हैंహైHaindavamஹிહિં
📍
Font Size:
ഭാവനോപനിഷദ്
ശ്രീഗുരുഃ സർവകാരണഭൂതാ ശക്തിഃ ॥1॥
കേന നവരന്ധ്രരൂപോ ദേഹഃ।
നവശക്തിരൂപം ശ്രീചക്രമ।
വാരാഹീ പിതൃരൂപാ।
കുരുകുല്ലാ ബലിദേവതാ മാതാ।
പുരുഷാർഥാഃ സാഗരാഃ।
ദേഹോ നവരത്നദ്വീപഃ।
ആധാരനവകമുദ്രാ: ശക്തയഃ।
ത്വഗാദിസപ്തധാതുഭിര-നേകൈഃ സംയുഁക്താഃ സങ്കല്പാഃ കല്പതരവഃ।
തേജ: കല്പകോദ്യാനം।രസനയാ ഭാവ്യമാനാ മധുരാമ്ലതിക്ത-കടുകഷായലവണഭേദാഃ ഷഡ്രസാഃ ഷഡൃതവഃ ।
ക്രിയാശക്തിഃ പീഠം।
കുണ്ഡലിനീ ജ്ഞാനശക്തിർഗൃഹം। ഇച്ഛാശക്തിർമഹാത്രിപുരസുന്ദരീ।
ജ്ഞാതാ ഹോതാ ജ്ഞാനമഗ്നിഃ ജ്ഞേയം ഹവിഃ। ജ്ഞാതൃജ്ഞാനജ്ഞേയാനാമഭേദഭാവനം ശ്രീചക്രപൂജനം। നിയതിസഹിതാഃ ശ്ര്ഋംഗാരാദയോ നവ രസാ അണിമാദയഃ। കാമക്രോധലോഭമോഹമദ-മാത്സര്യപുണ്യപാപമയാ ബ്രാഹ്മയാദ്യഷ്ടശക്തയഃ । പൃഥിവ്യപ്തേജോവായ്വാകാശശ്രോത്രത്വക്ചക്ഷുർജിഹ്വാഘ്രാണവാ-ക്പാണിപാദപായൂപസ്ഥമനോവികാരാഃ ഷോഡശ ശക്തയഃ ।
വചനാദാനഗമനവിസർഗാനന്ദഹാനോപേക്ഷാബുദ്ധയോ-ഽനംഗകുസുമാദിശക്തയോഽഷ്ടൗ।
അലംബുസാ കുഹൂർവിശ്വോദരീ വരുണാ ഹസ്തിജിഹ്വാ യശസ്വത്യശ്വിനീ ഗാന്ധാരീ പൂഷാ ശംഖിനീ സരസ്വതീഡാ പിംഗലാ സുഷുമ്നാ ചേതി ചതുർദശ നാഡ്യഃ। സർവസങ്ക്ഷോഭിണ്യാദിചതുർദശാരഗാ ദേവതാഃ। പ്രാണാപാനവ്യാനോദാനസമാനനാഗകൂർമകൃകരദേവദത്തധനഞ്ജയാ ഇതി ദശ വായവഃ ।
സർവസിദ്ധി-പ്രദാ ദേവ്യോ ബഹിർദശാരഗാ ദേവതാഃ। ഏതദ്വായുദശകസംസർഗോപാഥിഭേദേന രേചകപൂരകശോഷകദാഹക-പ്ലാവകാ അമൃതമിതി പ്രാണമുഖ്യത്വേന പഞ്ചവിധോഽസ്തി ।
ക്ഷാരകോ ദാരകഃ ക്ഷോഭകോ മോഹകോ ജൃംഭക ഇത്യപാലനമുഖ്യത്വേന പഞ്ചവിധോഽസ്തി ।
തേന മനുഷ്യാണാം മോഹകോ ദാഹകോ ഭക്ഷ്യഭോജ്യലേഹ്യചോഷ്യപേയാ-ത്മകം ചതുർവിധമന്നം പാചയതി।
ഏതാ ദശ വഹ്നികലാഃ സർവാത്വാദ്യന്തർദശാരഗാ ദേവതാഃ। ശീതോഷ്ണസുഖദുഃഖേച്ഛാസത്ത്വരജസ്തമോഗുണാ വശിന്യാദിശക്തയോഽഷ്ടൗ।
ശബ്ദസ്പർശരൂപരസഗന്ധാഃ പഞ്ചതന്മാത്രാഃ പഞ്ച പുഷ്പബാണാ മന ഇക്ഷുധനുഃ।
വശ്യോ ബാണോ രാഗഃ പാശഃ।
ദ്വേഷോഽങ്കുശഃ।
അവ്യക്തമഹത്തത്ത്വമഹദഹങ്കാര ഇതി കാമേശ്വരീവജ്നേശ്വരീഭഗമാലിന്യോഽന്തസ്ത്രികോണാഗ്നഗാ ദേവതാഃ ।
പഞ്ചദശതിഥിരൂപേണ കാലസ്യ പരിണാമാവലോകനസ്ഥിതിഃ പഞ്ചദശ നിത്യാ ശ്രദ്ധാനുരൂപാധിദേവതാ।
തയോഃ കാമേശ്വരീ സദാനന്ദഘനാ പരിപൂർണസ്വാത്മൈക്യരൂപാ ദേവതാ ॥2॥
സലിലമിതി സൗഹിത്യകാരണം സത്ത്വം । കർതവ്യമകർതവ്യമിതി ഭാവനായുക്ത ഉപചാരഃ।
അസ്തി നാസ്തീതി കർതവ്യതാ ഉപചാരഃ। ബാഹ്യാഭ്യന്ത:കരണാനാം രൂപഗ്രഹണയോഗ്യതാഽസ്ത്വിത്യാവാഹനം।
തസ്യ വാഹ്യാഭ്യന്തഃകരണാനാമേകരൂപവിഷയഗ്രഹണമാസനം।
രക്തശുക്ലപദൈകീകരണം പാദ്യം।
ഉജ്ജ്വലദാ-മോദാനന്ദാസനദാനമർഘ്യം।
സ്വച്ഛം സ്വത:സിദ്ധമിത്യാചമനീയം। ചിച്ചന്ദ്രമയീതി സർവാംഗസ്ത്രവണം സ്നാനം। ചിദഗ്നിസ്വരൂപപരമാനന്ദശക്തിസ്ഫുരണം-വഁസ്ത്രം। പ്രത്യേകം സപ്തവിംശതിധാ ഭിന്നത്വേനേച്ഛാജ്ഞാന-ക്രിയാത്മകബ്രഹ്മഗ്രന്ഥിമദ്രസതന്തുബ്രഹ്മനാഡീ ബ്രഹ്മസൂത്രം।
സ്വവ്യതിരിക്തവസ്തുസംഗരഹിതസ്മരണം-വിഁഭൂഷണം। സ്വച്ഛസ്വപരിപൂർണതാസ്മരണം ഗന്ധഃ ।
സമസ്തവിഷയാണാം മനസഃ സ്ഥൈര്യേണാനുസന്ധാനം കുസുമം । തേഷാമേവ സർവദാ സ്വീകരണം ധൂപഃ । പവനാവച്ഛിന്നോർധ്വഗ്വലനസച്ചിദുൽകാകാശദേഹോ ദീപഃ । സമസ്തയാതായാ-തവർജ്യം നൈവേദ്യം । അവസ്ഥാത്രയാണാമേകീകരണം താംബൂലം। മൂലാധാരാദാബ്രഹ്മരന്ധ്രപര്യന്തം ബ്രഹ്മരന്ധ്രാദാ-മൂലാധാരപര്യന്തം ഗതാഗതരൂപേണ പ്രാദക്ഷിണ്യം। തുര്യാവസ്ഥാ നമസ്കാരഃ ।
ദേഹശൂന്യപ്രമാതൃതാനിമജ്ജനം ബലിഹരണം।
സത്യമസ്തി കർതവ്യമകർതവ്യമൗദാസീന്യനിത്യാത്മവിലാപനം ഹോമഃ।
സ്വയം തത്പാദുകാ-നിമജ്ജനം പരിപൂർണധ്യാനം॥3॥
ഏവം മുഹൂർതത്രയം ഭാവനാപരോ ജീവന്മുക്തോ ഭവതി।
തസ്യ ദേവതാത്മൈക്യസിദ്ധിഃ।
ചിന്തിതകാര്യാണ്യ-യത്നേന സിദ്ധയന്തി।
സ ഏവ ശിവയോഗീതി കഥ്യതേ ॥4॥
Recite with devotion and pure heart
Regular practice brings spiritual benefits