ವೇದಾಂತವೇದ್ಯಂ ವರಯೋಗಿರುಪಂ ಜಗತ್ಪ್ರಕಾಶಂ ಸುರಲೋಕಪೂಜ್ಯಂ । ಇಷ್ಟಾರ್ಥಸಿದ್ಧಿಂ ಕರುಣಾಕರೇಶಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 1 ॥ ಯೋಗೀಶರುಪಂ ಪರಮಾತ್ಮವೇಷಂ ಸದಾನುರಾಗಂ ಸಹಕಾರ್ಯರುಪಂ । ವರಪ್ರಸಾದಂ ವಿಬುಧೈಕಸೇವ್ಯಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 2 ॥ ಕಾಷಾಯವಸ್ತ್ರಂ ಕರದಂಡಧಾರಿಣಂ ಕಮಂಡಲುಂ ಪದ್ಮಕರೇಣ ಶಂಖಂ । ಚಕ್ರಂ ಗದಾಭೂಷಿತ ಭೂಷಣಾಢ್ಯಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 3 ॥ ಭೂಲೋಕಸಾರಂ ಭುವನೈಕನಾಥಂ ನಾಥಾದಿನಾಥಂ ನರಲೋಕನಾಥಂ । ಕೃಷ್ಣಾವತಾರಂ ಕರುಣಾಕಟಾಕ್ಷಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 4 ॥ ಲೋಕಾಭಿರಾಮಂ ಗುಣಭೂಷಣಾಢ್ಯಂ ತೇಜೋ ಮುನಿಶ್ರೇಷ್ಠ ಮುನಿಂ ವರೇಣ್ಯಂ । ಸಮಸ್ತದುಃಖಾನಿ ಭಯಾನಿ ಶಾಂತಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 5 ॥ ಕೃಷ್ಣಾಸುತೀರೇ ವಸತಿ ಪ್ರಸಿದ್ಧಂ ಶ್ರೀಪಾದ ಶ್ರೀವಲ್ಲಭ ಯೋಗಿಮೂರ್ತಿಂ । ಸರ್ವೇಜನೈಶ್ಚಿಂತಿತಕಲ್ಪವೃಕ್ಷಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 6 ॥ ಮಂತ್ರಾಬ್ಧಿರಾಜಂ ಯತಿರಾಜಪೂಜ್ಯಂ ತ್ರೈಲೋಕನಾಥಂ ಜನಸೇವ್ಯನಾಥಂ । ಆನಂದಚಿತ್ತಂ ಅಖಿಲಾತ್ಮತೇಜಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 7 ॥ ಮಂತ್ರಾನುಗಮ್ಯಂ ಮಹಾನಿರ್ವಿತೇಜಂ ಮಹತ್ಪ್ರಕಾಶಂ ಮಹಾಶಾಂತಮೂರ್ತಿಂ । ತ್ರೈಲೋಕ್ಯಚಿತ್ತಂ ಅಖಿಲಾತ್ಮತೇಜಂ ಶ್ರೀಪಾದರಾಜಂ ಶರಣಂ ಪ್ರಪದ್ಯೇ ॥ 8 ॥ ಶ್ರೀಪಾದಾಷ್ಟಕಮಿದಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ । ಕೋಟಿಜನ್ಮಕೃತಂಪಾಪಂ ಸ್ಮರಣೇನ ವಿನಶ್ಯತಿ ॥ 9 ॥ ಇತಿ ಶ್ರೀಪಾದಾಷ್ಟಕಂ ।