हैंహైHaindavamஹிહિં
📍
Font Size:
വരാഹ കവചം
ആദ്യം രംഗമിതി പ്രോക്തം വിമാനം രംഗസഞ്ജ്ഞിതം ।
ശ്രീമുഷ്ണം വേങ്കടാദ്രിം ച സാലഗ്രാമം ച നൈമിശം ॥
തോയാദ്രിം പുഷ്കരം ചൈവ നരനാരായണാശ്രമം ।
അഷ്ടൗ മേ മൂർതയഃ സന്തി സ്വയംവ്യക്താ മഹീതലേ ॥
ശ്രീസൂത ഉവാച ।
ശ്രീരുദ്രമുഖനിർണീതമുരാരിഗുണസത്കഥാ ।
സന്തുഷ്ടാ പാർവതീ പ്രാഹ ശങ്കരം ലോകശങ്കരം ॥ 1 ॥
ശ്രീപാർവത്യുവാച ।
ശ്രീമുഷ്ണേശസ്യ മാഹാത്മ്യം വരാഹസ്യ മഹാത്മനഃ ।
ശ്രുത്വാ തൃപ്തിർന മേ ജാതാ മനഃ കൗതൂഹലായതേ ।
ശ്രോതും തദ്ദേവമാഹാത്മ്യം തസ്മാദ്വർണയ മേ പുനഃ ॥ 2 ॥
ശ്രീശങ്കര ഉവാച ।
ശൃണു ദേവി പ്രവക്ഷ്യാമി ശ്രീമുഷ്ണേശസ്യ വൈഭവം ।
യസ്യ ശ്രവണമാത്രേണ മഹാപാപൈഃ പ്രമുച്യതേ ।
സർവേഷാമേവ തീർഥാനാം തീർഥരാജോഽഭിധീയതേ ॥ 3 ॥
നിത്യപുഷ്കരിണീ നാമ്നീ ശ്രീമുഷ്ണേ യാ ച വർതതേ ।
ജാതാ ശ്രമാപഹാ പുണ്യാ വരാഹശ്രമവാരിണാ ॥ 4 ॥
വിഷ്ണോരംഗുഷ്ഠസംസ്പർശാത് പുണ്യദാ ഖലു ജാഹ്നവീ ।
വിഷ്ണോഃ സർവാംഗസംഭൂതാ നിത്യപുഷ്കരിണീ ശുഭാ ॥ 5 ॥
മഹാനദീ സഹസ്രേണ നിത്യദാ സംഗതാ ശുഭാ ।
സകൃത് സ്നാത്വാ വിമുക്താഘഃ സദ്യോ യാതി ഹരേഃ പദം ॥ 6 ॥
തസ്യാ ആഗ്നേയഭാഗേ തു അശ്വത്ഥച്ഛായയോദകേ ।
സ്നാനം കൃത്വാ പിപ്പലസ്യ കൃത്വാ ചാപി പ്രദക്ഷിണം ॥ 7 ॥
ദൃഷ്ട്വാ ശ്വേതവരാഹം ച മാസമേകം നയേദ്യദി ।
കാലമൃത്യും വിനിർജിത്യ ശ്രിയാ പരമയാ യുതഃ ॥ 8 ॥
ആധിവ്യാധിവിനിർമുക്തോ ഗ്രഹപീഡാവിവർജിതഃ ।
ഭുക്ത്വാ ഭോഗാനനേകാംശ്ച മോക്ഷമന്തേ വ്രജേത് ധ്രുവം ॥ 9 ॥
അശ്വത്ഥമൂലേഽർകവാരേ നിത്യപുഷ്കരിണീതടേ ।
വരാഹകവചം ജപ്ത്വാ ശതവാരം ജിതേന്ദ്രിയഃ ॥ 10 ॥
ക്ഷയാപസ്മാരകുഷ്ഠാദ്യൈഃ മഹാരോഗൈഃ പ്രമുച്യതേ ।
വരാഹകവചം യസ്തു പ്രത്യഹം പഠതേ യദി ॥ 11 ॥
ശത്രുപീഡാവിനിർമുക്തോ ഭൂപതിത്വമവാപ്നുയാത് ।
ലിഖിത്വാ ധാരയേദ്യസ്തു ബാഹുമൂലേ ഗലേഽഥ വാ ॥ 12 ॥
ഭൂതപ്രേതപിശാചാദ്യാഃ യക്ഷഗന്ധർവരാക്ഷസാഃ ।
ശത്രവോ ഘോരകർമാണോ യേ ചാന്യേ വിഷജന്തവഃ ।
നഷ്ടദർപാ വിനശ്യന്തി വിദ്രവന്തി ദിശോ ദശ ॥ 13 ॥
ശ്രീപാർവത്യുവാച ।
തദ്ബ്രൂഹി കവചം മഹ്യം യേന ഗുപ്തോ ജഗത്ത്രയേ ।
സഞ്ചരേദ്ദേവവന്മർത്യഃ സർവശത്രുവിഭീഷണഃ ।
യേനാപ്നോതി ച സാമ്രാജ്യം തന്മേ ബ്രൂഹി സദാശിവ ॥ 14 ॥
ശ്രീശങ്കര ഉവാച ।
ശൃണു കല്യാണി വക്ഷ്യാമി വാരാഹകവചം ശുഭം ।
യേന ഗുപ്തോ ലഭേന്മർത്യോ വിജയം സർവസമ്പദം ॥ 15 ॥
അംഗരക്ഷാകരം പുണ്യം മഹാപാതകനാശനം ।
സർവരോഗപ്രശമനം സർവദുർഗ്രഹനാശനം ॥ 16 ॥
വിഷാഭിചാരകൃത്യാദിശത്രുപീഡാനിവാരണം ।
നോക്തം കസ്യാപി പൂർവം ഹി ഗോപ്യാദ്ഗോപ്യതരം യതഃ ॥ 17 ॥
വരാഹേണ പുരാ പ്രോക്തം മഹ്യം ച പരമേഷ്ഠിനേ ।
യുദ്ധേഷു ജയദം ദേവി ശത്രുപീഡാനിവാരണം ॥ 18 ॥
വരാഹകവചാദ്ഗുപ്തോ നാഽശുഭം ലഭതേ നരഃ ।
വരാഹകവചസ്യാസ്യ ഋഷിർബ്രഹ്മാ പ്രകീർതിതഃ ॥ 19 ॥
ഛന്ദോഽനുഷ്ടുപ് തഥാ ദേവോ വരാഹോ ഭൂപരിഗ്രഹഃ ।
പ്രക്ഷാല്യ പാദൗ പാണീ ച സമ്യഗാചമ്യ വാരിണാ ॥ 20 ॥
കൃതസ്വാംഗകരന്യാസഃ സപവിത്ര ഉദങ്മുഖഃ ।
ഓം ഭൂർഭവഃ സുവരിതി നമോ ഭൂപതയേഽപി ച ॥ 21 ॥
നമോ ഭഗവതേ പശ്ചാത് വരാഹായ നമസ്തഥാ ।
ഏവം ഷഡംഗം ന്യാസം ച ന്യസേദംഗുലിഷു ക്രമാത് ॥ 22 ॥
നമഃ ശ്വേതവരാഹായ മഹാകോലായ ഭൂപതേ ।
യജ്ഞാംഗായ ശുഭാംഗായ സർവജ്ഞായ പരാത്മനേ ॥ 23 ॥
സ്രവതുണ്ഡായ ധീരായ പരബ്രഹ്മസ്വരൂപിണേ ।
വക്രദംഷ്ട്രായ നിത്യായ നമോഽന്തൈർനാമഭിഃ ക്രമാത് ॥ 24 ॥
അംഗുലീഷു ന്യസേദ്വിദ്വാൻ കരപൃഷ്ഠതലേഷ്വപി ।
ധ്യാത്വാ ശ്വേതവരാഹം ച പശ്ചാന്മന്ത്രമുദീരയേത് ॥ 25 ॥
ധ്യാനം –
ഓം । ശ്വേതം വരാഹവപുഷം ക്ഷിതിമുദ്ധരന്തം
ശംഘാരിസർവവരദാഽഭയയുക്തബാഹും ।
ധ്യായേന്നിജൈശ്ച തനുഭിഃ സകലൈരുപേതം
പൂർണം വിഭും സകലവാഞ്ഛിതസിദ്ധയേഽജം ॥ 26 ॥
കവചം –
വരാഹഃ പൂർവതഃ പാതു ദക്ഷിണേ ദണ്ഡകാന്തകഃ ।
ഹിരണ്യാക്ഷഹരഃ പാതു പശ്ചിമേ ഗദയാ യുതഃ ॥ 27 ॥
ഉത്തരേ ഭൂമിഹൃത് പാതു അധസ്താദ്വായുവാഹനഃ ।
ഊർധ്വം പാതു ഹൃഷീകേശോ ദിഗ്വിദിക്ഷു ഗദാധരഃ ॥ 28 ॥
പ്രാതഃ പാതു പ്രജാനാഥഃ കല്പകൃത് സംഗമേഽവതു ।
മധ്യാഹ്നേ വജ്രകേശസ്തു സായാഹ്നേ സർവപൂജിതഃ ॥ 29 ॥
പ്രദോഷേ പാതു പദ്മാക്ഷോ രാത്രൗ രാജീവലോചനഃ ।
നിശീന്ദ്രഗർവഹാ പാതു പാതൂഷഃ പരമേശ്വരഃ ॥ 30 ॥
അടവ്യാമഗ്രജഃ പാതു ഗമനേ ഗരുഡാസനഃ ।
സ്ഥലേ പാതു മഹാതേജാഃ ജലേ പാത്വവനീപതിഃ ॥ 31 ॥
ഗൃഹേ പാതു ഗൃഹാധ്യക്ഷഃ പദ്മനാഭഃ പുരോഽവതു ।
ഝില്ലികാവരദഃ പാതു സ്വഗ്രാമേ കരുണാകരഃ ॥ 32 ॥
രണാഗ്രേ ദൈത്യഹാ പാതു വിഷമേ പാതു ചക്രഭൃത് ।
രോഗേഷു വൈദ്യരാജസ്തു കോലോ വ്യാധിഷു രക്ഷതു ॥ 33 ॥
താപത്രയാത് തപോമൂർതിഃ കർമപാശാച്ച വിശ്വകൃത് ।
ക്ലേശകാലേഷു സർവേഷു പാതു പദ്മാപതിർവിഭുഃ ॥ 34 ॥
ഹിരണ്യഗർഭസംസ്തുത്യഃ പാദൗ പാതു നിരന്തരം ।
ഗുൽഫൗ ഗുണാകരഃ പാതു ജംഘേ പാതു ജനാർദനഃ ॥ 35 ॥
ജാനൂ ച ജയകൃത് പാതു പാതൂരൂ പുരുഷോത്തമഃ ।
രക്താക്ഷോ ജഘനേ പാതു കടിം വിശ്വംഭരോഽവതു ॥ 36 ॥
പാർശ്വേ പാതു സുരാധ്യക്ഷഃ പാതു കുക്ഷിം പരാത്പരഃ ।
നാഭിം ബ്രഹ്മപിതാ പാതു ഹൃദയം ഹൃദയേശ്വരഃ ॥ 37 ॥
മഹാദംഷ്ട്രഃ സ്തനൗ പാതു കണ്ഠം പാതു വിമുക്തിദഃ ।
പ്രഭഞ്ജനപതിർബാഹൂ കരൗ കാമപിതാഽവതു ॥ 38 ॥
ഹസ്തൗ ഹംസപതിഃ പാതു പാതു സർവാംഗുലീർഹരിഃ ।
സർവാംഗശ്ചിബുകം പാതു പാത്വോഷ്ഠൗ കാലനേമിഹാ ॥ 39 ॥
മുഖം തു മധുഹാ പാതു ദന്താൻ ദാമോദരോഽവതു ।
നാസികാമവ്യയഃ പാതു നേത്രേ സൂര്യേന്ദുലോചനഃ ॥ 40 ॥
ഫാലം കർമഫലാധ്യക്ഷഃ പാതു കർണൗ മഹാരഥഃ ।
ശേഷശായീ ശിരഃ പാതു കേശാൻ പാതു നിരാമയഃ ॥ 41 ॥
സർവാംഗം പാതു സർവേശഃ സദാ പാതു സതീശ്വരഃ ।
ഇതീദം കവചം പുണ്യം വരാഹസ്യ മഹാത്മനഃ ॥ 42 ॥
യഃ പഠേത് ശൃണുയാദ്വാപി തസ്യ മൃത്യുർവിനശ്യതി ।
തം നമസ്യന്തി ഭൂതാനി ഭീതാഃ സാഞ്ജലിപാണയഃ ॥ 43 ॥
രാജദസ്യുഭയം നാസ്തി രാജ്യഭ്രംശോ ന ജായതേ ।
യന്നാമസ്മരണാദ്ഭീതാഃ ഭൂതവേതാലരാക്ഷസാഃ ॥ 44 ॥
മഹാരോഗാശ്ച നശ്യന്തി സത്യം സത്യം വദാമ്യഹം ।
കണ്ഠേ തു കവചം ബദ്ധ്വാ വന്ധ്യാ പുത്രവതീ ഭവേത് ॥ 45 ॥
ശത്രുസൈന്യക്ഷയപ്രാപ്തിഃ ദുഃഖപ്രശമനം തഥാ ।
ഉത്പാതദുർനിമിത്താദിസൂചിതാരിഷ്ടനാശനം ॥ 46 ॥
ബ്രഹ്മവിദ്യാപ്രബോധം ച ലഭതേ നാത്ര സംശയഃ ।
ധൃത്വേദം കവചം പുണ്യം മാന്ധാതാ പരവീരഹാ ॥ 47 ॥
ജിത്വാ തു ശാംബരീം മായാം ദൈത്യേന്ദ്രാനവധീത് ക്ഷണാത് ।
കവചേനാവൃതോ ഭൂത്വാ ദേവേന്ദ്രോഽപി സുരാരിഹാ ॥ 48 ॥
ഭൂമ്യോപദിഷ്ടകവചധാരണാന്നരകോഽപി ച ।
സർവാവധ്യോ ജയീ ഭൂത്വാ മഹതീം കീർതിമാപ്തവാൻ ॥ 49 ॥
അശ്വത്ഥമൂലേഽർകവാരേ നിത്യ പുഷ്കരിണീതടേ ।
വരാഹകവചം ജപ്ത്വാ ശതവാരം പഠേദ്യദി ॥ 50 ॥
അപൂർവരാജ്യസമ്പ്രാപ്തിം നഷ്ടസ്യ പുനരാഗമം ।
ലഭതേ നാത്ര സന്ദേഹഃ സത്യമേതന്മയോദിതം ॥ 51 ॥
ജപ്ത്വാ വരാഹമന്ത്രം തു ലക്ഷമേകം നിരന്തരം ।
ദശാംശം തർപണം ഹോമം പായസേന ഘൃതേന ച ॥ 52 ॥
കുർവൻ ത്രികാലസന്ധ്യാസു കവചേനാവൃതോ യദി ।
ഭൂമണ്ഡലാധിപത്യം ച ലഭതേ നാത്ര സംശയഃ ॥ 53 ॥
ഇദമുക്തം മയാ ദേവി ഗോപനീയം ദുരാത്മനാം ।
വരാഹകവചം പുണ്യം സംസാരാർണവതാരകം ॥ 54 ॥
മഹാപാതകകോടിഘ്നം ഭുക്തിമുക്തിഫലപ്രദം ।
വാച്യം പുത്രായ ശിഷ്യായ സദ്വൃതായ സുധീമതേ ॥ 55 ॥
ശ്രീസൂത ഉവാച ।
ഇതി പത്യുർവചഃ ശ്രുത്വാ ദേവീ സന്തുഷ്ടമാനസാ ।
വിനായകഗുഹൗ പുത്രൗ പ്രപേദേ ദ്വൗ സുരാർചിതൗ ॥ 56 ॥
കവചസ്യ പ്രഭാവേന ലോകമാതാ ച പാർവതീ ।
യ ഇദം ശൃണുയാന്നിത്യം യോ വാ പഠതി നിത്യശഃ ।
സ മുക്തഃ സർവപാപേഭ്യോ വിഷ്ണുലോകേ മഹീയതേ ॥ 57 ॥
ഇതി ശ്രീ വരാഹ കവചം ।
Recite with devotion and pure heart
Regular practice brings spiritual benefits