ശ്രീ ഗുരുഭ്യോ നമഃ । ഹരിഃ ഓം । ബ്രഹ്മ॑ണേ ബ്രാഹ്മ॒ണമാല॑ഭതേ । ക്ഷ॒ത്ത്രായ॑ രാജ॒ന്യം᳚ । മ॒രുദ്ഭ്യോ॒ വൈശ്യം᳚ । തപ॑സേ ശൂ॒ദ്രം । തമ॑സേ॒ തസ്ക॑രം । നാര॑കായ വീര॒ഹണം᳚ । പാ॒പ്മനേ᳚ ക്ലീ॒ബം । ആ॒ക്ര॒യായാ॑യോ॒ഗൂം । കാമാ॑യ പുഗ്ഗ്ശ്ച॒ലൂം । അതി॑ക്രുഷ്ടായ മാഗ॒ധം ॥ 1 ॥ ഗീ॒തായ॑ സൂ॒തം । നൃ॒ത്തായ॑ ശൈലൂ॒ഷം । ധർമാ॑യ സഭാച॒രം । ന॒ർമായ॑ രേ॒ഭം । നരി॑ഷ്ഠായൈ ഭീമ॒ലം । ഹസാ॑യ॒ കാരിം᳚ । ആ॒ന॒ന്ദായ॑ സ്ത്രീഷ॒ഖം । പ്ര॒മുദേ॑ കുമാരീപു॒ത്രം । മേ॒ധായൈ॑ രഥകാ॒രം । ധൈര്യാ॑യ॒ തക്ഷാ॑ണം ॥ 2 ॥ ശ്രമാ॑യ കൗലാ॒ലം । മാ॒യായൈ॑ കാർമാ॒രം । രൂ॒പായ॑ മണികാ॒രം । ശുഭേ॑ വ॒പം । ശ॒ര॒വ്യാ॑യാ ഇഷുകാ॒രം । ഹേ॒ത്യൈ ധ॑ന്വകാ॒രം । കർമ॑ണേ ജ്യാകാ॒രം । ദി॒ഷ്ടായ॑ രജ്ജുസ॒ർഗം । മൃ॒ത്യവേ॑ മൃഗ॒യും । അന്ത॑കായ ശ്വ॒നിതം᳚ ॥ 3 ॥ സ॒ന്ധയേ॑ ജാ॒രം । ഗേ॒ഹായോ॑പപ॒തിം । നിരൃ॑ത്യൈ പരിവി॒ത്തം । ആർത്യൈ॑ പരിവിവിദാ॒നം । അരാ᳚ധ്യൈ ദിധിഷൂ॒പതിം᳚ । പ॒വിത്രാ॑യ ഭി॒ഷജം᳚ । പ്ര॒ജ്ഞാനാ॑യ നക്ഷത്രദ॒ർശം । നിഷ്കൃ॑ത്യൈ പേശസ്കാ॒രീം । ബലാ॑യോപ॒ദാം । വർണാ॑യാനൂ॒രുധം᳚ ॥ 4 ॥ ന॒ദീഭ്യ॑: പൗഞ്ജി॒ഷ്ടം । ഋ॒ക്ഷീകാ᳚ഭ്യോ॒ നൈഷാ॑ദം । പു॒രു॒ഷ॒വ്യാ॒ഘ്രായ॑ ദു॒ർമദം᳚ । പ്ര॒യുദ്ഭ്യ॒ ഉന്മ॑ത്തം । ഗ॒ന്ധ॒ർവാ॒പ്സ॒രാഭ്യോ॒ വ്രാത്യം᳚ । സ॒ർപ॒ദേ॒വ॒ജ॒നേഭ്യോഽപ്ര॑തിപദം । അവേ᳚ഭ്യഃ കിത॒വം । ഇ॒ര്യതാ॑യാ॒ അകി॑തവം । പി॒ശാ॒ചേഭ്യോ॑ ബിദലകാ॒രം । യാ॒തു॒ധാനേ᳚ഭ്യഃ കണ്ടകകാ॒രം ॥ 5 ॥ ഉ॒ഥ്സാ॒ദേഭ്യ॑: കു॒ബ്ജം । പ്ര॒മുദേ॑ വാമ॒നം । ദ്വാ॒ർഭ്യഃ സ്രാ॒മം । സ്വപ്നാ॑യാ॒ന്ധം । അധ॑ർമായ ബധി॒രം । സ॒ഞ്ജ്ഞാനാ॑യ സ്മരകാ॒രീം । പ്ര॒കാ॒മോദ്യാ॑യോപ॒സദം᳚ । ആ॒ശി॒ക്ഷായൈ᳚ പ്ര॒ശ്നിനം᳚ । ഉ॒പ॒ശി॒ക്ഷായാ॑ അഭിപ്ര॒ശ്നിനം᳚ । മ॒ര്യാദാ॑യൈ പ്രശ്നവിവാ॒കം ॥ 6 ॥ ഋത്യൈ᳚ സ്തേ॒നഹൃ॑ദയം । വൈര॑ഹത്യായ॒ പിശു॑നം । വിവി॑ത്ത്യൈ ക്ഷ॒ത്താരം᳚ । ഔപ॑ദ്രഷ്ടായ സംഗ്രഹീ॒താരം᳚ । ബലാ॑യാനുച॒രം । ഭൂ॒മ്നേ പ॑രിഷ്ക॒ന്ദം । പ്രി॒യായ॑ പ്രിയവാ॒ദിനം᳚ । അരി॑ഷ്ട്യാ അശ്വസാ॒ദം । മേധാ॑യ വാസഃ പല്പൂ॒ലീം । പ്ര॒കാ॒മായ॑ രജയി॒ത്രീം ॥ 7 ॥ ഭായൈ॑ ദാർവാഹാ॒രം । പ്ര॒ഭായാ॑ ആഗ്നേ॒ന്ധം । നാക॑സ്യ പൃ॒ഷ്ഠായാ॑ഭിഷേ॒ക്താരം᳚ । ബ്ര॒ധ്നസ്യ॑ വി॒ഷ്ടപാ॑യ പാത്രനിർണേ॒ഗം । ദേ॒വ॒ലോ॒കായ॑ പേശി॒താരം᳚ । മ॒നു॒ഷ്യ॒ലോ॒കായ॑ പ്രകരി॒താരം᳚ । സർവേ᳚ഭ്യോ ലോ॒കേഭ്യ॑ ഉപസേ॒ക്താരം᳚ । അവ॑ർത്യൈ വ॒ധായോ॑പമന്ഥി॒താരം᳚ । സു॒വ॒ർഗായ॑ ലോ॒കായ॑ ഭാഗ॒ദുഘം᳚ । വർഷി॑ഷ്ഠായ॒ നാകാ॑യ പരിവേ॒ഷ്ടാരം᳚ ॥ 8 ॥ അർമേ᳚ഭ്യോ ഹസ്തി॒പം । ജ॒വായാ᳚ശ്വ॒പം । പുഷ്ട്യൈ॑ ഗോപാ॒ലം । തേജ॑സേഽജപാ॒ലം । വീ॒ര്യാ॑യാവിപാ॒ലം । ഇരാ॑യൈ കീ॒നാശം᳚ । കീ॒ലാലാ॑യ സുരാകാ॒രം । ഭ॒ദ്രായ॑ ഗൃഹ॒പം । ശ്രേയ॑സേ വിത്ത॒ധം । അധ്യ॑ക്ഷായാനുക്ഷ॒ത്താരം᳚ ॥ 9 ॥ മ॒ന്യവേ॑ഽയസ്താ॒പം । ക്രോധാ॑യ നിസ॒രം । ശോകാ॑യാഭിസ॒രം । ഉ॒ത്കൂ॒ല॒വി॒കൂ॒ലാഭ്യാം᳚ ത്രി॒സ്ഥിനം᳚ । യോഗാ॑യ യോ॒ക്താരം᳚ । ക്ഷേമാ॑യ വിമോ॒ക്താരം᳚ । വപു॑ഷേ മാനസ്കൃ॒തം । ശീലാ॑യാഞ്ജനീകാ॒രം । നിരൃ॑ത്യൈ കോശകാ॒രീം । യ॒മായാ॒സൂം ॥ 10 ॥ യ॒മ്യൈ॑ യമ॒സൂം । അഥ॑ർവ॒ഭ്യോഽവ॑തോകാം । സം॒വ॒ഥ്സ॒രായ॑ പര്യാ॒രിണീം᳚ । പ॒രി॒വ॒ഥ്സ॒രായാവി॑ജാതാം । ഇ॒ദാ॒വ॒ഥ്സ॒രായാ॑പ॒സ്കദ്വ॑രീം । ഇ॒ദ്വ॒ത്സ॒രായാ॒തീത്വ॑രീം । വ॒ഥ്സ॒രായ॒ വിജ॑ർജരാം । സം॒വ॒ഥ്സ॒രായ॒ പലി॑ക്നീം । വനാ॑യ വന॒പം । അ॒ന്യതോ॑ഽരണ്യായ ദാവ॒പം ॥ 11 ॥ സരോ᳚ഭ്യോ ധൈവ॒രം । വേശ॑ന്താഭ്യോ॒ ദാശം᳚ । ഉ॒പ॒സ്ഥാവ॑രീഭ്യോ॒ ബൈന്ദം᳚ । ന॒ഡ്വ॒ലാഭ്യ॑: ശൗഷ്ക॒ലം । പാ॒ര്യാ॑യ കൈവ॒ർതം । അ॒വാ॒ര്യാ॑യ മാർഗാ॒രം । തീ॒ർഥേഭ്യ॑ ആ॒ന്ദം । വിഷ॑മേഭ്യോ മൈനാ॒ലം । സ്വനേ᳚ഭ്യ॒: പർണ॑കം । ഗുഹാ᳚ഭ്യ॒: കിരാ॑തം । സാനു॑ഭ്യോ॒ ജംഭ॑കം । പർവ॑തേഭ്യ॒: കിമ്പൂ॑രുഷം ॥ 12 ॥ പ്ര॒തി॒ശ്രുത്കാ॑യാ ഋതു॒ലം । ഘോഷാ॑യ ഭ॒ഷം । അന്താ॑യ ബഹുവാ॒ദിനം᳚ । അ॒ന॒ന്തായ॒ മൂകം᳚ । മഹ॑സേ വീണാവാ॒ദം । ക്രോശാ॑യ തൂണവ॒ധ്മം । ആ॒ക്ര॒ന്ദായ॑ ദുന്ദുഭ്യാഘാ॒തം । അ॒വ॒ര॒സ്പ॒രായ॑ ശംഖ॒ധ്മം । ഋ॒ഭുഭ്യോ॑ഽജിനസന്ധാ॒യം । സാ॒ധ്യേഭ്യ॑ശ്ചർമ॒മ്ണം ॥ 13 ॥ ബീ॒ഭ॒ഥ്സായൈ॑ പൗൽക॒സം । ഭൂത്യൈ॑ ജാഗര॒ണം । അഭൂ᳚ത്യൈ സ്വപ॒നം । തു॒ലായൈ॑ വാണി॒ജം । വർണാ॑യ ഹിരണ്യകാ॒രം । വിശ്വേ᳚ഭ്യോ ദേ॒വേഭ്യ॑: സിധ്മ॒ലം । പ॒ശ്ചാ॒ദ്ദോ॒ഷായ॑ ഗ്ലാ॒വം । ഋത്യൈ॑ ജനവാ॒ദിനം᳚ । വ്യൃ॑ദ്ധ്യാ അപഗ॒ൽഭം । സ॒ഗ്ം॒ശ॒രായ॑ പ്ര॒ച്ഛിദം᳚ ॥ 14 ॥ ഹസാ॑യ പുഗ്ഗ്ശ്ച॒ലൂമാല॑ഭതേ । വീ॒ണാ॒വാ॒ദം ഗണ॑കം ഗീ॒തായ॑ । യാദ॑സേ ശാബു॒ല്യാം । ന॒ർമായ॑ ഭദ്രവ॒തീം । തൂ॒ഷ്ണ॒വ॒ധ്മം ഗ്രാ॑മ॒ണ്യം॑ പാണിസംഘാ॒തം നൃ॒ത്തായ॑ । മോദാ॑യാനു॒ക്രോശ॑കം । ആ॒ന॒ന്ദായ॑ തല॒വം ॥ 15 ॥ അ॒ക്ഷ॒രാ॒ജായ॑ കിത॒വം । കൃ॒തായ॑ സഭാ॒വിനം᳚ । ത്രേതാ॑യാ ആദിനവദ॒ർശം । ദ്വാ॒പ॒രായ॑ ബഹി॒: സദം᳚ । കല॑യേ സഭാസ്ഥാ॒ണും । ദു॒ഷ്കൃ॒തായ॑ ച॒രകാ॑ചാര്യം । അധ്വ॑നേ ബ്രഹ്മചാ॒രിണം᳚ । പി॒ശാ॒ചേഭ്യ॑: സൈല॒ഗം । പി॒പാ॒സായൈ॑ ഗോവ്യ॒ച്ഛം । നിരൃ॑ത്യൈ ഗോഘാ॒തം । ക്ഷു॒ധേ ഗോ॑വിക॒ർതം । ക്ഷു॒ത്തൃ॒ഷ്ണാഭ്യാം॒ തം । യോ ഗാം വി॒കൃന്ത॑ന്തം മാ॒ഗ്ം॒സം ഭിക്ഷ॑മാണ ഉപ॒തിഷ്ഠ॑തേ ॥ 16 ॥ ഭൂമ്യൈ॑ പീഠസ॒ർപിണ॒മാല॑ഭതേ । അ॒ഗ്നയേഽഗ്ം॑സ॒ലം । വാ॒യവേ॑ ചാണ്ഡാ॒ലം । അ॒ന്തരി॑ക്ഷായ വഗ്ംശന॒ർതിനം᳚ । ദി॒വേ ഖ॑ല॒തിം । സൂര്യാ॑യ ഹര്യ॒ക്ഷം । ച॒ന്ദ്രമ॑സേ മിർമി॒രം । നക്ഷ॑ത്രേഭ്യഃ കി॒ലാസം᳚ । അഹ്നേ॑ ശു॒ക്ലം പിം॑ഗ॒ലം । രാത്രി॑യൈ കൃ॒ഷ്ണം പിം॑ഗാ॒ക്ഷം ॥ 17 ॥ വാ॒ചേ പുരു॑ഷ॒മാല॑ഭതേ । പ്രാ॒ണമ॑പാ॒നം വ്യാ॒നമു॑ദാ॒നഗ്ം സ॑മാ॒നം താന്വാ॒യവേ᳚ । സൂര്യാ॑യ॒ ചക്ഷു॒രാല॑ഭതേ । മന॑ശ്ച॒ന്ദ്രമ॑സേ । ദി॒ഗ്ഭ്യഃ ശ്രോത്രം᳚ । പ്ര॒ജാപ॑തയേ॒ പുരു॑ഷം ॥ 18 ॥ അഥൈ॒താനരൂ॑പേഭ്യ॒ ആല॑ഭതേ । അതി॑ഹ്രസ്വ॒മതി॑ദീർഘം । അതി॑കൃശ॒മത്യഗ്ം॑സലം । അതി॑ശുക്ല॒മതി॑കൃഷ്ണം । അതി॑ശ്ലക്ഷ്ണ॒മതി॑ലോമശം । അതി॑കിരിട॒മതി॑ദന്തുരം । അതി॑മിർമിര॒മതി॑മേമിഷം । ആ॒ശായൈ॑ ജാ॒മിം । പ്ര॒തീ॒ക്ഷായൈ॑ കുമാ॒രീം ॥ 19 ॥