അസ്യ ശ്രീഹരിഹരപുത്ര സഹസ്രനാമ സ്തോത്രമാലാമന്ത്രസ്യ അർധനാരീശ്വര ഋഷിഃ, അനുഷ്ടുപ്ഛന്ദഃ, ശ്രീഹരിഹരപുത്രോ ദേവതാ, ഹ്രാം ബീജം, ഹ്രീം ശക്തിഃ, ഹ്രൂം കീലകം, ശ്രീഹരിഹരപുത്ര പ്രസാദസിദ്ധ്യർഥേ ജപേ വിനിയോഗഃ ॥ ന്യാസഃ – ഹ്രാം അംഗുഷ്ഠാഭ്യാം നമഃ । ഹ്രീം തർജനീഭ്യാം നമഃ । ഹ്രൂം മധ്യമാഭ്യാം നമഃ । ഹ്രൈം അനാമികാഭ്യാം നമഃ । ഹ്രൗം കനിഷ്ഠികാഭ്യാം നമഃ । ഹ്രഃ കരതലകരപൃഷ്ഠാഭ്യാം നമഃ ॥ ഏവം ഹൃദയാദിന്യാസഃ ॥ ധ്യാനം – ധ്യായേദുമാപതിരമാപതിഭാഗ്യപുത്രം വേത്രോജ്ജ്വലത്കരതലം ഭസിതാഭിരാമം । വിശ്വൈകവശ്യവപുഷം മൃഗയാവിനോദം വാഞ്ഛാനുരൂപഫലദം വരഭൂതനാഥം ॥ 1 ॥ ആശ്യാമകോമലവിശാലതനും വിചിത്ര- -വാസോവസാനമരുണോത്പല വാമഹസ്തം । ഉത്തുംഗരത്നമകുടം കുടിലാഗ്രകേശം ശാസ്താരമിഷ്ടവരദം ശരണം പ്രപദ്യേ ॥ 2 ॥ സ്തോത്രം – ശിവപുത്രോ മഹാതേജാഃ ശിവകാര്യധുരന്ധരഃ । ശിവപ്രദഃ ശിവജ്ഞാനീ ശൈവധർമസുരക്ഷകഃ ॥ 1 ॥ ശംഖധാരീ സുരാധ്യക്ഷശ്ചന്ദ്രമൗലിഃ സുരോത്തമഃ । കാമേശഃ കാമതേജസ്വീ കാമാദിഫലസമ്യുതഃ ॥ 2 ॥ കല്യാണഃ കോമലാംഗശ്ച കല്യാണഫലദായകഃ । കരുണാബ്ധിഃ കർമദക്ഷഃ കരുണാരസസാഗരഃ ॥ 3 ॥ ജഗത്പ്രിയോ ജഗദ്രക്ഷോ ജഗദാനന്ദദായകഃ । ജയാദിശക്തിസംസേവ്യോ ജനാഹ്ലാദോ ജിഗീഷുകഃ ॥ 4 ॥ ജിതേന്ദ്രിയോ ജിതക്രോധോ ജിതദേവാരിസംഘകഃ । ജൈമിന്യാദൃഷിസംസേവ്യോ ജരാമരണനാശകഃ ॥ 5 ॥ ജനാർദനസുതോ ജ്യേഷ്ഠോ ജ്യേഷ്ഠാദിഗണസേവിതഃ । ജന്മഹീനോ ജിതാമിത്രോ ജനകേനാഭിപൂജിതഃ ॥ 6 ॥ പരമേഷ്ഠീ പശുപതിഃ പങ്കജാസനപൂജിതഃ । പുരഹന്താ പുരത്രാതാ പരമൈശ്വര്യദായകഃ ॥ 7 ॥ പവനാദിസുരൈഃ സേവ്യഃ പഞ്ചബ്രഹ്മപരായണഃ । പാർവതീതനയോ ബ്രഹ്മ പരാനന്ദഃ പരാത്പരഃ ॥ 8 ॥ ബ്രഹ്മിഷ്ഠോ ജ്ഞാനനിരതോ ഗുണാഗുണനിരൂപകഃ । ഗുണാധ്യക്ഷോ ഗുണനിധിഃ ഗോപാലേനാഭിപുജിതഃ ॥ 9 ॥ ഗോരക്ഷകോ ഗോധനദോ ഗജാരൂഢോ ഗജപ്രിയഃ । ഗജഗ്രീവോ ഗജസ്കന്ധോ ഗഭസ്തിർഗോപതിഃ പ്രഭുഃ ॥ 10 ॥ ഗ്രാമപാലോ ഗജാധ്യക്ഷോ ദിഗ്ഗജേനാഭിപൂജിതഃ । ഗണാധ്യക്ഷോ ഗണപതിർഗവാം പതിരഹർപതിഃ ॥ 11 ॥ ജടാധരോ ജലനിഭോ ജൈമിന്യൈരഭിപൂജിതഃ । ജലന്ധരനിഹന്താ ച ശോണാക്ഷഃ ശോണവാസകഃ ॥ 12 ॥ സുരാധിപഃ ശോകഹന്താ ശോഭാക്ഷഃ സൂര്യതേജസഃ । സുരാർചിതഃ സുരൈർവന്ദ്യഃ ശോണാംഗഃ ശാല്മലീപതിഃ ॥ 13 ॥ സുജ്യോതിഃ ശരവീരഘ്നഃ ശരച്ചന്ദ്രനിഭാനനഃ । സനകാദിമുനിധ്യേയഃ സർവജ്ഞാനപ്രദോ വിഭുഃ ॥ 14 ॥ ഹലായുധോ ഹംസനിഭോ ഹാഹാഹൂഹൂമുഖസ്തുതഃ । ഹരിർഹരപ്രിയോ ഹംസോ ഹര്യക്ഷാസനതത്പരഃ ॥ 15 ॥ പാവനഃ പാവകനിഭോ ഭക്തപാപവിനാശനഃ । ഭസിതാംഗോ ഭയത്രാതാ ഭാനുമാൻ ഭയനാശനഃ ॥ 16 ॥ ത്രിപുണ്ഡ്രകസ്ത്രിനയനസ്ത്രിപുണ്ഡ്രാങ്കിതമസ്തകഃ । ത്രിപുരഘ്നോ ദേവവരോ ദേവാരികുലനാശകഃ ॥ 17 ॥ ദേവസേനാധിപസ്തേജസ്തേജോരാശിർദശാനനഃ । ദാരുണോ ദോഷഹന്താ ച ദോർദണ്ഡോ ദണ്ഡനായകഃ ॥ 18 ॥ ധനുഷ്പാണിർധരാധ്യക്ഷോ ധനികോ ധർമവത്സലഃ । ധർമജ്ഞോ ധർമനിരതോ ധനുഃ ശാസ്ത്രപരായണഃ ॥ 19 ॥ സ്ഥൂലകർണഃ സ്ഥൂലതനുഃ സ്ഥൂലാക്ഷഃ സ്ഥൂലബാഹുകഃ । തനൂത്തമസ്തനുത്രാണസ്താരകസ്തേജസാം പതിഃ ॥ 20 ॥ യോഗീശ്വരോ യോഗനിധിര്യോഗീശോ യോഗസംസ്ഥിതഃ । മന്ദാരവാടികാമത്തോ മലയാചലവാസഭൂഃ ॥ 21 ॥ മന്ദാരകുസുമപ്രഖ്യോ മന്ദമാരുതസേവിതഃ । മഹാഭാസോ മഹാവക്ഷാ മനോഹരമദാർചിതഃ ॥ 22 ॥ മഹോന്നതോ മഹാകായോ മഹാനേത്രോ മഹാഹനുഃ । മരുത്പൂജ്യോ മാനധനോ മോഹനോ മോക്ഷദായകഃ ॥ 23 ॥ മിത്രോ മേധാ മഹൗജസ്വീ മഹാവർഷപ്രദായകഃ । ഭാഷകോ ഭാഷ്യശാസ്ത്രജ്ഞോ ഭാനുമാൻ ഭാനുതേജസഃ ॥ 24 ॥ ഭിഷഗ്ഭവാനിപുത്രശ്ച ഭവതാരണകാരണഃ । നീലാംബരോ നീലനിഭോ നീലഗ്രീവോ നിരഞ്ജനഃ ॥ 25 ॥ നേത്രത്രയോ നിഷാദജ്ഞോ നാനാരത്നോപശോഭിതഃ । രത്നപ്രഭോ രമാപുത്രോ രമയാ പരിതോഷിതഃ ॥ 26 ॥ രാജസേവ്യോ രാജധനഃ രണദോർദണ്ഡമണ്ഡിതഃ । രമണോ രേണുകാസേവ്യോ രജനീചരദാരണഃ ॥ 27 ॥ ഈശാന ഇഭരാട്സേവ്യ ഈഷണാത്രയനാശനഃ । ഇഡാവാസോ ഹേമനിഭോ ഹൈമപ്രാകാരശോഭിതഃ ॥ 28 ॥ ഹയപ്രിയോ ഹയഗ്രീവോ ഹംസോ ഹരിഹരാത്മജഃ । ഹാടകസ്ഫടികപ്രഖ്യോ ഹംസാരൂഢേന സേവിതഃ ॥ 29 ॥ വനവാസോ വനാധ്യക്ഷോ വാമദേവോ വരാനനഃ । വൈവസ്വതപതിർവിഷ്ണുഃ വിരാഡ്രൂപോ വിശാം പതിഃ ॥ 30 ॥ വേണുനാദോ വരഗ്രീവോ വരാഭയകരാന്വിതഃ । വർചസ്വീ വിപുലഗ്രീവോ വിപുലാക്ഷോ വിനോദവാൻ ॥ 31 ॥ വൈണവാരണ്യവാസശ്ച വാമദേവേനസേവിതഃ । വേത്രഹസ്തോ വേദനിധിർവംശദേവോ വരാംഗകഃ ॥ 32 ॥ ഹ്രീങ്കാരോ ഹ്രീംമനാ ഹൃഷ്ടോ ഹിരണ്യോ ഹേമസംഭവഃ । ഹുതാശോ ഹുതനിഷ്പന്നോ ഹുങ്കാരാകൃതി സുപ്രഭഃ ॥ 33 ॥ ഹവ്യവാഹോ ഹവ്യകരശ്ചാട്ടഹാസോഽപരാഹതഃ । അണുരൂപോ രൂപകരശ്ചാജരോഽതനുരൂപകഃ ॥ 34 ॥ ഹംസമന്ത്രശ്ച ഹുതഭുക് ഹേമാംബരഃ സുലക്ഷണഃ । നീപപ്രിയോ നീലവാസാഃ നിധിപാലോ നിരാതപഃ ॥ 35 ॥ ക്രോഡഹസ്തസ്തപസ്ത്രാതാ തപോരക്ഷസ്തപാഹ്വയഃ । മൂർധാഭിഷിക്തോ മാനീ ച മന്ത്രരൂപോ മൃഡോ മനുഃ ॥ 36 ॥ മേധാവീ മേധസോ മുഷ്ണുഃ മകരോ മകരാലയഃ । മാർതാണ്ഡോ മഞ്ജുകേശശ്ച മാസപാലോ മഹൗഷധിഃ ॥ 37 ॥ ശ്രോത്രിയഃ ശോഭമാനശ്ച സവിതാ സർവദേശികഃ । ചന്ദ്രഹാസഃ ശമഃ ശക്തഃ ശശിഭാസഃ ശമാധികഃ ॥ 38 ॥ സുദന്തഃ സുകപോലശ്ച ഷഡ്വർണഃ സമ്പദോഽധിപഃ । ഗരലഃ കാലകണ്ഠശ്ച ഗോനേതാ ഗോമുഖപ്രഭുഃ ॥ 39 ॥ കൗശികഃ കാലദേവശ്ച ക്രോശകഃ ക്രൗഞ്ചഭേദകഃ । ക്രിയാകരഃ കൃപാലുശ്ച കരവീരകരേരുഹഃ ॥ 40 ॥ കന്ദർപദർപഹാരീ ച കാമദാതാ കപാലകഃ । കൈലാസവാസോ വരദോ വിരോചനോ വിഭാവസുഃ ॥ 41 ॥ ബഭ്രുവാഹോ ബലാധ്യക്ഷഃ ഫണാമണിവിഭൂഷണഃ । സുന്ദരഃ സുമുഖഃ സ്വച്ഛഃ സഭാസശ്ച സഭാകരഃ ॥ 42 ॥ ശരാനിവൃത്തഃ ശക്രാപ്തഃ ശരണാഗതപാലകഃ । തീക്ഷ്ണദംഷ്ട്രോ ദീർഘജിഹ്വഃ പിംഗലാക്ഷഃ പിശാചഹാ ॥ 43 ॥ അഭേദ്യശ്ചാംഗദാർഢ്യശ്ച ഭോജപാലോഽഥ ഭൂപതിഃ । ഗൃധ്രനാസോഽവിഷഹ്യശ്ച ദിഗ്ദേഹോ ദൈന്യദാഹകഃ ॥ 44 ॥ ബഡബാപൂരിതമുഖോ വ്യാപകോ വിഷമോചകഃ । ഹസന്തഃ സമരക്രുദ്ധഃ പുംഗവഃ പങ്കജാസനഃ ॥ 45 ॥ വിശ്വദർപോ നിശ്ചിതാജ്ഞോ നാഗാഭരണഭൂഷിതഃ । ഭരതോ ഭൈരവാകാരോ ഭരണോ വാമനക്രിയഃ ॥ 46 ॥ സിംഹാസ്യഃ സിംഹരൂപശ്ച സേനാപതിഃ സകാരകഃ । സനാതനഃ സിദ്ധരൂപീ സിദ്ധധർമപരായണഃ ॥ 47 ॥ ആദിത്യരൂപശ്ചാപദ്ഘ്നശ്ചാമൃതാബ്ധിനിവാസഭൂഃ । യുവരാജോ യോഗിവര്യ ഉഷസ്തേജാ ഉഡുപ്രഭഃ ॥ 48 ॥ ദേവാദിദേവോ ദൈവജ്ഞസ്താമ്രോഷ്ഠസ്താമ്രലോചനഃ । പിംഗലാക്ഷഃ പിഞ്ഛചൂഡഃ ഫണാമണിവിഭൂഷിതഃ ॥ 49 ॥ ഭുജംഗഭൂഷണോ ഭോഗോ ഭോഗാനന്ദകരോഽവ്യയഃ । പഞ്ചഹസ്തേന സമ്പൂജ്യഃ പഞ്ചബാണേന സേവിതഃ ॥ 50 ॥ ഭവഃ ശർവോ ഭാനുമയഃ പ്രാജാപത്യസ്വരൂപകഃ । സ്വച്ഛന്ദശ്ഛന്ദഃശാസ്ത്രജ്ഞോ ദാന്തോ ദേവമനുപ്രഭുഃ ॥ 51 ॥ ദശഭുക്ച ദശാധ്യക്ഷോ ദാനവാനാം വിനാശനഃ । സഹസ്രാക്ഷഃ ശരോത്പന്നഃ ശതാനന്ദസമാഗമഃ ॥ 52 ॥ ഗൃധ്രാദ്രിവാസോ ഗംഭീരോ ഗന്ധഗ്രാഹോ ഗണേശ്വരഃ । ഗോമേധോ ഗണ്ഡകാവാസോ ഗോകുലൈഃ പരിവാരിതഃ ॥ 53 ॥ പരിവേഷഃ പദജ്ഞാനീ പ്രിയംഗുദ്രുമവാസകഃ । ഗുഹാവാസോ ഗുരുവരോ വന്ദനീയോ വദാന്യകഃ ॥ 54 ॥ വൃത്താകാരോ വേണുപാണിർവീണാദണ്ഡധരോ ഹരഃ । ഹൈമീഡ്യോ ഹോതൃസുഭഗോ ഹൗത്രജ്ഞശ്ചൗജസാം പതിഃ ॥ 55 ॥ പവമാനഃ പ്രജാതന്തുപ്രദോ ദണ്ഡവിനാശനഃ । നിമീഡ്യോ നിമിഷാർധജ്ഞോ നിമിഷാകാരകാരണഃ ॥ 56 ॥ ലിഗുഡാഭോ ലിഡാകാരോ ലക്ഷ്മീവന്ദ്യോ വരപ്രഭുഃ । ഇഡാജ്ഞഃ പിംഗലാവാസഃ സുഷുമ്നാമധ്യസംഭവഃ ॥ 57 ॥ ഭിക്ഷാടനോ ഭീമവർചാ വരകീർതിഃ സഭേശ്വരഃ । വാചാതീതോ വരനിധിഃ പരിവേത്താ പ്രമാണകഃ ॥ 58 ॥ അപ്രമേയോഽനിരുദ്ധശ്ചാപ്യനന്താദിത്യസുപ്രഭഃ । വേഷപ്രിയോ വിഷഗ്രാഹോ വരദാനകരോത്തമഃ ॥ 59 ॥ വിപിനോ വേദസാരശ്ച വേദാന്തൈഃ പരിതോഷിതഃ । വക്രാഗമോ വർചവചാ ബലദാതാ വിമാനവാൻ ॥ 60 ॥ വജ്രകാന്തോ വംശകരോ വടുരക്ഷാവിശാരദഃ । വപ്രക്രീഡോ വിപ്രപൂജ്യോ വേലാരാശിശ്ചലാലകഃ ॥ 61 ॥ കോലാഹലഃ ക്രോഡനേത്രഃ ക്രോഡാസ്യശ്ച കപാലഭൃത് । കുഞ്ജരേഡ്യോ മഞ്ജുവാസാഃ ക്രിയമാണഃ ക്രിയാപ്രദഃ ॥ 62 ॥ ക്രീഡാനാഥഃ കീലഹസ്തഃ ക്രോശമാനോ ബലാധികഃ । കനകോ ഹോതൃഭാഗീ ച ഖവാസഃ ഖചരഃ ഖഗഃ ॥ 63 ॥ ഗണകോ ഗുണനിർദുഷ്ടോ ഗുണത്യാഗീ കുശാധിപഃ । പാടലഃ പത്രധാരീ ച പലാശഃ പുത്രവർധനഃ ॥ 64 ॥ പിതൃസച്ചരിതഃ പ്രേഷ്ഠഃ പാപഭസ്മാ പുനഃ ശുചിഃ । ഫാലനേത്രഃ ഫുല്ലകേശഃ ഫുല്ലകൽഹാരഭൂഷിതഃ ॥ 65 ॥ ഫണിസേവ്യഃ പട്ടഭദ്രഃ പടുർവാഗ്മീ വയോഽധികഃ । ചോരനാട്യശ്ചോരവേഷശ്ചോരഘ്നശ്ചൗര്യവർധനഃ ॥ 66 ॥ ചഞ്ചലാക്ഷശ്ചാമരകോ മരീചിർമദഗാമികഃ । മൃഡാഭോ മേഷവാഹശ്ച മൈഥില്യോ മോചകോ മനുഃ ॥ 67 ॥ മനുരൂപോ മന്ത്രദേവോ മന്ത്രരാശിർമഹാദൃഢഃ । സ്ഥൂപിജ്ഞോ ധനദാതാ ച ദേവവന്ദ്യശ്ച താരണഃ ॥ 68 ॥ യജ്ഞപ്രിയോ യമാധ്യക്ഷ ഇഭക്രീഡ ഇഭേക്ഷണഃ । ദധിപ്രിയോ ദുരാധർഷോ ദാരുപാലോ ദനൂജഹാ ॥ 69 ॥ ദാമോദരോ ദാമധരോ ദക്ഷിണാമൂർതിരൂപകഃ । ശചീപൂജ്യഃ ശംഖകർണശ്ചന്ദ്രചൂഡോ മനുപ്രിയഃ ॥ 70 ॥ ഗുഡരൂപോ ഗുഡാകേശഃ കുലധർമപരായണഃ । കാലകണ്ഠോ ഗാഢഗാത്രോ ഗോത്രരൂപഃ കുലേശ്വരഃ ॥ 71 ॥ ആനന്ദഭൈരവാരാധ്യോ ഹയമേധഫലപ്രദഃ । ദധ്യന്നാസക്തഹൃദയോ ഗുഡാന്നപ്രീതമാനസഃ ॥ 72 ॥ ഘൃതാന്നാസക്തഹൃദയോ ഗൗരാംഗോ ഗർവഭഞ്ജകഃ । ഗണേശപൂജ്യോ ഗഗനഃ ഗണാനാം പതിരൂർജിതഃ ॥ 73 ॥ ഛദ്മഹീനഃ ശശിരദഃ ശത്രൂണാം പതിരംഗിരാഃ । ചരാചരമയഃ ശാന്തഃ ശരഭേശഃ ശതാതപഃ ॥ 74 ॥ വീരാരാധ്യോ വക്രഗമോ വേദാംഗോ വേദപാരഗഃ । പർവതാരോഹണഃ പൂഷാ പരമേശഃ പ്രജാപതിഃ ॥ 75 ॥ ഭാവജ്ഞോ ഭവരോഗഘ്നോ ഭവസാഗരതാരണഃ । ചിദഗ്നിദേഹശ്ചിദ്രൂപശ്ചിദാനന്ദശ്ചിദാകൃതിഃ ॥ 76 ॥ നാട്യപ്രിയോ നരപതിർനരനാരായണാർചിതഃ । നിഷാദരാജോ നീഹാരോ നേഷ്ടാ നിഷ്ഠുരഭാഷണഃ ॥ 77 ॥ നിമ്നപ്രിയോ നീലനേത്രോ നീലാംഗോ നീലകേശകഃ । സിംഹാക്ഷഃ സർവവിഘ്നേശഃ സാമവേദപരായണഃ ॥ 78 ॥ സനകാദിമുനിധ്യേയഃ ശർവരീശഃ ഷഡാനനഃ । സുരൂപഃ സുലഭഃ സ്വർഗഃ ശചീനാഥേന പൂജിതഃ ॥ 79 ॥ കാകിനഃ കാമദഹനോ ദഗ്ധപാപോ ധരാധിപഃ । ദാമഗ്രന്ഥീ ശതസ്ത്രീശസ്തന്ത്രീപാലശ്ച താരകഃ ॥ 80 ॥ താമ്രാക്ഷസ്തീക്ഷ്ണദംഷ്ട്രശ്ച തിലഭോജ്യസ്തിലോദരഃ । മാണ്ഡുകർണോ മൃഡാധീശോ മേരുവർണോ മഹോദരഃ ॥ 81 ॥ മാർതാണ്ഡഭൈരവാരാധ്യോ മണിരൂപോ മരുദ്വഹഃ । മാഷപ്രിയോ മധുപാനോ മൃണാലോ മോഹിനീപതിഃ ॥ 82 ॥ മഹാകാമേശതനയോ മാധവോ മദഗർവിതഃ । മൂലാധാരാംബുജാവാസോ മൂലവിദ്യാസ്വരൂപകഃ ॥ 83 ॥ സ്വാധിഷ്ഠാനമയഃ സ്വസ്ഥഃ സ്വസ്തിവാക്യഃ സ്രുവായുധഃ । മണിപൂരാബ്ജനിലയോ മഹാഭൈരവപൂജിതഃ ॥ 84 ॥ അനാഹതാബ്ജരസികോ ഹ്രീങ്കാരരസപേശലഃ । ഭ്രൂമധ്യവാസോ ഭ്രൂകാന്തോ ഭരദ്വാജപ്രപൂജിതഃ ॥ 85 ॥ സഹസ്രാരാംബുജാവാസഃ സവിതാ സാമവാചകഃ । മുകുന്ദശ്ച ഗുണാതീതോ ഗുണപൂജ്യോ ഗുണാശ്രയഃ ॥ 86 ॥ ധന്യശ്ച ധനഭൃദ്ദാഹോ ധനദാനകരാംബുജഃ । മഹാശയോ മഹാതീതോ മായാഹീനോ മദാർചിതഃ ॥ 87 ॥ മാഠരോ മോക്ഷഫലദഃ സദ്വൈരികുലനാശനഃ । പിംഗലഃ പിഞ്ഛചൂഡശ്ച പിശിതാശപവിത്രകഃ ॥ 88 ॥ പായസാന്നപ്രിയഃ പർവപക്ഷമാസവിഭാജകഃ । വജ്രഭൂഷോ വജ്രകായോ വിരിഞ്ചോ വരവക്ഷണഃ ॥ 89 ॥ വിജ്ഞാനകലികാബൃന്ദോ വിശ്വരൂപപ്രദർശകഃ । ഡംഭഘ്നോ ദമഘോഷഘ്നോ ദാസപാലസ്തപൗജസഃ ॥ 90 ॥ ദ്രോണകുംഭാഭിഷിക്തശ്ച ദ്രോഹിനാശസ്തപാതുരഃ । മഹാവീരേന്ദ്രവരദോ മഹാസംസാരനാശനഃ ॥ 91 ॥ ലാകിനീഹാകിനീലബ്ധോ ലവണാംഭോധിതാരണഃ । കാകിലഃ കാലപാശഘ്നഃ കർമബന്ധവിമോചകഃ ॥ 92 ॥ മോചകോ മോഹനിർഭിന്നോ ഭഗാരാധ്യോ ബൃഹത്തനുഃ । അക്ഷയോഽക്രൂരവരദോ വക്രാഗമവിനാശനഃ ॥ 93 ॥ ഡാകിനഃ സൂര്യതേജസ്വീ സർപഭൂഷശ്ച സദ്ഗുരുഃ । സ്വതന്ത്രഃ സർവതന്ത്രേശോ ദക്ഷിണാദിഗധീശ്വരഃ ॥ 94 ॥ സച്ചിദാനന്ദകലികഃ പ്രേമരൂപഃ പ്രിയങ്കരഃ । മിഥ്യാജഗദധിഷ്ഠാനോ മുക്തിദോ മുക്തിരൂപകഃ ॥ 95 ॥ മുമുക്ഷുഃ കർമഫലദോ മാർഗദക്ഷോഽഥ കർമഠഃ । മഹാബുദ്ധോ മഹാശുദ്ധഃ ശുകവർണഃ ശുകപ്രിയഃ ॥ 96 ॥ സോമപ്രിയഃ സ്വരപ്രീതഃ പർവാരാധനതത്പരഃ । അജപോ ജനഹംസശ്ച ഹലപാണിപ്രപൂജിതഃ ॥ 97 ॥ അർചിതോ വർധനോ വാഗ്മീ വീരവേഷോ വിധുപ്രിയഃ । ലാസ്യപ്രിയോ ലയകരോ ലാഭാലാഭവിവർജിതഃ ॥ 98 ॥ പഞ്ചാനനഃ പഞ്ചഗൂഢഃ പഞ്ചയജ്ഞഫലപ്രദഃ । പാശഹസ്തഃ പാവകേശഃ പർജന്യസമഗർജനഃ ॥ 99 ॥ പാപാരിഃ പരമോദാരഃ പ്രജേശഃ പങ്കനാശനഃ । നഷ്ടകർമാ നഷ്ടവൈര ഇഷ്ടസിദ്ധിപ്രദായകഃ ॥ 100 ॥ നാഗാധീശോ നഷ്ടപാപ ഇഷ്ടനാമവിധായകഃ । സാമരസ്യശ്ചാപ്രമേയഃ പാഷണ്ഡീ പർവതപ്രിയഃ ॥ 101 ॥ പഞ്ചകൃത്യപരഃ പാതാ പഞ്ചപഞ്ചാതിശായികഃ । പദ്മാക്ഷഃ പദ്മവദനഃ പാവകാഭഃ പ്രിയങ്കരഃ ॥ 102 ॥ കാർതസ്വരാംഗോ ഗൗരാംഗോ ഗൗരീപുത്രോ ധനേശ്വരഃ । ഗണേശാശ്ലിഷ്ടദേഹശ്ച ശീതാംശുഃ ശുഭദീധിതിഃ ॥ 103 ॥ ദക്ഷധ്വംസോ ദക്ഷകരോ വരഃ കാത്യായനീസുതഃ । സുമുഖോ മാർഗണോ ഗർഭോ ഗർവഭംഗഃ കുശാസനഃ ॥ 104 ॥ കുലപാലപതിഃ ശ്രേഷ്ഠോ പവമാനഃ പ്രജാധിപഃ । ദർശപ്രിയോ നിർവികാരോ ദീർഘകായോ ദിവാകരഃ ॥ 105 ॥ ഭേരീനാദപ്രിയോ ബൃന്ദോ ബൃഹത്സേനഃ സുപാലകഃ । സുബ്രഹ്മാ ബ്രഹ്മരസികോ രസജ്ഞോ രജതാദ്രിഭാഃ ॥ 106 ॥ തിമിരഘ്നോ മിഹിരാഭോ മഹാനീലസമപ്രഭഃ । ശ്രീചന്ദനവിലിപ്താംഗഃ ശ്രീപുത്രഃ ശ്രീതരുപ്രിയഃ ॥ 107 ॥ ലാക്ഷാവർണോ ലസത്കർണോ രജനീധ്വംസിസന്നിഭഃ । ബിന്ദുപ്രിയോഽമ്ബികാപുത്രോ ബൈന്ദവോ ബലനായകഃ ॥ 108 ॥ ആപന്നതാരകസ്തപ്തസ്തപ്തകൃച്ഛ്രഫലപ്രദഃ । മരുദ്വൃധോ മഹാഖർവശ്ചീരവാസാഃ ശിഖിപ്രിയഃ ॥ 109 ॥ ആയുഷ്മാനനഘോ ദൂത ആയുർവേദപരായണഃ । ഹംസഃ പരമഹംസശ്ചാപ്യവധൂതാശ്രമപ്രിയഃ ॥ 110 ॥ ആശുവേഗോഽശ്വഹൃദയോ ഹയധൈര്യഫലപ്രദഃ । സുമുഖോ ദുർമുഖോഽവിഘ്നോ നിർവിഘ്നോ വിഘ്നനാശനഃ ॥ 111 ॥ ആര്യോ നാഥോഽര്യമാഭാസഃ ഫൽഗുണഃ ഫാലലോചനഃ । അരാതിഘ്നോ ഘനഗ്രീവോ ഗ്രീഷ്മസൂര്യസമപ്രഭഃ ॥ 112 ॥ കിരീടീ കല്പശാസ്ത്രജ്ഞഃ കല്പാനലവിധായകഃ । ജ്ഞാനവിജ്ഞാനഫലദോ വിരിഞ്ചാരിവിനാശനഃ ॥ 113 ॥ വീരമാർതാണ്ഡവരദോ വീരബാഹുശ്ച പൂർവജഃ । വീരസിംഹാസനോ വിജ്ഞോ വീരകാര്യോഽസ്തദാനവഃ ॥ 114 ॥ നരവീരസുഹൃദ്ഭ്രാതാ നാഗരത്നവിഭൂഷിതഃ । വാചസ്പതിഃ പുരാരാതിഃ സംവർതഃ സമരേശ്വരഃ ॥ 115 ॥ ഉരുവാഗ്മീ ഹ്യുമാപുത്ര ഉഡുലോകസുരക്ഷകഃ । ശൃംഗാരരസസമ്പൂർണഃ സിന്ദൂരതിലകാങ്കിതഃ ॥ 116 ॥ കുങ്കുമാങ്കിതസർവാംഗഃ കാലകേയവിനാശനഃ । മത്തനാഗപ്രിയോ നേതാ നാഗഗന്ധർവപൂജിതഃ ॥ 117 ॥ സുസ്വപ്നബോധകോ ബോധോ ഗൗരീദുഃസ്വപ്നനാശനഃ । ചിന്താരാശിപരിധ്വംസീ ചിന്താമണിവിഭൂഷിതഃ ॥ 118 ॥ ചരാചരജഗത്സ്രഷ്ടാ ചലത്കുണ്ഡലകർണയുക് । മുകുരാസ്യോ മൂലനിധിർനിധിദ്വയനിഷേവിതഃ ॥ 119 ॥ നീരാജനപ്രീതമനാഃ നീലനേത്രോ നയപ്രദഃ । കേദാരേശഃ കിരാതശ്ച കാലാത്മാ കല്പവിഗ്രഹഃ ॥ 120 ॥ കല്പാന്തഭൈരവാരാധ്യഃ കാകപത്രശരായുധഃ । കലാകാഷ്ഠാസ്വരൂപശ്ച ഋതുവർഷാദിമാസവാൻ ॥ 121 ॥ ദിനേശമണ്ഡലാവാസോ വാസവാദിപ്രപൂജിതഃ । ബഹുലസ്തംബകർമജ്ഞഃ പഞ്ചാശദ്വർണരൂപകഃ ॥ 122 ॥ ചിന്താഹീനശ്ചിദാക്രാന്തഃ ചാരുപാലോ ഹലായുധഃ । ബന്ധൂകകുസുമപ്രഖ്യഃ പരഗർവവിഭഞ്ജനഃ ॥ 123 ॥ വിദ്വത്തമോ വിരാധഘ്നഃ സചിത്രശ്ചിത്രകർമകഃ । സംഗീതലോലുപമനാഃ സ്നിഗ്ധഗംഭീരഗർജിതഃ ॥ 124 ॥ തുംഗവക്ത്രഃ സ്തവരസശ്ചാഭ്രാഭോ ഭ്രമരേക്ഷണഃ । ലീലാകമലഹസ്താബ്ജോ ബാലകുന്ദവിഭൂഷിതഃ ॥ 125 ॥ ലോധ്രപ്രസവശുദ്ധാഭഃ ശിരീഷകുസുമപ്രിയഃ । ത്രാസത്രാണകരസ്തത്ത്വം തത്ത്വവാക്യാർഥബോധകഃ ॥ 126 ॥ വർഷീയാംശ്ച വിധിസ്തുത്യോ വേദാന്തപ്രതിപാദകഃ । മൂലഭൂതോ മൂലതത്ത്വം മൂലകാരണവിഗ്രഹഃ ॥ 127 ॥ ആദിനാഥോഽക്ഷയഫലപാണിർജന്മാഽപരാജിതഃ । ഗാനപ്രിയോ ഗാനലോലോ മഹേശോ വിജ്ഞമാനസഃ ॥ 128 ॥ ഗിരിജാസ്തന്യരസികോ ഗിരിരാജവരസ്തുതഃ । പീയൂഷകുംഭഹസ്താബ്ജഃ പാശത്യാഗീ ചിരന്തനഃ ॥ 129 ॥ സുധാലാലസവക്ത്രാബ്ജഃ സുരദ്രുമഫലേപ്സിതഃ । രത്നഹാടകഭൂഷാംഗോ രാവണാദിപ്രപൂജിതഃ ॥ 130 ॥ കനത്കാലേശസുപ്രീതഃ ക്രൗഞ്ചഗർവവിനാശനഃ । അശേഷജനസമ്മോഹ ആയുർവിദ്യാഫലപ്രദഃ ॥ 131 ॥ അവബദ്ധദുകൂലാംഗോ ഹാരാലങ്കൃതകന്ധരഃ । കേതകീകുസുമപ്രീതഃ കലഭൈഃ പരിവാരിതഃ ॥ 132 ॥ കേകാപ്രിയഃ കാർതികേയഃ സാരംഗനിനദപ്രിയഃ । ചാതകാലാപസന്തുഷ്ടശ്ചമരീമൃഗസേവിതഃ ॥ 133 ॥ ആമ്രകൂടാദ്രിസഞ്ചാരീ ചാമ്നായഫലദായകഃ । ധൃതാക്ഷസൂത്രപാണിശ്ചാപ്യക്ഷിരോഗവിനാശനഃ ॥ 134 ॥ മുകുന്ദപൂജ്യോ മോഹാംഗോ മുനിമാനസതോഷിതഃ । തൈലാഭിഷിക്തസുശിരാസ്തർജനീമുദ്രികായുതഃ ॥ 135 ॥ തടാതകാമനഃ പ്രീതസ്തമോഗുണവിനാശനഃ । അനാമയോഽപ്യനാദർശശ്ചാർജുനാഭോ ഹുതപ്രിയഃ ॥ 136 ॥ ഷാഡ്ഗുണ്യപരിസമ്പൂർണഃ സപ്താശ്വാദിഗ്രഹൈഃ സ്തുതഃ । വീതശോകഃ പ്രസാദജ്ഞഃ സപ്തപ്രാണവരപ്രദഃ ॥ 137 ॥ സപ്താർചിശ്ച ത്രിനയനസ്ത്രിവേണീഫലദായകഃ । കൃഷ്ണവർത്മാ വേദമുഖോ ദാരുമണ്ഡലമധ്യഗഃ ॥ 138 ॥ വീരനൂപുരപാദാബ്ജോ വീരകങ്കണപാണിമാൻ । വിശ്വമൂർതിഃ ശുദ്ധമുഖഃ ശുദ്ധഭസ്മാനുലേപനഃ ॥ 139 ॥ ശുംഭധ്വംസിനീസമ്പൂജ്യോ രക്തബീജകുലാന്തകഃ । നിഷാദാദിസ്വരപ്രീതഃ നമസ്കാരഫലപ്രദഃ ॥ 140 ॥ ഭക്താരിപഞ്ചതാദായീ സജ്ജീകൃതശരായുധഃ । അഭയങ്കരമന്ത്രജ്ഞഃ കുബ്ജികാമന്ത്രവിഗ്രഹഃ ॥ 141 ॥ ധൂമ്രാസ്ത്രശ്ചോഗ്രതേജസ്വീ ദശകണ്ഠവിനാശനഃ । ആശുഗായുധഹസ്താബ്ജോ ഗദായുധകരാംബുജഃ ॥ 142 ॥ പാശായുധസുപാണിശ്ച കപാലായുധസദ്ഭുജഃ । സഹസ്രശീർഷവദനഃ സഹസ്രദ്വയലോചനഃ ॥ 143 ॥ നാനാഹേതിർധനുഷ്പാണിഃ നാനാസ്രഗ്ഭൂഷണപ്രിയഃ । ആശ്യാമകോമലതനുരാരക്താപാംഗലോചനഃ ॥ 144 ॥ ദ്വാദശാഹക്രതുപ്രീതഃ പൗണ്ഡരീകഫലപ്രദഃ । ആപ്തോര്യാമക്രതുമയശ്ചയനാദിഫലപ്രദഃ ॥ 145 ॥ പശുബന്ധസ്യഫലദോ വാജപേയാത്മദൈവതഃ । ആബ്രഹ്മകീടജനനാവനാത്മാ ചമ്പകപ്രിയഃ ॥ 146 ॥ പശുപാശവിഭാഗജ്ഞഃ പരിജ്ഞാനപ്രദായകഃ । കല്പേശ്വരഃ കല്പവര്യോ ജാതവേദാ പ്രഭാകരഃ ॥ 147 ॥ കുംഭീശ്വരഃ കുംഭപാണിഃ കുങ്കുമാക്തലലാടകഃ । ശിലീധ്രപത്രസങ്കാശഃ സിംഹവക്ത്രപ്രമർദനഃ ॥ 148 ॥ കോകിലക്വണനാകർണീ കാലനാശനതത്പരഃ । നൈയ്യായികമതഘ്നശ്ച ബൗദ്ധസംഘവിനാശനഃ ॥ 149 ॥ ധൃതഹേമാബ്ജപാണിശ്ച ഹോമസന്തുഷ്ടമാനസഃ । പിതൃയജ്ഞസ്യഫലദഃ പിതൃവജ്ജനരക്ഷകഃ ॥ 150 ॥ പദാതികർമനിരതഃ പൃഷദാജ്യപ്രദായകഃ । മഹാസുരവധോദ്യുക്തഃ സ്വാസ്ത്രപ്രത്യസ്ത്രവർഷകഃ ॥ 151 ॥ മഹാവർഷതിരോധാനഃ നാഗാധൃതകരാംബുജഃ । നമഃ സ്വാഹാ വഷട് വൗഷട് പല്ലവപ്രതിപാദകഃ ॥ 152 ॥ മഹിരസദൃശഗ്രീവോ മഹിരസദൃശസ്തവഃ । തന്ത്രീവാദനഹസ്താഗ്രഃ സംഗീതപ്രീതമാനസഃ ॥ 153 ॥ ചിദംശമുകുരാവാസോ മണികൂടാദ്രിസഞ്ചരഃ । ലീലാസഞ്ചാരതനുകോ ലിംഗശാസ്ത്രപ്രവർതകഃ ॥ 154 ॥ രാകേന്ദുദ്യുതിസമ്പന്നോ യാഗകർമഫലപ്രദഃ । മൈനാകഗിരിസഞ്ചാരീ മധുവംശവിനാശനഃ । താലഖണ്ഡപുരാവാസഃ തമാലനിഭതൈജസഃ ॥ 155 ॥ ഇതി ശ്രീ ഹരിഹരപുത്ര സഹസ്രനാമ സ്തോത്രം ॥