हैंహైHaindavamஹிહિં
📍
Font Size:
ದತ್ತ ನಕ್ಷತ್ರಮಾಲಿಕಾ
ಗೋದಾವರ್ಯಾ ಮಹಾನದ್ಯಾ ಉತ್ತರೇ ಸಿಂಹಪರ್ವತೇ ।
ಸುಪುಣ್ಯೇ ಮಾಹುರಪುರೇ ಸರ್ವತೀರ್ಥಸಮನ್ವಿತೇ ॥ 1 ॥
ಜಜ್ಞೇಽತ್ರೇರನಸೂಯಾಯಾಂ ಪ್ರದೋಷೇ ಬುಧವಾಸರೇ ।
ಮಾರ್ಗಶೀರ್ಷ್ಯಾಂ ಮಹಾಯೋಗೀ ದತ್ತಾತ್ರೇಯೋ ದಿಗಂಬರಃ ॥ 2 ॥
ಮಾಲಾಂ ಕುಂಡೀಂ ಚ ಡಮರುಂ ಶೂಲಂ ಶಂಖಂ ಸುದರ್ಶನಂ ।
ದಧಾನಃ ಷಡ್ಭುಜೈಸ್ತ್ರ್ಯಾತ್ಮಾ ಯೋಗಮಾರ್ಗಪ್ರವರ್ತಕಃ ॥ 3 ॥
ಭಸ್ಮೋದ್ಧೂಲಿತಸರ್ವಾಂಗೋ ಜಟಾಜೂಟವಿರಾಜಿತಃ ।
ರುದ್ರಾಕ್ಷಭೂಷಿತತನುಃ ಶಾಂಭವೀಮುದ್ರಯಾ ಯುತಃ ॥ 4 ॥
ಭಕ್ತಾನುಗ್ರಹಕೃನ್ನಿತ್ಯಂ ಪಾಪತಾಪಾರ್ತಿಭಂಜನಃ ।
ಬಾಲೋನ್ಮತ್ತಪಿಶಾಚಾಭಃ ಸ್ಮರ್ತೃಗಾಮೀ ದಯಾನಿಧಿಃ ॥ 5 ॥
ಯಸ್ಯಾಸ್ತಿ ಮಾಹುರೇ ನಿದ್ರಾ ನಿವಾಸಃ ಸಿಂಹಪರ್ವತೇ ।
ಪ್ರಾತಃ ಸ್ನಾನಂ ಚ ಗಂಗಾಯಾಂ ಧ್ಯಾನಂ ಗಂಧರ್ವಪತ್ತನೇ ॥ 6 ॥
ಕುರುಕ್ಷೇತ್ರೇ ಚಾಚಮನಂ ಧೂತಪಾಪೇಶ್ವರೇ ತಥಾ ।
ವಿಭೂತಿಧಾರಣಂ ಪ್ರಾತಃಸಂಧ್ಯಾ ಚ ಕರಹಾಟಕೇ ॥ 7 ॥
ಕೋಲಾಪುರೇಽಸ್ಯ ಭಿಕ್ಷಾ ಚ ಪಾಂಚಾಲೇಽಪಿ ಚ ಭೋಜನಂ ।
ದಿನಗೋ ವಿಠ್ಠಲಪುರೇ ತುಂಗಾಪಾನಂ ದಿನೇ ದಿನೇ ॥ 8 ॥ [ತಿಲಕೋ]
ಪುರಾಣಶ್ರವಣಂ ಯಸ್ಯ ನರನಾರಾಯಣಾಶ್ರಮೇ ।
ವಿಶ್ರಾಮೋ ಸರದೇ ಸಾಯಂಸಂಧ್ಯಾ ಪಶ್ಚಿಮಸಾಗರೇ ॥ 9 ॥ [ರೈವತೇ]
ಕಾರ್ತವೀರ್ಯಾರ್ಜುನಾಯಾದಾದ್ಯೋಗರ್ಧಿಮುಭಯೀಂ ಪ್ರಭುಃ ।
ಸ್ವಾತ್ಮತತ್ತ್ವಂ ಚ ಯದವೇ ಬಹುಗುರ್ವಾಪ್ತಮುತ್ತಮಂ ॥ 10 ॥
ಆನ್ವೀಕ್ಷಿಕೀಮಲರ್ಕಾಯ ಪ್ರಹ್ಲಾದಾಯ ತಗೀಯತೇ । [ಚ ಧೀಮತೇ]
ಆಯೂರಾಜಾಯ ಚ ವರಾನ್ ಸಾಧ್ಯೇಭ್ಯೋ ಮೋಕ್ಷಸಾಧನಂ ॥ 11 ॥
ಮಂತ್ರಾಂಶ್ಚ ವಿಷ್ಣುದತ್ತಾಯ ಸೋಮಕಾಂತಾಯ ಕರ್ಮ ಚ ।
ಸ ಏವಾವಿರಭೂದ್ಭೂಯಃ ಪೂರ್ವಾರ್ಣವಸಮೀಪತಃ ॥ 12 ॥
ಭಾದ್ರೇ ಮಾಸಿ ಸಿತೇ ಪಕ್ಷೇ ಚತುರ್ಥ್ಯಾಂ ರಾಜವಿಪ್ರತಃ ।
ಸುಮತ್ಯಾಂ ಪ್ರಾಕ್ಸಿಂಧುತೀರೇ ರಮ್ಯೇ ಪೀಠಾಪುರೇ ವರೇ ॥ 13 ॥
ಯ ಆಚಾರವ್ಯವಹೃತಿಪ್ರಾಯಶ್ಚಿತ್ತೋಪದೇಶಕೃತ್ ।
ನಿಜಾಗ್ರಜಾವಂಧಪಂಗೂ ವಿಲೋಕ್ಯ ಪ್ರವ್ರಜನ್ ಸುಧೀಃ ॥ 14 ॥
ಮಾತಾಪಿತ್ರೋರ್ಮುದೇ ದೃಷ್ಟಿಂ ಗತಿಂ ತಾಭ್ಯಾಮುಪಾನಯತ್ ।
ಮಹೀಂ ಪ್ರದಕ್ಷಿಣೀಕೃತ್ಯ ಗೋಕರ್ಣೇ ತ್ರ್ಯಬ್ದಮಾವಸನ್ ॥ 15 ॥
ತತಃ ಕೃಷ್ಣಾತಟಂ ಪ್ರಾಪ್ಯ ಮರ್ತುಕಾಮಾಂ ಸಪುತ್ರಕಾಂ ।
ನಿವರ್ತ್ಯ ಬ್ರಾಹ್ಮಣೀಂ ಮಂದಂ ಪ್ರದೋಷಂ ವ್ರತಮಾದಿಶತ್ ॥ 16 ॥
ತತ್ಪುತ್ರಂ ವಿಬುಧಂ ಕೃತ್ವಾ ತಸ್ಯಾ ಜನ್ಮಾಂತರೇ ಪ್ರಭುಃ ।
ಪುತ್ರೋ ಭೂತ್ವಾ ನರಹರಿನಾಮಕೋ ದೇಶ ಉತ್ತರೇ ॥ 17 ॥
ಕಾಂಚನೇ ನಗರೇಽಪ್ಯಂಬಾಮಾನಯದ್ವಿಪದೋ ವಿಭುಃ ।
ಮಾಸಿ ಪೌಷೇ ಸಿತೇ ಪಕ್ಷೇ ದ್ವಿತೀಯಾಯಾಂ ಶನೇರ್ದಿನೇ ॥ 18 ॥
ಜಾತಮಾತ್ರೋಽಪಿ ಚೋಂಕಾರಂ ಪಪಾಠಾಥಾಪಿ ಮೂಕವತ್ ।
ಸಪ್ತಾಬ್ದಾನ್ ಲೀಲಯಾ ಸ್ಥಿತ್ವಾ ನಾನಾಕೌತುಕಕೃತ್ ಪ್ರಭುಃ ॥ 19 ॥
ಉಪನೀತೋಽಪಠದ್ವೇದಾನ್ ಸಪ್ತಮೇ ವತ್ಸರೇ ಸ್ವಯಂ ।
ಆಶ್ವಾಸ್ಯ ಜನನೀಂ ಪುತ್ರದ್ವಯದಾನೇನ ಬೋಧತಃ ॥ 20 ॥
ಕಾಶೀಂ ಗತ್ವಾಽಷ್ಟಾಂಗಯೋಗಾಭ್ಯಾಸೀ ಕೃಷ್ಣಸರಸ್ವತೀಂ ।
ಕೃತ್ವಾ ಗುರುಂ ಯತಿರ್ಭೂತ್ವಾ ವೇದಾರ್ಥಾನ್ ಸಂಪ್ರಕಾಶ್ಯ ಚ ॥ 21 ॥
ಲುಪ್ತಸನ್ನ್ಯಾಸಿಧರ್ಮಂ ಚ ತೇನೇ ತುರ್ಯಾಶ್ರಮಂ ಭುವಿ ।
ಮೇರುಂ ಪ್ರದಕ್ಷಿಣೀಕೃತ್ಯ ಶಿಷ್ಯಾನ್ ಕೃತ್ವಾಽಪಿ ಭೂರಿಶಃ ॥ 22 ॥
ಪಿತೃಭ್ಯಾಂ ದರ್ಶನಂ ದತ್ವಾ ದ್ವಿಜಂ ಶೂಲರುಜಾರ್ದಿತಂ ।
ಕೃತ್ವಾಽನಾಮಯಮಾಶ್ವಾಸ್ಯ ಸಾಯನ್ ದೇವಂ ಮಹಾಮತಿಂ ॥ 23 ॥
ಅಬ್ದಂ ಸ್ಥಿತ್ವಾ ವೈದ್ಯನಾಥಕ್ಷೇತ್ರೇ ಕೃಷ್ಣಾತಟೇ ತತಃ ।
ಭಿಲ್ಲವಾಟ್ಯಾಂ ಚತುರ್ಮಾಸಾನ್ ವಿಭುರ್ಗತ್ವಾ ತತೋಽಗ್ರತಃ ॥ 24 ॥
ನೃಸಿಂಹವಾಟಿಕಾಕ್ಷೇತ್ರೇ ದ್ವಾದಶಾಬ್ದಾನ್ ವಸನ್ ಸುಧೀಃ ।
ತತ್ರ ಸ್ಥಿತ್ವಾಽಪಿ ಗಂಧರ್ವಪುರಮೇತ್ಯಾವಸನ್ ಮಠೇ ॥ 25 ॥
ಜೀವಯಿತ್ವಾ ಮೃತಾನ್ ದುಗ್ಧ್ವಾ ವಂಧ್ಯಾಂ ಚ ಮಹಿಷೀಂ ಹರಿಃ ।
ವಿಶ್ವರೂಪಂ ದರ್ಶಯಿತ್ವಾ ಯತಯೇ ವಿಶ್ವನಾಟಕಃ ॥ 26 ॥
ಬಹ್ವೀರಮಾನುಷೀರ್ಲೀಲಾಃ ಕೃತ್ವಾ ಗುಪ್ತೋಽಪಿ ತತ್ರ ಚ ।
ಯ ಆಸ್ತೇ ಭಗವಾನ್ ದತ್ತಃ ಸೋಽಸ್ಮಾನ್ ರಕ್ಷತು ಸರ್ವದಾ ॥ 27 ॥
ಯಾ ಸಪ್ತವಿಂಶತಿಶ್ಲೋಕೈಃ ಕೃತಾ ನಕ್ಷತ್ರಮಾಲಿಕಾ ।
ತದ್ಭಕ್ತೇಭ್ಯೋಽರ್ಪಿತಾ ಭಕ್ತಾಭಿನ್ನಶ್ರೀದತ್ತತುಷ್ಟಯೇ ॥ 28 ॥
ದ್ವಾದಶ್ಯಾಮಾಶ್ವಿನೇ ಕೃಷ್ಣೇ ಶ್ರೀಪಾದಸ್ಯೋತ್ಸವೋ ಮಹಾನ್ ।
ಮಾಘೇ ಕೃಷ್ಣೇ ಪ್ರತಿಪದಿ ನರಸಿಂಹಪ್ರಭೋಸ್ತಥಾ ॥ 29 ॥
ಇತಿ ಶ್ರೀ ವಾಸುದೇವಾನಂದಸರಸ್ವತೀವಿರಚಿತಾ ನಕ್ಷತ್ರ ಮಾಲಿಕಾ ಸಂಪೂರ್ಣಾ ।
Recite with devotion and pure heart
Regular practice brings spiritual benefits