हैंహైHaindavamஹிહિં
📍
Font Size:
ആദി വരാഹ സ്തോത്രം
ധരണ്യുവാച ।
നമസ്തേ ദേവദേവേശ വരാഹവദനാഽച്യുത ।
ക്ഷീരസാഗരസങ്കാശ വജ്രശൃംഗ മഹാഭുജ ॥ 1 ॥
ഉദ്ധൃതാസ്മി ത്വയാ ദേവ കല്പാദൗ സാഗരരാംഭസഃ ।
സഹസ്രബാഹുനാ വിഷ്ണോ ധാരയാമി ജഗന്ത്യഹം ॥ 2 ॥
അനേകദിവ്യാഭരണയജ്ഞസൂത്രവിരാജിത ।
അരുണാരുണാംബരധര ദിവ്യരത്നവിഭൂഷിത ॥ 3 ॥
ഉദ്യദ്ഭാനുപ്രതീകാശപാദപദ്മ നമോ നമഃ ।
ബാലചന്ദ്രാഭദംഷ്ട്രാഗ്ര മഹാബലപരാക്രമ ॥ 4 ॥
ദിവ്യചന്ദനലിപ്താംഗ തപ്തകാഞ്ചനകുണ്ഡല ।
ഇന്ദ്രനീലമണിദ്യോതിഹേമാംഗദവിഭൂഷിത ॥ 5 ॥
വജ്രദംഷ്ട്രാഗ്രനിർഭിന്ന ഹിരണ്യാക്ഷ മഹാബല ।
പുണ്ഡരീകാഭിതാമ്രാക്ഷ സാമസ്വനമനോഹര ॥ 6 ॥
ശ്രുതിസീമന്തഭൂഷാത്മൻ സർവാത്മൻ ചാരുവിക്രമ ।
ചതുരാനനശംഭുഭ്യാം വന്ദിതാഽഽയതലോചന ॥ 7 ॥
സർവവിദ്യാമയാകാര ശബ്ദാതീത നമോ നമഃ ।
ആനന്ദവിഗ്രഹാഽനന്ത കാലകാല നമോ നമഃ ॥ 8 ॥
ഇതി ശ്രീസ്കന്ദപുരാണേ വേങ്കടാചലമാഹാത്മ്യേ ഭൂദേവീ കൃത ശ്രീ ആദിവരാഹ സ്തോത്രം ॥
Recite with devotion and pure heart
Regular practice brings spiritual benefits