हैंహైHaindavamஹிહિં
📍
Font Size:
ബ്രഹ്മണസ്പതി സൂക്തം
(ഋ.വേ.2.23.1)
ഗ॒ണാനാം᳚ ത്വാ ഗ॒ണപ॑തിം ഹവാമഹേ
ക॒വിം ക॑വീ॒നാമു॑പ॒മശ്ര॑വസ്തമമ് ।
ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പത॒
ആ ന॑: ശൃ॒ണ്വന്നൂ॒തിഭി॑: സീദ॒ സാദ॑നമ് ॥
(ഋ.വേ.1.18.1)
സോ॒മാനം॒ സ്വര॑ണം കൃണു॒ഹി ബ്ര᳚ഹ്മണസ്പതേ ।
ക॒ക്ഷീവ॑ന്തം॒ യ ഔ॑ശി॒ജഃ ॥ 1
യോ രേ॒വാന് യോ അ॑മീവ॒ഹാ വ॑സു॒വിത് പു॑ഷ്ടി॒വര്ധ॑നഃ ।
സ ന॑: സിഷക്തു॒ യസ്തു॒രഃ ॥ 2
മാ ന॒: ശംസോ॒ അര॑രുഷോ ധൂ॒ര്തിഃ പ്രണ॒ങ് മര്ത്യ॑സ്യ ।
രക്ഷാ᳚ ണോ ബ്രഹ്മണസ്പതേ ॥ 3
സ ഘാ᳚ വീരോ ന രി॑ഷ്യതി॒ യമിന്ദ്രോ॒ ബ്രഹ്മ॑ണ॒സ്പതി॑: ।
സോമോ᳚ ഹി॒നോതി॒ മര്ത്യ᳚മ് ॥ 4
ത്വം തം ബ്ര᳚ഹ്മണസ്പതേ॒ സോമ॒ ഇന്ദ്ര॑ശ്ച॒ മര്ത്യ᳚മ് ।
ദക്ഷി॑ണാ പാ॒ത്വംഹ॑സഃ ॥ 5
(ഋ.വേ.1.40.1)
ഉത്തി॑ഷ്ഠ ബ്രഹ്മണസ്പതേ ദേവ॒യന്ത॑സ്ത്വേമഹേ ।
ഉപ॒ പ്ര യ᳚ന്തു മ॒രുത॑: സു॒ദാന॑വ॒ ഇന്ദ്ര॑ പ്രാ॒ശൂര്ഭ॑വാ॒ സചാ᳚ ॥ 6
ത്വാമിദ്ധി സ॑ഹസസ്പുത്ര॒ മര്ത്യ॑ ഉപബ്രൂ॒തേ ധനേ᳚ ഹി॒തേ ।
സു॒വീര്യം᳚ മരുത॒ ആ സ്വശ്വ്യം॒ ദധീ᳚ത॒ യോ വ॑ ആച॒കേ ॥ 7
പ്രൈതു॒ ബ്രഹ്മ॑ണ॒സ്പതി॒: പ്ര ദേവ്യേ᳚തു സൂ॒നൃതാ᳚ ।
അച്ഛാ᳚ വീ॒രം നര്യം᳚ പ॒ങ്ക്തിരാ᳚ധസം ദേ॒വാ യ॒ജ്ഞം ന॑യന്തു നഃ ॥ 8
യോ വാ॒ഘതേ॒ ദദാ᳚തി സൂ॒നരം॒ വസു॒ സ ധ॑ത്തേ॒ അക്ഷി॑തി॒ ശ്രവ॑: ।
തസ്മാ॒ ഇളാം᳚ സു॒വീരാ॒മാ യ॑ജാമഹേ സു॒പ്രതൂ॑ര്തിമനേ॒ഹസ᳚മ് ॥ 9
പ്ര നൂ॒നം ബ്രഹ്മ॑ണ॒സ്പതി॒ര്മന്ത്രം᳚ വദത്യു॒ക്ഥ്യ᳚മ് ।
യസ്മി॒ന്നിന്ദ്രോ॒ വരു॑ണോ മി॒ത്രോ അ॑ര്യ॒മാ ദേ॒വാ ഓകാം᳚സി ചക്രി॒രേ ॥ 10
തമിദ്വോ᳚ചേമാ വി॒ദഥേ॑ഷു ശം॒ഭുവം॒ മന്ത്രം᳚ ദേവാ അനേ॒ഹസ᳚മ് ।
ഇ॒മാം ച॒ വാചം᳚ പ്രതി॒ഹര്യ॑ഥാ നരോ॒ വിശ്വേ᳚ദ്വാ॒മാ വോ᳚ അശ്നവത് ॥ 11
കോ ദേ᳚വ॒യന്ത॑മശ്നവജ്ജനം॒ കോ വൃ॒ക്തബ॑ര്ഹിഷമ് ।
പ്രപ്ര॑ ദാ॒ശ്വാന്പ॒സ്ത്യാ᳚ഭിരസ്ഥിതാന്ത॒ര്വാവ॒ത് ക്ഷയം᳚ ദധേ ॥ 12
ഉപ॑ ക്ഷ॒ത്രം പൃ᳚ഞ്ചീ॒ത ഹന്തി॒ രാജ॑ഭിര്ഭ॒യേ ചി॑ത്സുക്ഷി॒തിം ദ॑ധേ ।
നാസ്യ॑ വ॒ര്താ ന ത॑രു॒താ മ॑ഹാധ॒നേ നാര്ഭേ᳚ അസ്തി വ॒ജ്രിണ॑: ॥ 13
(ഋ.വേ.2.23.1)
ഗ॒ണാനാം᳚ ത്വാ ഗ॒ണപ॑തിം ഹവാമഹേ ക॒വിം ക॑വീ॒നാമു॑പ॒മശ്ര॑വസ്തമമ് ।
ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പത॒ ആ ന॑: ശൃ॒ണ്വന്നൂ॒തിഭി॑: സീദ॒ സാദ॑നമ് ॥ 14
ദേ॒വാശ്ചി॑ത്തേ അസുര്യ॒ പ്രചേ॑തസോ॒ ബൃഹ॑സ്പതേ യ॒ജ്ഞിയം᳚ ഭാ॒ഗമാ᳚നശുഃ ।
ഉ॒സ്രാ ഇ॑വ॒ സൂര്യോ॒ ജ്യോതി॑ഷാ മ॒ഹോ വിശ്വേ᳚ഷാ॒മിജ്ജ॑നി॒താ ബ്രഹ്മ॑ണാമസി ॥ 15
ആ വി॒ബാധ്യാ᳚ പരി॒രാപ॒സ്തമാം᳚സി ച॒ ജ്യോതി॑ഷ്മന്തം॒ രഥ॑മൃ॒തസ്യ॑ തിഷ്ഠസി ।
ബൃഹ॑സ്പതേ ഭീ॒മമ॑മിത്ര॒ദമ്ഭ॑നം രക്ഷോ॒ഹണം᳚ ഗോത്ര॒ഭിദം᳚ സ്വ॒ര്വിദ᳚മ് ॥ 16
സു॒നീ॒തിഭി॑ര്നയസി॒ ത്രായ॑സേ॒ ജനം॒ യസ്തുഭ്യം॒ ദാശാ॒ന്ന തമംഹോ᳚ അശ്നവത് ।
ബ്ര॒ഹ്മ॒ദ്വിഷ॒സ്തപ॑നോ മന്യു॒മീര॑സി॒ ബൃഹ॑സ്പതേ॒ മഹി॒ തത് തേ᳚ മഹിത്വ॒നമ് ॥ 17
ന തമംഹോ॒ ന ദു॑രി॒തം കുത॑ശ്ച॒ന നാരാ᳚തയസ്തിതിരു॒ര് ന ദ്വ॑യാ॒വിന॑: ।
വിശ്വാ॒ ഇദ॑സ്മാദ്ധ്വ॒രസോ॒ വി ബാ᳚ധസേ॒ യം സു॑ഗോ॒പാ രക്ഷ॑സി ബ്രഹ്മണസ്പതേ ॥ 18
ത്വം നോ᳚ ഗോ॒പാഃ പ॑ഥി॒കൃദ്വി॑ചക്ഷ॒ണസ്തവ॑ വ്ര॒തായ॑ മ॒തിഭി॑ര്ജരാമഹേ ।
ബൃഹ॑സ്പതേ॒ യോ നോ᳚ അ॒ഭി ഹ്വരോ᳚ ദ॒ധേ സ്വാ തം മ॑ര്മര്തു ദു॒ച്ഛുനാ॒ ഹര॑സ്വതീ ॥ 19
ഉ॒ത വാ॒ യോ നോ᳚ മ॒ര്ചയാ॒ദനാ᳚ഗസോഽരാതീ॒വാ മര്ത॑: സാനു॒കോ വൃക॑: ।
ബൃഹ॑സ്പതേ॒ അപ॒ തം വ॑ര്തയ പ॒ഥഃ സു॒ഗം നോ᳚ അ॒സ്യൈ ദേ॒വവീ॑തയേ കൃധി ॥ 20
ത്രാ॒താരം᳚ ത്വാ ത॒നൂനാം॑ ഹവാമ॒ഽഅവ॑സ്പര്തരധിവ॒ക്താര॑മസ്മ॒യുമ് ।
ബൃഹ॑സ്പതേ ദേവ॒നിദോ॒ നി ബ॑ര്ഹയ॒ മാ ദു॒രേവാ॒ ഉത്ത॑രം സു॒മ്നമുന്ന॑ശന് ॥ 21
ത്വയാ᳚ വ॒യം സു॒വൃധാ॑ ബ്രഹ്മണസ്പതേ സ്പാ॒ര്ഹാ വസു॑ മനു॒ഷ്യാ ദ॑ദീമഹി ।
യാ നോ᳚ ദൂ॒രേ ത॒ളിതോ॒ യാ അരാ᳚തയോ॒ഽഭി സന്തി॑ ജം॒ഭയാ॒ താ അ॑ന॒പ്നസ॑: ॥ 22
ത്വയാ᳚ വ॒യമു॑ത്ത॒മം ധീ᳚മഹേ॒ വയോ॒ ബൃഹ॑സ്പതേ॒ പപ്രി॑ണാ॒ സസ്നി॑നാ യു॒ജാ ।
മാ നോ᳚ ദു॒:ശംസോ᳚ അഭിദി॒പ്സുരീ॑ശത॒ പ്ര സു॒ശംസാ᳚ മ॒തിഭി॑സ്താരിഷീമഹി ॥ 23
അ॒നാ॒നു॒ദോ വൃ॑ഷ॒ഭോ ജഗ്മി॑രാഹ॒വം നിഷ്ട॑പ്താ॒ ശത്രും॒ പൃത॑നാസു സാസ॒ഹിഃ ।
അസി॑ സ॒ത്യ ഋ॑ണ॒യാ ബ്ര᳚ഹ്മണസ്പത ഉ॒ഗ്രസ്യ॑ ചിദ്ദമി॒താ വീ᳚ളുഹ॒ര്ഷിണ॑: ॥ 24
അദേ᳚വേന॒ മന॑സാ॒ യോ രി॑ഷ॒ണ്യതി॑ ശാ॒സാമു॒ഗ്രോ മന്യ॑മാനോ॒ ജിഘാം᳚സതി ।
ബൃഹ॑സ്പതേ॒ മാ പ്രണ॒ക് തസ്യ॑ നോ വ॒ധോ നി ക᳚ര്മ മ॒ന്യും ദു॒രേവ॑സ്യ॒ ശര്ധ॑തഃ ॥ 25
ഭരേ॑ഷു॒ ഹവ്യോ॒ നമ॑സോപ॒സദ്യോ॒ ഗന്താ॒ വാജേ᳚ഷു॒ സനി॑താ॒ ധനം᳚ധനമ് ।
വിശ്വാ॒ ഇദ॒ര്യോ അ॑ഭിദി॒പ്സ്വോ॒ 3 മൃധോ॒ ബൃഹ॒സ്പതി॒ര്വി വ॑വര്ഹാ॒ രഥാ᳚ഁ ഇവ ॥ 26
തേജി॑ഷ്ഠയാ തപ॒നീ ര॒ക്ഷസ॑സ്തപ॒ യേ ത്വാ᳚ നി॒ദേ ദ॑ധി॒രേ ദൃ॒ഷ്ടവീ᳚ര്യമ് ।
ആ॒വിസ്തത് കൃ॑ഷ്വ॒ യദസ॑ത് ത ഉ॒ക്ഥ്യം 1 ബൃഹ॑സ്പതേ॒ വി പ॑രി॒രാപോ᳚ അര്ദയ ॥ 27
ബൃഹ॑സ്പതേ॒ അതി॒ യദ॒ര്യോ അര്ഹാ॑ദ്ദ്യു॒മദ്വി॒ഭാതി॒ ക്രതു॑മ॒ജ്ജനേ᳚ഷു ।
യദ്ദീ॒ദയ॒ച്ഛവ॑സ ഋതപ്രജാത॒ തദ॒സ്മാസു॒ ദ്രവി॑ണം ധേഹി ചി॒ത്രമ് ॥ 28
മാ ന॑: സ്തേ॒നേഭ്യോ॒ യേ അ॒ഭി ദ്രു॒ഹസ്പ॒ദേ നി॑രാ॒മിണോ᳚ രി॒പവോഽന്നേ᳚ഷു ജാഗൃ॒ധുഃ ।
ആ ദേ॒വാനാ॒മോഹ॑തേ॒ വി വ്രയോ᳚ ഹൃ॒ദി ബൃഹ॑സ്പതേ॒ ന പ॒രഃ സാമ്നോ᳚ വിദുഃ ॥ 29
വിശ്വേ᳚ഭ്യോ॒ ഹി ത്വാ॒ ഭുവ॑നേഭ്യ॒സ്പരി॒ തവഷ്ടാജ॑നഽത്സാമ്ന॑:സാമ്നഃ ക॒വിഃ ।
സ ഋ॑ണ॒ചിദൃ॑ണ॒യാ ബ്രഹ്മ॑ണ॒സ്പതി॑ര്ദ്രു॒ഹോ ഹ॒ന്താ മ॒ഹ ഋ॒തസ്യ॑ ധ॒ര്തരി॑ ॥ 30
തവ॑ ശ്രി॒യേ വ്യ॑ജിഹീത॒ പര്വ॑തോ॒ ഗവാം᳚ ഗോ॒ത്രമു॒ദസൃ॑ജോ॒ യദ᳚ങ്ഗിരഃ ।
ഇന്ദ്രേ॑ണ യു॒ജാ തമ॑സാ॒ പരീ᳚വൃതം॒ ബൃഹ॑സ്പതേ॒ നിര॒പാമൌ᳚ബ്ജോ അര്ണ॒വമ് ॥ 31
ബ്രഹ്മ॑ണസ്പതേ॒ ത്വമ॒സ്യ യ॒ന്താ സൂ॒ക്തസ്യ॑ ബോധി॒ തന॑യം ച ജിന്വ ।
വിശ്വം॒ തദ്ഭ॒ദ്രം യദവ᳚ന്തി ദേ॒വാ ബൃ॒ഹദ്വ॑ദേമ വി॒ദഥേ॑ സു॒വീരാ᳚: ॥ 32
(ഋ.വേ.2.24.1)
സേമാമ॑വിഡ്ഢി॒ പ്രഭൃ॑തിം॒ യ ഈശി॑ഷേ॒ഽയാ വി॑ധേമ॒ നവ॑യ മ॒ഹാ ഗി॒രാ ।
യഥാ᳚ നോ മീ॒ഢ്വാന്ത്സ്തവ॑തേ॒ സഖാ॒ തവ॒ ബൃഹ॑സ്പതേ॒ സീഷ॑ധ॒: സോത നോ᳚ മ॒തിമ് ॥ 33
യോ നന്ത്വാ॒ന്യന॑മ॒ന്യോജ॑സോ॒താദ॑ര്ദര്മ॒ന്യുനാ॒ ശമ്ബ॑രാണി॒ വി ।
പ്രാച്യാ᳚വയ॒ദച്യു॑താ॒ ബ്രഹ്മ॑ണ॒സ്പതി॒രാ ചാവി॑ശ॒ദ്വസു॑മന്തം॒ വി പര്വ॑തമ് ॥ 34
തദ്ദേ॒വാനാം᳚ ദേ॒വത॑മായ॒ കര്ത്വ॒മശ്ര॑ഥ്നന് ദൃ॒ളഹാവ്ര॑ദന്ത വീളി॒താ ।
ഉദ്ഗാ ആ᳚ജ॒ദഭി॑ന॒ദ്ബ്രഹ്മ॑ണാ വ॒ലമഗൂ᳚ഹ॒ത്തമോ॒ വ്യ॑ചക്ഷയ॒ത് സ്വ॑: ॥ 35
അശ്മാ᳚സ്യമവ॒തം ബ്രഹ്മ॑ണ॒സ്പതി॒ര്മധു॑ധാരമ॒ഭി യമോജ॒സാതൃ॑ണത് ।
തമേ॒വ വിശ്വേ᳚ പപിരേ സ്വ॒ര്ദൃശോ᳚ ബ॒ഹു സാ॒കം സി॑സിചു॒രുത്സ॑മു॒ദ്രിണ᳚മ് ॥ 36
സനാ॒ താ കാ ചി॒ദ്ഭുവ॑നാ॒ ഭവീ᳚ത്വാ മാ॒ദ്ഭിഃ ശ॒രദ്ഭി॒ര്ദുരോ᳚ വരന്ത വഃ ।
അയ॑തന്താ ചരതോ അ॒ന്യദ᳚ന്യ॒ദിദ്യാ ച॒കാര॑ വ॒യുനാ॒ ബ്രഹ്മ॑ണ॒സ്പതി॑: ॥ 37
അ॒ഭി॒നക്ഷ᳚ന്തോ അ॒ഭി യേ തമാ᳚ന॒ശുര്നി॒ധിം പ॑ണീ॒നാം പ॑ര॒മം ഗുഹാ᳚ ഹി॒തമ് ।
തേ വി॒ദ്വാംസ॑: പ്രതി॒ചക്ഷ്യാനൃ॑താ॒ പുന॒ര്യത॑ ഉ॒ ആയ॒ന്തദുദീ᳚യുരാ॒വിശ॑മ് ॥ 38
ഋ॒താവാ᳚നഃ പ്രതി॒ചക്ഷ്യാനൃ॑താ॒ പുന॒രാത॒ ആ ത॑സ്ഥുഃ ക॒വയോ᳚ മ॒ഹസ്പ॒ഥഃ ।
തേ ബാ॒ഹുഭ്യാം॑ ധമി॒തമ॒ഗ്നിമശ്മ॑നി॒ നകി॒: ഷോ അ॒സ്ത്യര॑ണോ ജ॒ഹുര്ഹി ത᳚മ് ॥ 39
ഋ॒തജ്യേ᳚ന ക്ഷി॒പ്രേണ॒ ബ്രഹ്മ॑ണ॒സ്പതി॒ര്യത്ര॒ വഷ്ടി॒ പ്ര തദ॑ശ്നോതി॒ ധന്വ॑നാ ।
തസ്യ॑ സാ॒ധ്വീരിഷ॑വോ॒ യാഭി॒രസ്യ॑തി നൃ॒ചക്ഷ॑സോ ദൃ॒ശയേ॒ കര്ണ॑യോനയഃ ॥ 40
സ സം᳚ന॒യഃ സ വി॑ന॒യഃ പു॒രോഹി॑ത॒: സ സുഷ്ടു॑ത॒: സ യു॒ധി ബ്രഹ്മ॑ണ॒സ്പതി॑: ।
ചാ॒ക്ഷ്മോ യദ്വാജം॒ ഭര॑തേ മ॒തീ ധനാഽഽദിത്സൂര്യ॑സ്തപതി തപ്യ॒തുര്വൃഥാ᳚ ॥ 41
വി॒ഭു പ്ര॒ഭു പ്ര॑ഥ॒മം മേ॒ഹനാ᳚വതോ॒ ബൃഹ॒സ്പതേ᳚: സുവി॒ദത്രാ॑ണി॒ രാധ്യാ॑ ।
ഇ॒മാ സാ॒താനി॑ വേ॒ന്യസ്യ॑ വാ॒ജിനോ॒ യേന॒ ജനാ᳚ ഉ॒ഭയേ᳚ ഭുഞ്ജ॒തേ വിശ॑: ॥ 42
യോഽവ॑രേ വൃ॒ജനേ᳚ വി॒ശ്വഥാ᳚ വി॒ഭുര്മ॒ഹാമു॑ ര॒ണ്വഃ ശവ॑സാ വ॒വക്ഷി॑ഥ ।
സ ദേ॒വോ ദേ॒വാന്പ്രതി॑ പപ്രഥേ പൃ॒ഥു വിശ്വേദു॒ താ പ॑രി॒ഭൂര്ബ്രഹ്മ॑ണ॒സ്പതി॑: ॥ 43
വിശ്വം᳚ സ॒ത്യം മ॑ഘവാനാ യു॒വോരി॒ദാപ॑ശ്ച॒ന പ്ര മി॑നന്തി വ്ര॒തം വാ॑മ് ।
അച്ഛേ᳚ന്ദ്രാബ്രഹ്മണസ്പതീ ഹ॒വിര്നോഽന്നം॒ യുജേ᳚വ വാ॒ജിനാ᳚ ജിഗാതമ് ॥ 44
ഉ॒താശി॑ഷ്ഠാ॒ അനു॑ ശൃണ്വന്തി॒ വഹ്ന॑യഃ സ॒ഭേയോ॒ വിപ്രോ᳚ ഭരതേ മ॒തീ ധനാ᳚ ।
വീ॒ളു॒ദ്വേഷാ॒ അനു॒ വശ॑ ഋ॒ണമാ᳚ദ॒ദിഃ സ ഹ॑ വാ॒ജീ സ॑മി॒ഥേ ബ്രഹ്മ॑ണ॒സ്പതി॑: ॥ 45
ബ്രഹ്മ॑ണ॒സ്പതേ᳚രഭവദ്യഥാവ॒ശം സ॒ത്യോ മ॒ന്യുര്മഹി॒ കര്മാ᳚ കരിഷ്യ॒തഃ ।
യോ ഗാ ഉ॒ദാജ॒ത്സ ദി॒വേ വി ചാ᳚ഭജന് മ॒ഹീവ॑ രീ॒തിഃ ശവ॑സാസര॒ത്പൃഥ॑ക് ॥ 46
ബ്രഹ്മ॑ണസ്പതേ സു॒യമ॑സ്യ വി॒ശ്വഹാ᳚ രാ॒യഃ സ്യാ᳚മ ര॒ഥ്യോ॒ 3 വയ॑സ്വതഃ ।
വീ॒രേഷു॑ വീ॒രാഁ ഉപ॑ പൃങ്ധി ന॒സ്ത്വം യദീശാ᳚നോ॒ ബ്രഹ്മ॑ണാ॒ വേഷി॑ മേ॒ ഹവ॑മ് ॥ 47
ബ്രഹ്മ॑ണസ്പതേ॒ ത്വമ॒സ്യ യ॒ന്താ സൂ॒ക്തസ്യ॑ ബോധി॒ തന॑യം ച ജിന്വ ।
വിശ്വം॒ തദ്ഭ॒ദ്രം യദവ᳚ന്തി ദേ॒വാ ബൃ॒ഹദ്വ॑ദേമ വി॒ദഥേ॑ സു॒വീരാ᳚: ॥ 48
(ഋ.വേ.2.25.1)
ഇന്ധാ᳚നോ അ॒ഗ്നിം വ॑നവദ്വനുഷ്യ॒തഃ കൃ॒തബ്ര᳚ഹ്മാ ശൂശുവദ്രാ॒തഹ᳚വ്യ॒ ഇത് ।
ജാ॒തേന॑ ജാ॒തമതി॒ സ പ്ര സ॑ര്സൃതേ॒ യംയം॒ യുജം᳚ കൃണു॒തേ ബ്രഹ്മ॑ണ॒സ്പതി॑: ॥ 49
വീ॒രേഭി॑ര്വീ॒രാന്വ॑നവദ്വനുഷ്യ॒തോ ഗോഭീ᳚ ര॒യിം പ॑പ്രഥ॒ദ്ബോധ॑തി॒ ത്മനാ᳚ ।
തോ॒കം ച॒ തസ്യ॒ തന॑യം ച വര്ധതേ॒ യംയം॒ യുജം᳚ കൃണു॒തേ ബ്രഹ്മ॑ണ॒സ്പതി॑: ॥ 50
സിന്ധു॒ര് ന ക്ഷോദ॒: ശിമീ᳚വാഁ ഋഘായ॒തോ വൃഷേ᳚വ॒ വധ്രീം᳚ര॒ഭി വ॒ഷ്ട്യോജ॑സാ ।
അ॒ഗ്നേരി॑വ॒ പ്രസി॑തി॒ര്നാഹ॒ വര്ത॑വേ॒ യംയം॒ യുജം᳚ കൃണു॒തേ ബ്രഹ്മ॑ണ॒സ്പതി॑: ॥ 51
തസ്മാ᳚ അര്ഷന്തി ദി॒വ്യാ അ॑സ॒ശ്ചത॒: സ സത്വ॑ഭിഃ പ്രഥ॒മോ ഗോഷു॑ ഗച്ഛതി ।
അനി॑ഭൃഷ്ടതവിഷിര്ഹ॒ന്ത്യോജ॑സാ॒ യംയം॒ യുജം॑ കൃണു॒തേ ബ്രഹ്മ॑ണ॒സ്പതി॑: ॥ 52
തസ്മാ॒ ഇദ്വിശ്വേ॑ ധുനയന്ത॒ സിന്ധ॒വോഽച്ഛി॑ദ്രാ॒ ശര്മ॑ ദധിരേ പു॒രൂണി॑ ।
ദേ॒വാനാം᳚ സു॒മ്നേ സു॒ഭഗ॒: സ ഏ᳚ധതേ॒ യംയം॒ യുജം᳚ കൃണു॒തേ ബ്രഹ്മ॑ണ॒സ്പതി॑: ॥ 53
(ഋ.വേ.2.26.1)
ഋ॒ജുരിച്ഛംസോ᳚ വനവദ്വനുഷ്യ॒തോ ദേ᳚വ॒യന്നിദദേ᳚വയന്തമ॒ഭ്യ॑സത് ।
സു॒പ്രാ॒വീരിദ്വ॑നവത്പൃ॒ത്സു ദു॒ഷ്ടരം॒ യജ്വേദയ॑ജ്യോ॒ര്വി ഭ॑ജാതി॒ ഭോജ॑നമ് ॥ 54
യജ॑സ്വ വീര॒ പ്ര വി॑ഹി മനായ॒തോ ഭ॒ദ്രം മന॑: കൃണുഷ്വ വൃത്ര॒തൂര്യേ᳚ ।
ഹ॒വിഷ്കൃ॑ണുഷ്വ സു॒ഭഗോ॒ യഥാസ॑സി॒ ബ്രഹ്മ॑ണ॒സ്പതേ॒രവ॒ ആ വൃ॑ണീമഹേ ॥ 55
സ ഇജ്ജനേ᳚ന॒ സ വി॒ശാ സ ജന്മ॑നാ॒ സ പു॒ത്രൈര്വാജം᳚ ഭരതേ॒ ധനാ॒ നൃഭി॑: ।
ദേ॒വാനാം॒ യഃ പി॒തര॑മാ॒വിവാ᳚സതി ശ്ര॒ദ്ധാമ॑നാ ഹ॒വിഷാ॒ ബ്രഹ്മ॑ണ॒സ്പതി᳚മ് ॥ 56
യോ അ॑സ്മൈ ഹ॒വ്യൈര്ഘൃ॒തവ॑ദ്ഭി॒രവി॑ധത് പ്ര തം പ്രാ॒ചാ ന॑യതി॒ ബ്രഹ്മ॑ണ॒സ്പതി॑: ।
ഉ॒രു॒ഷ്യതീ॒മംഹ॑സോ॒ രക്ഷ॑തീ രി॒ഷോം॒3ഽഹോശ്ചി॑ദസ്മാ ഉരു॒ചക്രി॒രദ്ഭു॑തഃ ॥ 57
(ഋ.വേ.7.97.3)
തമു॒ ജ്യേഷ്ഠം॒ നമ॑സാ ഹ॒വിര്ഭി॑: സു॒ശേവം॒ ബ്രഹ്മ॑ണ॒സ്പതിം᳚ ഗൃണീഷേ ।
ഇന്ദ്രം॒ ശ്ലോകോ॒ മഹി॒ ദൈവ്യ॑: സിഷക്തു॒ യോ ബ്രഹ്മ॑ണോ ദേ॒വകൃ॑തസ്യ॒ രാജാ᳚ ॥ 58
(ഋ.വേ.7.97.9)
ഇ॒യം വാം᳚ ബ്രഹ്മണസ്പതേ സുവൃ॒ക്തിര്ബ്രഹ്മേന്ദ്രാ᳚യ വ॒ജ്രിണേ᳚ അകാരി ।
അ॒വി॒ഷ്ടം ധിയോ᳚ ജിഗൃ॒തം പുരം᳚ധീര്ജജ॒സ്തമ॒ര്യോ വ॒നുഷാ॒മരാ᳚തീഃ ॥ 59
(ഋ.വേ.10.155.2)
ച॒ത്തോ ഇ॒തശ്ച॒ത്താമുത॒: സര്വാ᳚ ഭ്രൂ॒ണാന്യാ॒രുഷീ᳚ ।
അ॒രാ॒യ്യം᳚ ബ്രഹ്മണസ്പതേ॒ തീക്ഷ്ണ॑ശൃങ്ഗോദൃ॒ഷന്നി॑ഹി ॥ 60
അ॒ദോ യദ്ദാരു॒ പ്ലവ॑തേ॒ സിന്ധോ᳚: പാ॒രേ അ॑പൂരു॒ഷമ് ।
തദാ ര॑ഭസ്വ ദുര്ഹണോ॒ തേന॑ ഗച്ഛ പരസ്ത॒രമ് ॥ 61
(ഋ.വേ.ഖി.10.128.12)
അഗ്നി॒ര്യേന॑ വി॒രാജ॑തി സൂ॒ര്യോ᳚ യേന വി॒രാജ॑തി ।
വി॒രാജ്യേ᳚ന വിരാ॒ജതി തേനാ॒സ്മാന് ബ്രഹ്മ॑ണസ്പതേ വി॒രാജ് സമിധം॒ കു॑രു ॥ 62
(ഋ.വേ.6.75.17)
യത്ര॑ ബാ॒ണാഃ സ॒മ്പത᳚ന്തി കുമാ॒രാ വി॑ശി॒ഖാ ഇ॑വ ।
തത്രാ᳚ നോ॒ ബ്രഹ്മ॑ണ॒സ്പതി॒രദി॑തി॒: ശര്മ॑ യച്ഛതു വി॒ശ്വാഹാ॒ ശര്മ॑ യച്ഛതു ॥ 63
(ഋ.വേ.10.164.4)
യദി॑ന്ദ്ര ബ്രഹ്മണസ്പതേഽഭിദ്രോ॒ഹം ചരാ᳚മസി ।
പ്രചേ᳚താ ന ആങ്ഗിര॒സോ ദ്വി॑ഷ॒താം പാ॒ത്വംഹ॑സഃ ॥ 64
(ഋ.വേ.10.112.9)
നി ഷു സീ᳚ദ ഗണപതേ ഗ॒ണേഷു॒ ത്വാമാ᳚ഹു॒ര്വിപ്ര॑തമം കവീ॒നാമ് ।
ന ഋ॒തേ ത്വത്ക്രി॑യതേ॒ കിം ച॒നാരേ മ॒ഹാമ॒ര്കം മ॑ഘവഞ്ചി॒ത്രമ॑ര്ച ॥ 65
(ഋ.വേ.10.60.12)
അ॒യം മേ॒ ഹസ്തോ॒ ഭഗ॑വാന॒യം മേ॒ ഭഗ॑വത്തരഃ ।
അ॒യം മേ॑ വി॒ശ്വഭേ᳚ഷജോ॒ഽയം ശി॒വാഭി॑മര്ശനഃ ॥ 66
ഓം ശാന്തി॒: ശാന്തി॒: ശാന്തി॑: ॥
Recite with devotion and pure heart
Regular practice brings spiritual benefits