ಇಂದುಕೋಟಿತೇಜ ಕರುಣಸಿಂಧು ಭಕ್ತವತ್ಸಲಂ ನಂದನಾತ್ರಿಸೂನು ದತ್ತಮಿಂದಿರಾಕ್ಷ ಶ್ರೀಗುರುಂ । ಗಂಧಮಾಲ್ಯ ಅಕ್ಷತಾದಿ ಬೃಂದದೇವವಂದಿತಂ ವಂದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಂ ॥ 1 ॥ ಮೋಹಪಾಶ ಅಂಧಕಾರ ಛಾಯ ದೂರ ಭಾಸ್ಕರಂ ಆಯತಾಕ್ಷ ಪಾಹಿ ಶ್ರಿಯಾವಲ್ಲಭೇಶ ನಾಯಕಂ । ಸೇವ್ಯಭಕ್ತಬೃಂದವರದ ಭೂಯೋ ಭೂಯೋ ನಮಾಮ್ಯಹಂ ವಂದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಂ ॥ 2 ॥ ಚಿತ್ತಜಾದಿವರ್ಗಷಟ್ಕಮತ್ತವಾರಣಾಂಕುಶಂ ತತ್ತ್ವಸಾರಶೋಭಿತಾತ್ಮ ದತ್ತ ಶ್ರಿಯಾವಲ್ಲಭಂ । ಉತ್ತಮಾವತಾರ ಭೂತಕರ್ತೃ ಭಕ್ತವತ್ಸಲಂ ವಂದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಂ ॥ 3 ॥ ವ್ಯೋಮ ವಾಯು ತೇಜ ಆಪ ಭೂಮಿ ಕರ್ತೃಮೀಶ್ವರಂ ಕಾಮಕ್ರೋಧಮೋಹರಹಿತ ಸೋಮಸೂರ್ಯಲೋಚನಂ । ಕಾಮಿತಾರ್ಥದಾತೃ ಭಕ್ತಕಾಮಧೇನು ಶ್ರೀಗುರುಂ ವಂದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಂ ॥ 4 ॥ ಪುಂಡರೀಕ ಆಯತಾಕ್ಷ ಕುಂಡಲೇಂದುತೇಜಸಂ ಚಂಡದುರಿತಖಂಡನಾರ್ಥ ದಂಡಧಾರಿ ಶ್ರೀಗುರುಂ । ಮಂಡಲೀಕಮೌಲಿ ಮಾರ್ತಾಂಡ ಭಾಸಿತಾನನಂ ವಂದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಂ ॥ 5 ॥ ವೇದಶಾಸ್ತ್ರಸ್ತುತ್ಯಪಾದ ಆದಿಮೂರ್ತಿ ಶ್ರೀಗುರುಂ ನಾದಬಿಂದುಕಲಾತೀತ ಕಲ್ಪಪಾದಸೇವ್ಯಯಂ । ಸೇವ್ಯಭಕ್ತಬೃಂದವರದ ಭೂಯೋ ಭೂಯೋ ನಮಾಮ್ಯಹಂ ವಂದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಂ ॥ 6 ॥ ಅಷ್ಟಯೋಗತತ್ತ್ವನಿಷ್ಠ ತುಷ್ಟಜ್ಞಾನವಾರಿಧಿಂ ಕೃಷ್ಣವೇಣಿತೀರವಾಸ ಪಂಚನದೀಸಂಗಮಂ । ಕಷ್ಟದೈನ್ಯದೂರಿ ಭಕ್ತತುಷ್ಟಕಾಮ್ಯದಾಯಕಂ ವಂದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಂ ॥ 7 ॥ ನಾರಸಿಂಹಸರಸ್ವತೀ ನಾಮ ಅಷ್ಟಮೌಕ್ತಿಕಂ ಹಾರ ಕೃತ್ಯ ಶಾರದೇನ ಗಂಗಾಧರ ಆತ್ಮಜಂ । ಧಾರಣೀಕ ದೇವದೀಕ್ಷ ಗುರುಮೂರ್ತಿ ತೋಷಿತಂ ಪರಮಾತ್ಮಾನಂದ ಶ್ರಿಯಾ ಪುತ್ರಪೌತ್ರದಾಯಕಂ ॥ 8 ॥ ನಾರಸಿಂಹಸರಸ್ವತೀಯ ಅಷ್ಟಕಂ ಚ ಯಃ ಪಠೇತ್ ಘೋರ ಸಂಸಾರ ಸಿಂಧು ತಾರಣಾಖ್ಯ ಸಾಧನಂ । ಸಾರಜ್ಞಾನ ದೀರ್ಘ ಆಯುರಾರೋಗ್ಯಾದಿ ಸಂಪದಾಂ ಚಾರುವರ್ಗಕಾಮ್ಯಲಾಭ ನಿತ್ಯಮೇವ ಯಃ ಪಠೇತ್ ॥ 9 ॥ ಇತಿ ಶ್ರೀಗುರುಚರಿತಾಮೃತೇ ಶ್ರೀನೃಸಿಂಹಸರಸ್ವತ್ಯುಪಾಖ್ಯಾನೇ ಸಿದ್ಧನಾಮಧಾರಕ ಸಂವಾದೇ ಶ್ರೀನೃಸಿಂಹಸರಸ್ವತೀ ಅಷ್ಟಕಂ ॥