ಶ್ರ॒ದ್ಧಯಾ॒ಽಗ್ನಿಃ ಸಮಿ॑ಧ್ಯತೇ । ಶ್ರ॒ದ್ಧಯಾ॑ ವಿಂದತೇ ಹ॒ವಿಃ । ಶ್ರ॒ದ್ಧಾಂ ಭಗ॑ಸ್ಯ ಮೂ॒ರ್ಧನಿ॑ । ವಚ॒ಸಾಽಽವೇ॑ದಯಾಮಸಿ । ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದದ॑ತಃ । ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದಿದಾ॑ಸತಃ । ಪ್ರಿ॒ಯಂ ಭೋ॒ಜೇಷು॒ ಯಜ್ವ॑ಸು ॥ ಇ॒ದಂ ಮ॑ ಉದಿ॒ತಂ ಕೃ॑ಧಿ । ಯಥಾ॑ ದೇ॒ವಾ ಅಸು॑ರೇಷು । ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ । ಏ॒ವಂ ಭೋ॒ಜೇಷು॒ ಯಜ್ವ॑ಸು । ಅ॒ಸ್ಮಾಕ॑ಮುದಿ॒ತಂ ಕೃ॑ಧಿ । ಶ್ರ॒ದ್ಧಾಂ ದೇ॑ವಾ॒ ಯಜ॑ಮಾನಾಃ । ವಾ॒ಯುಗೋ॑ಪಾ॒ ಉಪಾ॑ಸತೇ । ಶ್ರ॒ದ್ಧಾಗ್ಂ ಹೃ॑ದ॒ಯ್ಯ॑ಯಾಽಽಕೂ᳚ತ್ಯಾ । ಶ್ರ॒ದ್ಧಯಾ॑ ಹೂಯತೇ ಹ॒ವಿಃ । ಶ್ರ॒ದ್ಧಾಂ ಪ್ರಾ॒ತರ್​ಹ॑ವಾಮಹೇ ॥ ಶ್ರ॒ದ್ಧಾಂ ಮ॒ಧ್ಯಂದಿ॑ನಂ॒ ಪರಿ॑ । ಶ್ರ॒ದ್ಧಾಗ್ಂ ಸೂರ್ಯ॑ಸ್ಯ ನಿ॒ಮೃಚಿ॑ । ಶ್ರದ್ಧೇ॒ ಶ್ರದ್ಧಾ॑ಪಯೇ॒ಹ ಮಾ᳚ । ಶ್ರ॒ದ್ಧಾ ದೇ॒ವಾನಧಿ॑ವಸ್ತೇ । ಶ್ರ॒ದ್ಧಾ ವಿಶ್ವ॑ಮಿ॒ದಂ ಜಗ॑ತ್ । ಶ್ರ॒ದ್ಧಾಂ ಕಾಮ॑ಸ್ಯ ಮಾ॒ತರಂ᳚ । ಹ॒ವಿಷಾ॑ ವರ್ಧಯಾಮಸಿ ।