Sastha Panchakshara Stotram

ōṅkāramūrtimārtighnaṁ dēvaṁ hariharātmajam ।

śabarīpīṭhanilayaṁ śāstāraṁ praṇatō:’smyaham ॥ 1 ॥

nakṣatranāthavadanaṁ nāthaṁ tribhuvanāvanam ।

namitāśēṣabhuvanaṁ śāstāraṁ praṇatō:’smyaham ॥ 2 ॥

manmathāyutasaundaryaṁ mahābhūtaniṣēvitam ।

mr̥gayārasikaṁ śūraṁ śāstāraṁ praṇatō:’smyaham ॥ 3 ॥

śivapradāyinaṁ bhaktadaivataṁ pāṇḍyabālakam ।

śārdūladugdhahartāraṁ śāstāraṁ praṇatō:’smyaham ॥ 4 ॥

vāraṇēndrasamārūḍhaṁ viśvatrāṇaparāyaṇam ।

vētrōdbhāsikarāmbhōjaṁ śāstāraṁ praṇatō:’smyaham ॥ 5 ॥

yakṣiṇyabhimataṁ pūrṇāpuṣkalāparisēvitam ।

kṣipraprasādakaṁ nityaṁ śāstāraṁ praṇatō:’smyaham ॥ 6 ॥

iti śrī śāstā pañcākṣara stōtram ।

Recite with devotion and pure heart

Regular practice brings spiritual benefits