖ്യാം ദേവീകോടകൃതാലയാം ।
ഓങ്കാരപീഠനിലയാം മഹാമായാം മഹേശ്വരീം ॥ 12 ॥
വിശ്വേശ്വരീം ച മധുരാം നാനാരൂപാകൃതാപുരീം ।
ഐം ക്ലീം സൗഃ ത്ര്യക്ഷരാം ബാലാം തദ്വിലോമാം കുമാരികാം ॥ 13 ॥
ഹൗഃ ഐം ഹംസഃ നമോ ദേവി ത്രിപുരാം ജീവഭൈരവീം ।
നാരദോ യസ്യ ദേവർഷിഃ മഹാശാന്തിഫലപ്രദാം ॥ 14 ॥
ഓം നമോ ശ്രീമഹാലക്ഷ്മ്യൈ ലക്ഷ്മീം ത്രിപുരഭൈരവീം ।
ഓം ഹ്രീം ജൂം സഃ പ്രാണഗ്രന്ഥിഃ ദ്വിധാർഗകവചദ്വയം ॥ 15 ॥
ഇയം സഞ്ജീവിനീ ദേവീ മൃതാൻ ജീവത്വദായിനീ ।
ഫ്രേഃ ഫ്രം ന ഫ ല വ ര യൂം ശ്രോം ശ്രോം അമൃതമാവദേത് ॥ 16 ॥
സ്രാവയ സ്രാവയ തഥാ വ്രീം വ്രീം മൃത്യുഞ്ജയാഭിധാ ।
ഓം നമോ പ്രഥമാഭാഷ്യ കാലീബീജം ദ്വിധാ പഠേത് ॥ 17 ॥
കൂർചദ്വയം തഥാ മായാ ആഗാമിപദമാവദേത് ।
മൃത്യും ഛിന്ദി തഥാ ഭിന്ദി മഹാമൃത്യുഞ്ജയോ ഭവേത് ॥ 18 ॥
തവ ശബ്ദം മമാഭാഷ്യ ഖഡ്ഗേന ച വിദാരയ ।
ദ്വിധാ ഭാഷ്യ മഹേശാനി തദന്തേ വഹ്നിസുന്ദരീ ॥ 19 ॥
ഇയം ദേവീ മഹാവിദ്യാ ആഗാമി കാലവഞ്ചിനീ ।
പ്രാതർദീപദലാകാരം വാഗ്ഭവം രസനാതലേ ॥ 20 ॥
വിചിന്ത്യ പ്രജപേത്തച്ച മഹാകവിർഭവേദ്ധ്രുവം ।
മധ്യാഹ്നേ കാമരാജാഖ്യം ജപാകുസുമസന്നിഭം ॥ 21 ॥
വിചിന്ത്യ ഹൃദി മധ്യേ തു തച്ച മന്ത്രം ജപേത്പ്രിയേ ।
ധർമാർഥകാമമോക്ഷാണാം ഭാജനോ ജായതേ ധ്രുവം ॥ 22 ॥
താർതീയം ചന്ദ്രസങ്കാശം സായങ്കാലേ വിചിന്ത്യ ച ।
പ്രജപേത്തത്ര ദേവേശി ജായതേ മദനോപമഃ ॥ 23 ॥
വാഗ്ഭവം കാമരാജം തു താർതീയം വഹ്നിവല്ലഭാം ।
അയുതം പ്രജപേന്നിത്യം ആഗാമീ കാലോ വഞ്ച്യതേ ॥ 24 ॥
ത്രികോണം ചക്രമാലിഖ്യ മായായുക്തം മഹേശ്വരി ।
തസ്യോപരി ലിഖേത്പദ്മം മാതൃകാ മന്ത്രഗർഭിതം ॥ 25 ॥
തസ്യോപരി സമാസ്തീര്യ ചാസനം രക്തവർണകം ।
തസ്യോപരി വിശേദ്ദേവി സാധകഃ പ്രാങ്മുഖോ നിശി ॥ 26 ॥
ക്രമേണ പ്രജപേദ്വർണാൻ വാഗാദി നിയതഃ ശുചിഃ ।
മണ്ഡലത്രിതയേ ദേവി പ്രാപ്യതേ സിദ്ധിരുത്തമാ ॥ 27 ॥
നവയോന്യാത്മകം ചക്രം പൂജയേച്ഛാസ്ത്രവർത്മനാ ।
പ്രജപേദ്ദ്വ്യക്ഷരീം ബാലാം സർവസിദ്ധീശ്വരോ ഭവേത് ॥ 28 ॥
യം യം ചിന്തയതേ കാമം തം തം പ്രാപ്നോതി സർവശഃ ।
ഇദം തു ഹൃദയം ദേവി തവാഗ്രേ കഥിതം മയാ ॥ 29 ॥
മമ ഭാഗ്യം ച സർവസ്വം ബ്രഹ്മാദീനാം ച ദുർലഭം ।
ഗോപനീയം ത്വയാ ഭദ്രേ സ്വയോനിരിവ പാർവതി ॥ 30 ॥
ശതാവർതേന ദേവേശി മാനുഷീ വശമാപ്നുയാത് ।
സഹസ്രാവർതനാദ്ദേവി ദേവാ വൈ വശമാപ്നുയുഃ ॥ 31 ॥
ലക്ഷമാവർതനാദ്ദേവി ശുനാസീരഃ സ്വകാസനാത് ।
ക്ഷണാച്ച്യവതി തത്ര വൈ കിം പുനഃ ക്ഷുദ്രജന്തവഃ ॥ 32 ॥
തസ്മാത്സർവപ്രയത്നേന ജ്ഞാത്വാ ദേവി ജപേന്മനും ।
സർവസിദ്ധിമവാപ്നോതി സർവദാ സുഖവാൻഭവേത് ॥ 33 ॥
ഇതി ജാലശംബരമഹാതന്ത്രേ ശ്രീ ബാലാ ത്രിപുര സുന്ദരീ ഹൃദയം ।
Recite with devotion and pure heart
Regular practice brings spiritual benefits