த³த்தாத்ரேய கோ⁴ர கஷ்டோத்³தா⁴ரண ஸ்தோத்ரம்

ஶ்ரீபாத³ ஶ்ரீவல்லப⁴ த்வம்ʼ ஸதை³வ

ஶ்ரீத³த்தாஸ்மான்பாஹி தே³வாதி⁴தே³வ ।

பா⁴வக்³ராஹ்ய க்லேஶஹாரின் ஸுகீர்தே

கோ⁴ராத்கஷ்டாது³த்³த⁴ராஸ்மாந்நமஸ்தே ॥ 1 ॥

த்வம்ʼ நோ மாதா த்வம்ʼ பிதா(ஆ)ப்தோ(அ)தி⁴பஸ்த்வம்ʼ

த்ராதா யோக³க்ஷேமக்ருʼத்ஸத்³கு³ருஸ்த்வம் ।

த்வம்ʼ ஸர்வஸ்வம்ʼ நோ ப்ரபோ⁴ விஶ்வமூர்தே

கோ⁴ராத்கஷ்டாது³த்³த⁴ராஸ்மாந்நமஸ்தே ॥ 2 ॥

பாபம்ʼ தாபம்ʼ வ்யாதி⁴மாதி⁴ம்ʼ ச தை³ன்யம்ʼ

பீ⁴திம்ʼ க்லேஶம்ʼ த்வம்ʼ ஹராஶு த்வத³ன்யம் ।

த்ராதாரம்ʼ நோ வீக்ஷ்ய ஈஶாஸ்தஜூர்தே

கோ⁴ராத்கஷ்டாது³த்³த⁴ராஸ்மாந்நமஸ்தே ॥ 3 ॥

நான்யஸ்த்ராதா நா(அ)பி தா³தா ந ப⁴ர்தா

த்வத்தோ தே³வ த்வம்ʼ ஶரண்யோ(அ)கஹர்தா ।

குர்வாத்ரேயானுக்³ரஹம்ʼ பூர்ணராதே

கோ⁴ராத்கஷ்டாது³த்³த⁴ராஸ்மாந்நமஸ்தே ॥ 4 ॥

த⁴ர்மே ப்ரீதிம்ʼ ஸன்மதிம்ʼ தே³வப⁴க்திம்ʼ

ஸத்ஸங்கா³ப்திம்ʼ தே³ஹி பு⁴க்திம்ʼ ச முக்திம் ।

பா⁴வாஸக்திம்ʼ சாகி²லானந்த³மூர்தே

கோ⁴ராத்கஷ்டாது³த்³த⁴ராஸ்மாந்நமஸ்தே ॥ 5 ॥

ஶ்லோகபஞ்சகமேதத்³யோ லோகமங்க³லவர்த⁴னம் ।

ப்ரபடே²ந்நியதோ ப⁴க்த்யா ஸ ஶ்ரீத³த்தப்ரியோ ப⁴வேத் ॥ 6 ॥

இதி ஶ்ரீமத்பரமஹம்ʼஸ பரிவ்ராஜகாசார்ய ஶ்ரீமத்³வாஸுதே³வானந்த³ஸரஸ்வதி யதி விரசிதம்ʼ கோ⁴ரகஷ்டோத்³தா⁴ரண ஸ்தோத்ரம் ।

Recite with devotion and pure heart

Regular practice brings spiritual benefits