हैंహైHaindavamஹிહિં
📍
Font Size:
அம்பா³ ஸ்தவ꞉
யாமாமனந்தி முனய꞉ ப்ரக்ருʼதிம்ʼ புராணீம்ʼ
வித்³யேதி யாம்ʼ ஶ்ருதிரஹஸ்யவிதோ³ வத³ந்தி ।
தாமர்த⁴பல்லவிதஶங்கரரூபமுத்³ராம்ʼ
தே³வீமனன்யஶரண꞉ ஶரணம்ʼ ப்ரபத்³யே ॥ 1 ॥
அம்ப³ ஸ்தவேஷு தவ தாவத³கர்த்ருʼகாணி
குண்டீ²ப⁴வந்தி வசஸாமபி கு³ம்ப⁴னானி ।
டி³ம்ப⁴ஸ்ய மே ஸ்துதிரஸாவஸமஞ்ஜஸாபி
வாத்ஸல்யநிக்⁴னஹ்ருʼத³யாம்ʼ ப⁴வதீம்ʼ தி⁴னோது ॥ 2 ॥
வ்யோமேதி பி³ந்து³ரிதி நாத³ இதீந்து³லேகா²-
-ரூபேதி வாக்³ப⁴வதனூரிதி மாத்ருʼகேதி ।
நி꞉ஸ்யந்த³மானஸுக²போ³த⁴ஸுதா⁴ஸ்வரூபா
வித்³யோதஸே மனஸி பா⁴க்³யவதாம்ʼ ஜனானாம் ॥ 3 ॥
ஆவிர்ப⁴வத்புலகஸந்ததிபி⁴꞉ ஶரீரை-
-ர்நி꞉ஸ்யந்த³மானஸலிலைர்நயனைஶ்ச நித்யம் ।
வாக்³பி⁴ஶ்ச க³த்³க³த³பதா³பி⁴ருபாஸதே யே
பாதௌ³ தவாம்ப³ பு⁴வனேஷு த ஏவ த⁴ன்யா꞉ ॥ 4 ॥
வக்த்ரம்ʼ யது³த்³யதமபி⁴ஷ்டுதயே ப⁴வத்யா-
-ஸ்துப்⁴யம்ʼ நமோ யத³பி தே³வி ஶிர꞉ கரோதி ।
சேதஶ்ச யத்த்வயி பராயணமம்ப³ தானி
கஸ்யாபி கைரபி ப⁴வந்தி தபோவிஶேஷை꞉ ॥ 5 ॥
மூலாலவாலகுஹராது³தி³தா ப⁴வானி
நிர்பி⁴த்³ய ஷட்ஸரஸிஜானி தடில்லதேவ ।
பூ⁴யோ(அ)பி தத்ர விஶஸி த்⁴ருவமண்ட³லேந்து³-
-நி꞉ஸ்யந்த³மானபரமாம்ருʼததோயரூபா ॥ 6 ॥
த³க்³த⁴ம்ʼ யதா³ மத³னமேகமனேகதா⁴ தே
முக்³த⁴꞉ கடாக்ஷவிதி⁴ரங்குரயாஞ்சகார ।
த⁴த்தே ததா³ப்ரப்⁴ருʼதி தே³வி லலாடநேத்ரம்ʼ
ஸத்யம்ʼ ஹ்ரியைவ முகுலீக்ருʼதமிந்து³மௌலே꞉ ॥ 7 ॥
அஜ்ஞாதஸம்ப⁴வமனாகலிதான்வவாயம்ʼ
பி⁴க்ஷும்ʼ கபாலினமவாஸஸமத்³விதீயம் ।
பூர்வம்ʼ கரக்³ரஹணமங்க³லதோ ப⁴வத்யா꞉
ஶம்பு⁴ம்ʼ க ஏவ பு³பு³தே⁴ கி³ரிராஜகன்யே ॥ 8 ॥
சர்மாம்ப³ரம்ʼ ச ஶவப⁴ஸ்மவிலேபனம்ʼ ச
பி⁴க்ஷாடனம்ʼ ச நடனம்ʼ ச பரேதபூ⁴மௌ ।
வேதாலஸம்ʼஹதிபரிக்³ரஹதா ச ஶம்போ⁴꞉
ஶோபா⁴ம்ʼ பி³ப⁴ர்தி கி³ரிஜே தவ ஸாஹசர்யாத் ॥ 9 ॥
கல்போபஸம்ʼஹரணகேலிஷு பண்டி³தானி
சண்டா³னி க²ண்ட³பரஶோரபி தாண்ட³வானி ।
ஆலோகனேன தவ கோமலிதானி மாத-
-ர்லாஸ்யாத்மனா பரிணமந்தி ஜக³த்³விபூ⁴த்யை ॥ 10 ॥
ஜந்தோரபஶ்சிமதனோ꞉ ஸதி கர்மஸாம்யே
நி꞉ஶேஷபாஶபடலச்சி²து³ரா நிமேஷாத் ।
கல்யாணி தே³ஶிககடாக்ஷஸமாஶ்ரயேண
காருண்யதோ ப⁴வதி ஶாம்ப⁴வவேத³தீ³க்ஷா ॥ 11 ॥
முக்தாவிபூ⁴ஷணவதீ நவவித்³ருமாபா⁴
யச்சேதஸி ஸ்பு²ரஸி தாரகிதேவ ஸந்த்⁴யா ।
ஏக꞉ ஸ ஏவ பு⁴வனத்ரயஸுந்த³ரீணாம்ʼ
கந்த³ர்பதாம்ʼ வ்ரஜதி பஞ்சஶரீம்ʼ வினாபி ॥ 12 ॥
யே பா⁴வயந்த்யம்ருʼதவாஹிபி⁴ரம்ʼஶுஜாலை-
-ராப்யாயமானபு⁴வநாமம்ருʼதேஶ்வரீம்ʼ த்வாம் ।
தே லங்க⁴யந்தி நனு மாதரலங்க⁴னீயாம்ʼ
ப்³ரஹ்மாதி³பி⁴꞉ ஸுரவரைரபி காலகக்ஷாம் ॥ 13 ॥
ய꞉ ஸ்பா²டிகாக்ஷகு³ணபுஸ்தககுண்டி³காட்⁴யாம்ʼ
வ்யாக்²யாஸமுத்³யதகராம்ʼ ஶரதி³ந்து³ஶுப்⁴ராம் ।
பத்³மாஸனாம்ʼ ச ஹ்ருʼத³யே ப⁴வதீமுபாஸ்தே
மாத꞉ ஸ விஶ்வகவிதார்கிகசக்ரவர்தீ ॥ 14 ॥
ப³ர்ஹாவதம்ʼஸயுதப³ர்ப³ரகேஶபாஶாம்ʼ
கு³ஞ்ஜாவலீக்ருʼதக⁴னஸ்தனஹாரஶோபா⁴ம் ।
ஶ்யாமாம்ʼ ப்ரவாலவத³னாம்ʼ ஸுகுமாரஹஸ்தாம்ʼ
த்வாமேவ நௌமி ஶப³ரீம்ʼ ஶப³ரஸ்ய ஜாயாம் ॥ 15 ॥
அர்தே⁴ன கிம்ʼ நவலதாலலிதேன முக்³தே⁴
க்ரீதம்ʼ விபோ⁴꞉ பருஷமர்த⁴மித³ம்ʼ த்வயேதி ।
ஆலீஜனஸ்ய பரிஹாஸவசாம்ʼஸி மன்யே
மந்த³ஸ்மிதேன தவ தே³வி ஜடீ³ ப⁴வந்தி ॥ 16 ॥
ப்³ரஹ்மாண்ட³ பு³த்³பு³த³கத³ம்ப³கஸங்குலோ(அ)யம்ʼ
மாயோத³தி⁴ர்விவித⁴து³꞉க²தரங்க³மால꞉ ।
ஆஶ்சர்யமம்ப³ ஜ²டிதி ப்ரலயம்ʼ ப்ரயாதி
த்வத்³த்⁴யானஸந்ததிமஹாப³ட³பா³முகா²க்³னௌ ॥ 17 ॥
தா³க்ஷாயணீதி குடிலேதி குஹாரிணீதி
காத்யாயநீதி கமலேதி கலாவதீதி ।
ஏகா ஸதீ ப⁴க³வதீ பரமார்த²தோ(அ)பி
ஸந்த்³ருʼஶ்யஸே ப³ஹுவிதா⁴ நனு நர்தகீவ ॥ 18 ॥
ஆனந்த³லக்ஷணமனாஹதநாம்னி தே³ஶே
நாதா³த்மனா பரிணதம்ʼ தவ ரூபமீஶே ।
ப்ரத்யங்முகே²ன மனஸா பரிசீயமானம்ʼ
ஶம்ʼஸந்தி நேத்ரஸலிலை꞉ புலகைஶ்ச த⁴ன்யா꞉ ॥ 19 ॥
த்வம்ʼ சந்த்³ரிகா ஶஶினி திக்³மருசௌ ருசிஸ்த்வம்ʼ
த்வம்ʼ சேதனாஸி புருஷே பவனே ப³லம்ʼ த்வம் ।
த்வம்ʼ ஸ்வாது³தாஸி ஸலிலே ஶிகி²னி த்வமூஷ்மா
நி꞉ஸாரமேவ நிகி²லம்ʼ த்வத்³ருʼதே யதி³ ஸ்யாத் ॥ 20 ॥
ஜ்யோதீம்ʼஷி யத்³தி³வி சரந்தி யத³ந்தரிக்ஷம்ʼ
ஸூதே பயாம்ʼஸி யத³ஹிர்த⁴ரணீம்ʼ ச த⁴த்தே ।
யத்³வாதி வாயுரனலோ யது³த³ர்சிராஸ்தே
தத்ஸர்வமம்ப³ தவ கேவலமாஜ்ஞயைவ ॥ 21 ॥
ஸங்கோசமிச்ச²ஸி யதா³ கி³ரிஜே ததா³னீம்ʼ
வாக்தர்கயோஸ்த்வமஸி பூ⁴மிரநாமரூபா ।
யத்³வா விகாஸமுபயாஸி யதா³ ததா³னீம்ʼ
த்வந்நாமரூபக³ணனா꞉ ஸுகரா ப⁴வந்தி ॥ 22 ॥
போ⁴கா³ய தே³வி ப⁴வதீம்ʼ க்ருʼதின꞉ ப்ரணம்ய
ப்⁴ரூகிங்கரீக்ருʼதஸரோஜக்³ருʼஹா꞉ ஸஹஸ்ரம் ।
சிந்தாமணிப்ரசயகல்பிதகேலிஶைலே
கல்பத்³ருமோபவன ஏவ சிரம்ʼ ரமந்தே ॥ 23 ॥
ஹர்தும்ʼ த்வமேவ ப⁴வஸி த்வத³தீ⁴னமீஶே
ஸம்ʼஸாரதாபமகி²லம்ʼ த³யயா பஶூனாம் ।
வைகர்தனீ கிரணஸம்ʼஹதிரேவ ஶக்தா
த⁴ர்மம்ʼ நிஜம்ʼ ஶமயிதும்ʼ நிஜயைவ வ்ருʼஷ்ட்யா ॥ 24 ॥
ஶக்தி꞉ ஶரீரமதி⁴தை³வதமந்தராத்மா
ஜ்ஞானம்ʼ க்ரியா கரணமாஸனஜாலமிச்சா² ।
ஐஶ்வர்யமாயதனமாவரணானி ச த்வம்ʼ
கிம்ʼ தன்ன யத்³ப⁴வஸி தே³வி ஶஶாங்கமௌலே꞉ ॥ 25 ॥
பூ⁴மௌ நிவ்ருʼத்திருதி³தா பயஸி ப்ரதிஷ்டா²
வித்³யா(அ)னலே மருதி ஶாந்திரதீவகாந்தி꞉ ।
வ்யோம்நீதி யா꞉ கில கலா꞉ கலயந்தி விஶ்வம்ʼ
தாஸாம்ʼ ஹி தூ³ரதரமம்ப³ பத³ம்ʼ த்வதீ³யம் ॥ 26 ॥
யாவத்பத³ம்ʼ பத³ஸரோஜயுக³ம்ʼ த்வதீ³யம்ʼ
நாங்கீ³கரோதி ஹ்ருʼத³யேஷு ஜக³ச்ச²ரண்யே ।
தாவத்³விகல்பஜடிலா꞉ குடிலப்ரகாரா-
-ஸ்தர்கக்³ரஹா꞉ ஸமயினாம்ʼ ப்ரலயம்ʼ ந யாந்தி ॥ 27 ॥
நிர்தே³வயானபித்ருʼயானவிஹாரமேகே
க்ருʼத்வா மன꞉ கரணமண்ட³லஸார்வபௌ⁴மம் ।
த்⁴யானே நிவேஶ்ய தவ காரணபஞ்சகஸ்ய
பர்வாணி பார்வதி நயந்தி நிஜாஸனத்வம் ॥ 28 ॥
ஸ்தூ²லாஸு மூர்திஷு மஹீப்ரமுகா²ஸு மூர்தே꞉
கஸ்யாஶ்சனாபி தவ வைப⁴வமம்ப³ யஸ்யா꞉ ।
பத்யா கி³ராமபி ந ஶக்யத ஏவ வக்தும்ʼ
ஸாபி ஸ்துதா கில மயேதி திதிக்ஷிதவ்யம் ॥ 29 ॥
காலாக்³னிகோடிருசிமம்ப³ ஷட³த்⁴வஶுத்³தௌ⁴
ஆப்லாவனேஷு ப⁴வதீமம்ருʼதௌக⁴வ்ருʼஷ்டிம் ।
ஶ்யாமாம்ʼ க⁴னஸ்தனதடாம்ʼ ஶகலீக்ருʼதாகா⁴ம்ʼ
த்⁴யாயந்த ஏவ ஜக³தாம்ʼ கு³ரவோ ப⁴வந்தி ॥ 30 ॥
வித்³யாம்ʼ பராம்ʼ கதிசித³ம்ப³ரமம்ப³ கேசி-
-தா³னந்த³மேவ கதிசித்கதிசிச்ச மாயாம் ।
த்வாம்ʼ விஶ்வமாஹுரபரே வயமாமநாம꞉
ஸாக்ஷாத³பாரகருணாம்ʼ கு³ருமூர்திமேவ ॥ 31 ॥
குவலயத³லநீலம்ʼ ப³ர்ப³ரஸ்னிக்³த⁴கேஶம்ʼ
ப்ருʼது²தரகுசபா⁴ராக்ராந்தகாந்தாவலக்³னம் ।
கிமிஹ ப³ஹுபி⁴ருக்தைஸ்த்வத்ஸ்வரூபம்ʼ பரம்ʼ ந꞉
ஸகலஜனனி மாத꞉ ஸந்ததம்ʼ ஸந்நித⁴த்தாம் ॥ 32 ॥
இதி ஶ்ரீகாலிதா³ஸ விரசித பஞ்சஸ்தவ்யாம்ʼ சதுர்த²꞉ அம்பா³ஸ்தவ꞉ ।
Recite with devotion and pure heart
Regular practice brings spiritual benefits