അസ്യ ശ്രീദത്താത്രേയ ദ്വാദശനാമ സ്തോത്രമന്ത്രസ്യ പരമഹംസ ഋഷിഃ ശ്രീദത്താത്രേയ പരമാത്മാ ദേവതാ അനുഷ്ടുപ്ഛന്ദഃ സകലകാമനാസിദ്ധ്യർഥേ ജപേ വിനിയോഗഃ । പ്രഥമസ്തു മഹായോഗീ ദ്വിതീയഃ പ്രഭുരീശ്വരഃ । തൃതീയശ്ച ത്രിമൂർതിശ്ച ചതുർഥോ ജ്ഞാനസാഗരഃ ॥ 1 ॥ പഞ്ചമോ ജ്ഞാനവിജ്ഞാനം ഷഷ്ഠസ്യാത് സർവമംഗലം । സപ്തമോ പുണ്ഡരീകാക്ഷോ അഷ്ടമോ ദേവവല്ലഭഃ ॥ 2 ॥ നവമോ നന്ദദേവേശോ ദശമോ നന്ദദായകഃ । ഏകാദശോ മഹാരുദ്രോ ദ്വാദശോ കരുണാകരഃ ॥ 3 ॥ ഏതാനി ദ്വാദശനാമാനി ദത്താത്രേയ മഹാത്മനഃ । മന്ത്രരാജേതി വിഖ്യാതം ദത്താത്രേയ ഹരഃ പരഃ ॥ 4 ॥ ക്ഷയോപസ്മാര കുഷ്ഠാദി താപജ്വരനിവാരണം । രാജദ്വാരേ പദേ ഘോരേ സംഗ്രാമേഷു ജലാന്തരേ ॥ 5 ॥ ഗിരേ ഗുഹാന്തരേഽരണ്യേ വ്യാഘ്രചോരഭയാദിഷു । ആവർതനേ സഹസ്രേഷു ലഭതേ വാഞ്ഛിതം ഫലം ॥ 6 ॥ ത്രികാലേ യഃ പഠേന്നിത്യം മോക്ഷസിദ്ധിമവാപ്നുയാത് । ദത്താത്രേയ സദാ രക്ഷേത് യദാ സത്യം ന സംശയഃ ॥ 7 ॥ വിദ്യാർഥീ ലഭതേ വിദ്യാം രോഗീ രോഗാത് പ്രമുച്യതേ । അപുത്രോ ലഭതേ പുത്രം ദരിദ്രോ ലഭതേ ധനം ॥ 8 ॥ അഭാര്യോ ലഭതേ ഭാര്യാം സുഖാർഥീ ലഭതേ സുഖം । മുച്യതേ സർവപാപേഭ്യോ സർവത്ര വിജയീ ഭവേത് ॥ 9 ॥ ഇതി ശ്രീ ദത്താത്രേയ ദ്വാദശ നാമ സ്തോത്രം ।