ಆದಿ ವರಾಹ ಸ್ತೋತ್ರಂ

ಧರಣ್ಯುವಾಚ ।

ನಮಸ್ತೇ ದೇವದೇವೇಶ ವರಾಹವದನಾಽಚ್ಯುತ ।

ಕ್ಷೀರಸಾಗರಸಂಕಾಶ ವಜ್ರಶೃಂಗ ಮಹಾಭುಜ ॥ 1 ॥

ಉದ್ಧೃತಾಸ್ಮಿ ತ್ವಯಾ ದೇವ ಕಲ್ಪಾದೌ ಸಾಗರರಾಂಭಸಃ ।

ಸಹಸ್ರಬಾಹುನಾ ವಿಷ್ಣೋ ಧಾರಯಾಮಿ ಜಗಂತ್ಯಹಂ ॥ 2 ॥

ಅನೇಕದಿವ್ಯಾಭರಣಯಜ್ಞಸೂತ್ರವಿರಾಜಿತ ।

ಅರುಣಾರುಣಾಂಬರಧರ ದಿವ್ಯರತ್ನವಿಭೂಷಿತ ॥ 3 ॥

ಉದ್ಯದ್ಭಾನುಪ್ರತೀಕಾಶಪಾದಪದ್ಮ ನಮೋ ನಮಃ ।

ಬಾಲಚಂದ್ರಾಭದಂಷ್ಟ್ರಾಗ್ರ ಮಹಾಬಲಪರಾಕ್ರಮ ॥ 4 ॥

ದಿವ್ಯಚಂದನಲಿಪ್ತಾಂಗ ತಪ್ತಕಾಂಚನಕುಂಡಲ ।

ಇಂದ್ರನೀಲಮಣಿದ್ಯೋತಿಹೇಮಾಂಗದವಿಭೂಷಿತ ॥ 5 ॥

ವಜ್ರದಂಷ್ಟ್ರಾಗ್ರನಿರ್ಭಿನ್ನ ಹಿರಣ್ಯಾಕ್ಷ ಮಹಾಬಲ ।

ಪುಂಡರೀಕಾಭಿತಾಮ್ರಾಕ್ಷ ಸಾಮಸ್ವನಮನೋಹರ ॥ 6 ॥

ಶ್ರುತಿಸೀಮಂತಭೂಷಾತ್ಮನ್ ಸರ್ವಾತ್ಮನ್ ಚಾರುವಿಕ್ರಮ ।

ಚತುರಾನನಶಂಭುಭ್ಯಾಂ ವಂದಿತಾಽಽಯತಲೋಚನ ॥ 7 ॥

ಸರ್ವವಿದ್ಯಾಮಯಾಕಾರ ಶಬ್ದಾತೀತ ನಮೋ ನಮಃ ।

ಆನಂದವಿಗ್ರಹಾಽನಂತ ಕಾಲಕಾಲ ನಮೋ ನಮಃ ॥ 8 ॥

ಇತಿ ಶ್ರೀಸ್ಕಂದಪುರಾಣೇ ವೇಂಕಟಾಚಲಮಾಹಾತ್ಮ್ಯೇ ಭೂದೇವೀ ಕೃತ ಶ್ರೀ ಆದಿವರಾಹ ಸ್ತೋತ್ರಂ ॥

Recite with devotion and pure heart

Regular practice brings spiritual benefits