हैंహైHaindavamஹிહિં
📍
Font Size:
വാമന സ്തോത്രം – അദിതി കൃതം
അദിതിരുവാച ।
നമസ്തേ ദേവദേവേശ സർവവ്യാപിൻ ജനാർദന ।
സത്ത്വാദിഗുണഭേദേന ലോകവ്യാപാരകാരിണേ ॥ 1 ॥
നമസ്തേ ബഹുരൂപായ അരൂപായ നമോ നമഃ ।
സർവൈകാദ്ഭുതരൂപായ നിർഗുണായ ഗുണാത്മനേ ॥ 2 ॥
നമസ്തേ ലോകനാഥായ പരമജ്ഞാനരൂപിണേ ।
സദ്ഭക്തജനവാത്സല്യശീലിനേ മംഗലാത്മനേ ॥ 3 ॥
യസ്യാവതാരരൂപാണി ഹ്യർചയന്തി മുനീശ്വരാഃ ।
തമാദിപുരുഷം ദേവം നമാമീഷ്ടാർഥസിദ്ധയേ ॥ 4 ॥
യം ന ജാനന്തി ശ്രുതയോ യം ന ജായന്തി സൂരയഃ ।
തം നമാമി ജഗദ്ധേതും മായിനം തമമായിനം ॥ 5 ॥
യസ്യാവലോകനം ചിത്രം മായോപദ്രവവാരണം ।
ജഗദ്രൂപം ജഗത്പാലം തം വന്ദേ പദ്മജാധവം ॥ 6 ॥
യോ ദേവസ്ത്യക്തസംഗാനാം ശാന്താനാം കരുണാർണവഃ ।
കരോതി ഹ്യാത്മനാ സംഗം തം വന്ദേ സംഗവർജിതം ॥ 7 ॥
യത്പാദാബ്ജജലക്ലിന്നസേവാരഞ്ജിതമസ്തകാഃ ।
അവാപുഃ പരമാം സിദ്ധിം തം വന്ദേ സർവവന്ദിതം ॥ 8 ॥
യജ്ഞേശ്വരം യജ്ഞഭുജം യജ്ഞകർമസുനിഷ്ഠിതം ।
നമാമി യജ്ഞഫലദം യജ്ഞകർമപ്രഭോദകം ॥ 9 ॥
അജാമിലോഽപി പാപാത്മാ യന്നാമോച്ചാരണാദനു ।
പ്രാപ്തവാൻ പരമം ധാമ തം വന്ദേ ലോകസാക്ഷിണം ॥ 10 ॥
ബ്രഹ്മാദ്യാ അപി യേ ദേവാ യന്മായാപാശയന്ത്രിതാഃ ।
ന ജാനന്തി പരം ഭാവം തം വന്ദേ സർവനായകം ॥ 11 ॥
ഹൃത്പദ്മനിലയോഽജ്ഞാനാം ദൂരസ്ഥ ഇവ ഭാതി യഃ ।
പ്രമാണാതീതസദ്ഭാവം തം വന്ദേ ജ്ഞാനസാക്ഷിണം ॥ 12 ॥
യന്മുഖാദ്ബ്രാഹ്മണോ ജാതോ ബാഹുഭ്യാം ക്ഷത്രിയോഽജനി ।
തഥൈവ ഊരുതോ വൈശ്യഃ പദ്ഭ്യാം ശൂദ്രോ അജായത ॥ 13 ॥
മനസശ്ചന്ദ്രമാ ജാതോ ജാതഃ സൂര്യശ്ച ചക്ഷുഷഃ ।
മുഖാദിന്ദ്രശ്ചാഽഗ്നിശ്ച പ്രാണാദ്വായുരജായത ॥ 14 ॥
ത്വമിന്ദ്രഃ പവനഃ സോമസ്ത്വമീശാനസ്ത്വമന്തകഃ ।
ത്വമഗ്നിർനിരൃതിശ്ചൈവ വരുണസ്ത്വം ദിവാകരഃ ॥ 15 ॥
ദേവാശ്ച സ്ഥാവരാശ്ചൈവ പിശാചാശ്ചൈവ രാക്ഷസാഃ ।
ഗിരയഃ സിദ്ധഗന്ധർവാ നദ്യോ ഭൂമിശ്ച സാഗരാഃ ॥ 16 ॥
ത്വമേവ ജഗതാമീശോ യന്നാമാസ്തി പരാത്പരഃ ।
ത്വദ്രൂപമഖിലം തസ്മാത്പുത്രാന്മേ പാഹി ശ്രീഹരേ ॥ 17 ॥
ഇതി സ്തുത്വാ ദേവധാത്രീ ദേവം നത്വാ പുനഃ പുനഃ ।
ഉവാച പ്രാഞ്ജലിർഭൂത്വാ ഹർഷാശ്രുക്ഷാലിതസ്തനീ ॥ 18 ॥
അനുഗ്രാഹ്യാസ്മി ദേവേശ ഹരേ സർവാദികാരണ ।
അകണ്ടകശ്രിയം ദേഹി മത്സുതാനാം ദിവൗകസാം ॥ 19 ॥
അന്തര്യാമിൻ ജഗദ്രൂപ സർവഭൂത പരേശ്വര ।
തവാജ്ഞാതം കിമസ്തീഹ കിം മാം മോഹയസി പ്രഭോ ॥ 20 ॥
തഥാപി തവ വക്ഷ്യാമി യന്മേ മനസി വർതതേ ।
വൃഥാപുത്രാസ്മി ദേവേശ രക്ഷോഭിഃ പരിപീഡിതാ ॥ 21 ॥
ഏതന്ന ഹന്തുമിച്ഛാമി മത്സുതാ ദിതിജാ യതഃ ।
താനഹത്വാ ശ്രിയം ദേഹി മത്സുതാനാമുവാച സാ ॥ 22 ॥
ഇത്യുക്തോ ദേവദേവസ്തു പുനഃ പ്രീതിമുപാഗതഃ ।
ഉവാച ഹർഷയൻസാധ്വീം കൃപയാഽഭി പരിപ്ലുതഃ ॥ 23 ॥
ശ്രീ ഭഗവാനുവാച ।
പ്രീതോഽസ്മി ദേവി ഭദ്രം തേ ഭവിഷ്യാമി സുതസ്തവ ।
യതഃ സപത്നീതനയേഷ്വപി വാത്സല്യശാലിനീ ॥ 24 ॥
ത്വയാ ച മേ കൃതം സ്തോത്രം പഠന്തി ഭുവി മാനവാഃ ।
തേഷാം പുത്രോ ധനം സമ്പന്ന ഹീയന്തേ കദാചന ।
അന്തേ മത്പദമാപ്നോതി യദ്വിഷ്ണോഃ പരമം ശുഭം ॥ 25 ॥
ഇതി ശ്രീപദ്മപുരാണേ ശ്രീ വാമന സ്തോത്രം ।
Recite with devotion and pure heart
Regular practice brings spiritual benefits