ஓம்ʼ அஸ்ய ஶ்ரீப³க³லாமுகீ²ஸ்தோத்ரஸ்ய-நாரத³ருʼஷி꞉ ஶ்ரீ ப³க³லாமுகீ² தே³வதா- மம ஸந்நிஹிதானாம்ʼ விரோதி⁴னாம்ʼ வாங்முக²-பத³பு³த்³தீ⁴னாம்ʼ ஸ்தம்ப⁴னார்தே² ஸ்தோத்ரபாடே² விநியோக³꞉ மத்⁴யேஸுதா⁴ப்³தி⁴ மணிமண்டப ரத்னவேதி³ ஸிம்ʼஹாஸனோபரிக³தாம்ʼ பரிபீதவர்ணாம்ʼ । பீதாம்ப³ராப⁴ரண மால்யவிபூ⁴ஷிதாங்கீ³ம்ʼ தே³வீம்ʼ ப⁴ஜாமி த்⁴ருʼதமுத்³க³ரவைரி ஜிஹ்வாம் ॥ 1 ॥ ஜிஹ்வாக்³ரமாதா³ய கரேண தே³வீம்ʼ வாமேன ஶத்ரூன் பரிபீட³யந்தீம்ʼ । க³தா³பி⁴கா⁴தேன ச த³க்ஷிணேன பீதாம்ப³ராட்⁴யாம்ʼ த்³விபு⁴ஜாம்ʼ ப⁴ஜாமி ॥ 2 ॥ சலத்கனககுண்ட³லோல்லஸிதசாருக³ண்ட³ஸ்த²லாம்ʼ லஸத்கனகசம்பக த்³யுதிமதி³ந்து³பி³ம்பா³னனாம்ʼ । க³தா³ஹத விபக்ஷகாம்ʼ கலிதலோலஜிஹ்வாஞ்சலாம்ʼ ஸ்மராமி ப³க³லாமுகீ²ம்ʼ விமுக²வாங்மனஸ்ஸ்தம்பி⁴னீம் ॥ 3 ॥ பீயூஷோ த³தி⁴மத்⁴யசாரு விலஸ த்³ரக்தோத்பலே மண்டபே ஸத்ஸிம்ʼஹாஸன மௌலிபாதிதரிபும்ʼ ப்ரேதாஸனாத்⁴யாஸினீம்ʼ । ஸ்வர்ணாபா⁴ம்ʼ கரபீடி³தாரிரஸனாம்ʼ ப்⁴ராம்யத்³க³தா³ம்ʼ விப்⁴ரமாம்ʼ இத்த²ம்ʼ த்⁴யாயதி யாந்தி தஸ்ய விலயம்ʼ ஸத்³யோத² ஸர்வாபத³꞉ ॥ 4 ॥ தே³வித்த்வச்சரணாம்பு³ஜார்சனக்ருʼதே ய꞉ பீத புஷ்பாஞ்ஜலீன் ப⁴க்த்யா வாமகரே நிதா⁴ய ச மனும்ʼ மந்த்ரீ மனோஜ்ஞாக்ஷரம்ʼ । பீட²த்⁴யானபரோ(அ)த² கும்ப⁴கவஶாத்³பீ³ஜம்ʼ ஸ்மரேத்பார்தி²வ- ஸ்தஸ்யாமித்ரமுக²ஸ்ய வாசி ஹ்ருʼத³யே ஜாட்³யம்ʼ ப⁴வேத்தத்க்ஷணாத் ॥ 5 ॥ வாதீ³ மூகதி கங்கதி க்ஷிதிபதிர்வைஶ்வானரஶ்ஶீதிதி க்ரோதீ⁴ஶாம்யதி து³ர்ஜனஸ்ஸுஜனதி க்ஷிப்ரானுக³꞉ க²ஞ்ஜதி । க³ர்வீ க²ர்வதி ஸர்வவிச்ச ஜட³தி த்வத்³யந்த்ரணா யந்த்ரித꞉ ஶ்ரீநித்யே ப³க³லாமுகி² ப்ரதிதி³னம்ʼ கல்யாணி துப்⁴யம்ʼ நம꞉ ॥ 6 ॥ மந்த்ரஸ்தாவத³யம்ʼ விபக்ஷத³லனே ஸ்தோத்ரம்ʼ பவித்ரம்ʼ ச தே யந்த்ரம்ʼ வாதி³நியந்த்ரணம்ʼ த்ரிஜக³தாம்ʼ ஜைத்ரம்ʼ ச சித்ரம்ʼ ச தே । மாத꞉ ஶ்ரீப³க³லேதி நாம லலிதம்ʼ யஸ்யாஸ்தி ஜந்தோர்முகே² த்வந்நாமக்³ரஹணேன ஸம்ʼஸதி³ முக² ஸ்தம்போ⁴ ப⁴வேத்³வாதி³னாம் ॥ 7 ॥ து³ஷ்டஸ்தம்ப⁴னமுக்³ரவிக்⁴னஶமனம்ʼ தா³ரித்³ர்யவித்³ராவணம்ʼ பூ⁴ப்⁴ருʼத்³பீ⁴ஶமனம்ʼ சலன்ம்ருʼக³த்³ருʼஶாம்ʼ சேதஸ்ஸமாகர்ஷணம்ʼ । ஸௌபா⁴க்³யைகநிகேதனம்ʼ ஸமத்³ருʼஶ꞉ காருண்யபூர்ணாம்ருʼதம்ʼ ம்ருʼத்யோர்மாரணமாவிரஸ்து புரதோ மாதஸ்த்வதீ³யம்ʼ வபு꞉ ॥ 8 ॥ மாதர்ப⁴ஞ்ஜய மே விபக்ஷவத³னாம்ʼ ஜிஹ்வாம்ʼ ச ஸங்கீலய ப்³ராஹ்மீம்ʼ முத்³ரய நாஶயாஶுதி⁴ஷணாமுக்³ராம்ʼ க³திம்ʼ ஸ்தம்ப⁴ய । ஶத்ரூம்ஶ்சூர்ணய தே³வி தீக்ஷ்ணக³த³யா கௌ³ராங்கி³ பீதாம்ப³ரே விக்⁴னௌக⁴ம்ʼ ப³க³லே ஹர ப்ரணமதாம்ʼ காருண்யபூர்ணேக்ஷணே ॥ 9 ॥ மாதர்பை⁴ரவி ப⁴த்³ரகாலி விஜயே வாராஹி விஶ்வாஶ்ரயே ஶ்ரீவித்³யே ஸமயே மஹேஶி ப³க³லே காமேஶி ராமே ரமே । மாதங்கி³ த்ரிபுரே பராத்பரதரே ஸ்வர்கா³பவர்க³ப்ரதே³ தா³ஸோ(அ)ஹம்ʼ ஶரணாக³த꞉ கருணயா விஶ்வேஶ்வரி த்ராஹிமாம் ॥ 10 ॥ ஸம்ʼரம்பே⁴ ஸௌரஸங்கே⁴ ப்ரஹரணஸமயே ப³ந்த⁴னேவாரிமத்⁴யே வித்³யாவாதே³விவாதே³ ப்ரதிக்ருʼதிந்ருʼபதௌ தி³வ்யகாலே நிஶாயாம் । வஶ்யே வா ஸ்தம்ப⁴னே வா ரிபுவத⁴ஸமயே நிர்ஜனே வா வனே வா க³ச்ச²ம்ʼஸ்திஷ்ட²ம்ʼஸ்த்ரிகாலம்ʼ யதி³ பட²தி ஶிவம்ʼ ப்ராப்னுயாதா³ஶு தீ⁴ர꞉ ॥ 11 ॥ த்வம்ʼ வித்³யா பரமா த்ரிலோகஜனனீ விக்⁴னௌக⁴ஸஞ்சே²தி³னீ யோஷாகர்ஷணகாரிணீ த்ரிஜக³தாமானந்த³ஸம்ʼவர்தி⁴னீ । து³ஸ்போ²டோச்சாடனகாரிணீ ஜனமனஸ்ஸம்ʼமோஹஸந்தா³யினீ ஜிஹ்வாகீலனபை⁴ரவீ விஜயதே ப்³ரஹ்மாஸ்த்ரமந்த்ரோ யதா² ॥ 12 ॥ வித்³யாலக்ஷ்மீஸ்ஸர்வஸௌபா⁴க்³யமாயு꞉ புத்ரை꞉ பௌத்ரை꞉ ஸர்வஸாம்ராஜ்யஸித்³தி⁴꞉ । மானோ போ⁴கோ³ வஶ்யமாரோக்³யஸௌக்²யம்ʼ ப்ராப்தம்ʼ தத்தத்³பூ⁴தலே(அ)ஸ்மின்னரேண ॥ 13 ॥ யத்க்ருʼதம்ʼ ச ஜபம்ʼ ஹோமம்ʼ க³தி³தம்ʼ பரமேஶ்வரீ । து³ஷ்டானாம்ʼ நிக்³ரஹார்தா²ய தத்³க்³ருʼஹாண நமோ(அ)ஸ்து தே ॥ 14 ॥ பீதாம்ப³ராம்ʼ தாம்ʼ த்³விபு⁴ஜாம்ʼ த்ரிநேத்ராம்ʼ கா³த்ரகோ³ஜ்ஜ்வலாம்ʼ । ஶிலாமுத்³க³ரஹஸ்தாம்ʼ ச ஸ்மரேத்தாம்ʼ ப³க³லாமுகீ²ம் ॥ 15 ॥ ப்³ரஹ்மாஸ்த்ரமிதி விக்²யாதம்ʼ த்ரிஷு லோகேஷு விஶ்ருதம்ʼ । கு³ருப⁴க்தாய தா³தவ்யம்ʼ நதே³யம்ʼ யஸ்ய கஸ்யசித் ॥ 16 ॥ நித்யம்ʼ ஸ்தோத்ரமித³ம்ʼ பவித்ரமிஹ யோ தே³வ்யா꞉ பட²த்யாத³ராத் த்⁴ருʼத்வாயந்த்ரமித³ம்ʼ ததை²வ ஸமரே பா³ஹௌ கரே வா க³லே । ராஜானோ(அ)ப்யரயோ மதா³ந்த⁴கரிணஸ்ஸர்பா ம்ருʼகே³ந்த்³ராதி³கா꞉ தே வை யாந்தி விமோஹிதா ரிபுக³ணா லக்ஷ்மீ꞉ ஸ்தி²ராஸ்ஸித்³த⁴ய꞉ ॥ 17 ॥ இதி ஶ்ரீ ருத்³ரயாமலே தந்த்ரே ஶ்ரீ ப³க³லாமுகீ² ஸ்தோத்ரம் ॥