ശ്രീ ഗണേശായ നമഃ ശ്രീ സരസ്വത്യൈ നമഃ ദത്താത്രേയം മഹാത്മാനം വരദം ഭക്തവത്സലമ് । പ്രപന്നാര്തിഹരം വംദേ സ്മര്തൃഗാമി സനോവതു ॥ 1 ॥ ദീനബംധും കൃപാസിംധും സർവകാരണകാരണമ് । സർവരക്ഷാകരം വംദേ സ്മര്തൃഗാമി സനോവതു ॥ 2 ॥ ശരണാഗതദീനാര്ത പരിത്രാണപരായണമ് । നാരായണം വിഭും വംദേ സ്മര്തൃഗാമി സനോവതു ॥ 3 ॥ സർവാനര്ഥഹരം ദേവം സർവമംഗള മംഗളമ് । സർവക്ലേശഹരം വംദേ സ്മര്തൃഗാമി സനോവതു ॥ 4 ॥ ബ്രഹ്മണ്യം ധര്മതത്ത്വജ്ഞം ഭക്തകീര്തിവിവര്ധനമ് । ഭക്താഽഭീഷ്ടപ്രദം വംദേ സ്മര്തൃഗാമി സനോവതു ॥ 5 ॥ ശോഷണം പാപപംകസ്യ ദീപനം ജ്ഞാനതേജസഃ । താപപ്രശമനം വംദേ സ്മര്തൃഗാമി സനോവതു ॥ 6 ॥ സർവരോഗപ്രശമനം സർവപീഡാനിവാരണമ് । വിപദുദ്ധരണം വംദേ സ്മര്തൃഗാമി സനോവതു ॥ 7 ॥ ജന്മസംസാരബംധഘ്നം സ്വരൂപാനംദദായകമ് । നിശ്ശ്രേയസപദം വംദേ സ്മര്തൃഗാമി സനോവതു ॥ 8 ॥ ജയ ലാഭ യശഃ കാമ ദാതുര്ദത്തസ്യ യഃ സ്തവമ് । ഭോഗമോക്ഷപ്രദസ്യേമം പ്രപഠേത് സുകൃതീ ഭവേത് ॥ 9 ॥ ഇതി ശ്രീ ദത്തസ്തവമ് ॥