ದೇವಾ ಊಚುಃ । ನಮೋ ಯಜ್ಞವರಾಹಾಯ ನಮಸ್ತೇ ಶತಬಾಹವೇ । ನಮಸ್ತೇ ದೇವದೇವಾಯ ನಮಸ್ತೇ ವಿಶ್ವರೂಪಿಣೇ ॥ 1 ॥ ನಮಃ ಸ್ಥಿತಿಸ್ವರೂಪಾಯ ಸರ್ವಯಜ್ಞಸ್ವರೂಪಿಣೇ । ಕಲಾಕಾಷ್ಠಾನಿಮೇಷಾಯ ನಮಸ್ತೇ ಕಾಲರೂಪಿಣೇ ॥ 2 ॥ ಭೂತಾತ್ಮನೇ ನಮಸ್ತುಭ್ಯಂ ಋಗ್ವೇದವಪುಷೇ ತಥಾ । ಸುರಾತ್ಮನೇ ನಮಸ್ತುಭ್ಯಂ ಸಾಮವೇದಾಯ ತೇ ನಮಃ ॥ 3 ॥ ಓಂಕಾರಾಯ ನಮಸ್ತುಭ್ಯಂ ಯಜುರ್ವೇದಸ್ವರೂಪಿಣೇ । ಋಚಃಸ್ವರೂಪಿಣೇ ಚೈವ ಚತುರ್ವೇದಮಯಾಯ ಚ ॥ 4 ॥ ನಮಸ್ತೇ ವೇದವೇದಾಂಗ ಸಾಂಗೋಪಾಂಗಾಯ ತೇ ನಮಃ । ಗೋವಿಂದಾಯ ನಮಸ್ತುಭ್ಯಮನಾದಿನಿಧನಾಯ ಚ ॥ 5 ॥ ನಮಸ್ತೇ ವೇದವಿದುಷೇ ವಿಶಿಷ್ಟೈಕಸ್ವರೂಪಿಣೇ । ಶ್ರೀಭೂಲೀಲಾಧಿಪತಯೇ ಜಗತ್ಪಿತ್ರೇ ನಮೋ ನಮಃ ॥ 6 ॥ ಇತಿ ಶ್ರೀಪದ್ಮಪುರಾಣೇ ಉತ್ತರಖಂಡೇ ಸಪ್ತತ್ರಿಂಶದಧಿಕದ್ವಿಶತತಮೋಽಧ್ಯಾಯೇ ದೇವಕೃತ ಶ್ರೀ ವರಾಹ ಸ್ತುತಿಃ ।