Ganapati Atharvashirsha Upanishat

ōṁ bha̲draṁ karṇḗbhiḥ śr̥ṇu̲yāmá dēvāḥ । bha̲draṁ páśyēmā̲kṣabhi̲ryajátrāḥ । sthi̲rairaṅgaìstuṣṭu̲vāgṁ sásta̲nūbhíḥ । vyaśḗma dē̲vahíta̲ṁ yadāyúḥ । sva̲sti na̲ indrṓ vr̥̲ddhaśrávāḥ । sva̲sti náḥ pū̲ṣā vi̲śvavḗdāḥ । sva̲sti na̲stārkṣyō̲ aríṣṭanēmiḥ । sva̲sti nō̲ br̥ha̲spatírdadhātu ॥ ōṁ śānti̲ḥ śānti̲ḥ śāntíḥ ॥ ōṁ namástē ga̲ṇapátayē । tvamē̲va pra̲tyakṣa̲ṁ tattvámasi । tvamē̲va kē̲vala̲ṁ kartā́:’si । tvamē̲va kē̲vala̲ṁ dhartā́:’si । tvamē̲va kē̲vala̲ṁ hartā́:’si । tvamēva sarvaṁ khalvidáṁ brahmā̲si । tvaṁ sākṣādātmā́:’si ni̲tyam ॥ 1 ॥ ŕ̥taṁ va̲cmi । sátyaṁ va̲cmi ॥ 2 ॥ avá tva̲ṁ mām । avá va̲ktāram̀ । avá śrō̲tāram̀ । avá dā̲tāram̀ । avá dhā̲tāram̀ । avānūcānamáva śi̲ṣyam । avá pa̲ścāttā̀t । avá pu̲rastā̀t । avōtta̲rāttā̀t । avá dakṣi̲ṇāttā̀t । avá cō̲rdhvāttā̀t । avādha̲rāttā̀t । sarvatō māṁ pāhi pāhí sama̲ntāt ॥ 3 ॥ tvaṁ vāṅmayástvaṁ cinma̲yaḥ । tvamānandamayástvaṁ brahma̲mayaḥ । tvaṁ saccidānandādvítīyō̲:’si । tvaṁ pra̲tyakṣa̲ṁ brahmā́si । tvaṁ jñānamayō vijñānámayō̲:’si ॥ 4 ॥ sarvaṁ jagadidaṁ tváttō jā̲yatē । sarvaṁ jagadidaṁ tváttasti̲ṣṭhati । sarvaṁ jagadidaṁ tvayi layámēṣya̲ti । sarvaṁ jagadidaṁ tvayí pratyē̲ti । tvaṁ bhūmirāpō:’nalō:’nílō na̲bhaḥ । tvaṁ catvāri vā̀kpadā̲ni ॥ 5 ॥ tvaṁ gu̲ṇatráyātī̲taḥ । tvamavasthātráyātī̲taḥ । tvaṁ dē̲hatráyātī̲taḥ । tvaṁ kā̲latráyātī̲taḥ । tvaṁ mūlādhārasthitṓ:’si ni̲tyam । tvaṁ śaktitráyātma̲kaḥ । tvāṁ yōginō dhyāyánti ni̲tyam । tvaṁ brahmā tvaṁ viṣṇustvaṁ rudrastvamindrastvamagnistvaṁ vāyustvaṁ sūryastvaṁ candramāstvaṁ brahma̲ bhūrbhuva̲ḥ sva̲rōm ॥ 6 ॥ ga̲ṇādìṁ pūrvámuccā̲rya̲ va̲rṇādī̀ṁstadana̲ntáram । anusvāraḥ párata̲raḥ । ardhḕndula̲sitam । tārḗṇa r̥̲ddham । ētattava manúsvarū̲pam । gakāraḥ pū̀rvarū̲pam । akārō madhyámarū̲pam । anusvāraścā̀ntyarū̲pam । binduruttárarū̲pam । nādáḥ sandhā̲nam । sagṁhítā sa̲ndhiḥ । saiṣā gaṇḗśavi̲dyā । gaṇáka r̥̲ṣiḥ । nicr̥dgāyátrīccha̲ndaḥ । gaṇapatírdēva̲tā । ōṁ gaṁ ga̲ṇapátayē namaḥ ॥ 7 ॥ ēkada̲ntāyá vi̲dmahḗ vakratu̲ṇḍāyá dhīmahi । tannṓ dantiḥ pracō̲dayā̀t ॥ 8 ॥ ēkada̲ntaṁ cáturha̲sta̲ṁ pā̲śamáṅkuśa̲ dhāríṇam । radáṁ ca̲ varádaṁ ha̲stai̲rbi̲bhrāṇáṁ mūṣa̲kadhvájam । raktáṁ la̲ṁbōdáraṁ śū̲rpa̲ka̲rṇakáṁ rakta̲vāsásam । raktága̲ndhānúliptā̲ṅga̲ṁ ra̲ktapúṣpaiḥ su̲pūjítam । bhaktā́nu̲kampínaṁ dē̲va̲ṁ ja̲gatkā́raṇa̲macyútam । āvírbhū̲taṁ cá sr̥̲ṣṭyā̲dau̲ pra̲kr̥tḕḥ puru̲ṣātpáram । ēváṁ dhyā̲yatí yō ni̲tya̲ṁ sa̲ yōgī́ yōgi̲nāṁ váraḥ ॥ 9 ॥ namō vrātapatayē । namō gaṇapatayē । namaḥ pramathapatayē । namastē:’stu laṁbōdarāyaikadantāya vighnanāśinē śivasutāya varadamūrtayē̲ namáḥ ॥ 10 ॥ ētadatharvaśīrṣáṁ yō:’dhī̲tē । sa brahmabhūyā́ya ka̲lpatē । sa sarvavighnaìrna bā̲dhyatē । sa sarvatra sukhámēdha̲tē । sa pañcamahāpāpā̀t pramu̲cyatē । sā̲yamádhīyā̲nō̲ divasakr̥taṁ pāpáṁ nāśa̲yati । prā̲tarádhīyā̲nō̲ rātrikr̥taṁ pāpáṁ nāśa̲yati । sāyaṁ prātaḥ práyuñjā̲nō̲ pāpō:’pā́pō bha̲vati । sarvatrādhīyānō:’pavíghnō bha̲vati । dharmārthakāmamōkṣáṁ ca vi̲ndati । idamatharvaśīrṣamaśiṣyāyá na dē̲yam । yō yadi mṓhāddā̲syati । sa pāpī́yān bha̲vati । sahasrāvartanādyaṁ yaṁ kāmámadhī̲tē । taṁ tamanḗna sā̲dhayēt ॥ 11 ॥ anēna gaṇapatimábhiṣi̲ñcati । sa vā́gmī bha̲vati । caturthyāmanáśnan ja̲pati sa vidyā́vān bha̲vati । ityatharváṇa vā̲kyam । brahmādyā̲varáṇaṁ vi̲dyānna bibhēti kadā́canē̲ti ॥ 12 ॥ yō dūrvāṅkúrairya̲jati sa vaiśravaṇōpámō bha̲vati । yō lā́jairya̲jati sa yaśṓvān bha̲vati । sa mēdhā́vān bha̲vati । yō mōdakasahasrḗṇa ya̲jati sa vāñchita phalamávāpnō̲ti । yaḥ sājya samídbhirya̲jati sa sarvaṁ labhatē sa sárvaṁ la̲bhatē ॥ 13 ॥ aṣṭau brāhmaṇān samyag grā́hayi̲tvā sūryavarcásvī bha̲vati । sūryagrahē máhāna̲dyāṁ pratimā sannidhau vā ja̲ptvā siddhamántrō bha̲vati । mahāvighnā̀t pramu̲cyatē । mahādōṣā̀t pramu̲cyatē । mahāpratyavāyā̀t pramu̲cyatē । sa sarvavidbhavati sa sarvávidbha̲vati । ya ḗvaṁ vē̲da । ityúpa̲niṣát ॥ 14 ॥ ōṁ śānti̲ḥ śānti̲ḥ śāntíḥ ॥ ōṁ bha̲draṁ karṇḗbhiḥ śr̥ṇu̲yāmá dēvāḥ । bha̲draṁ páśyēmā̲kṣabhi̲ryajátrāḥ । sthi̲rairaṅgaìstuṣṭu̲vāgṁ sásta̲nūbhíḥ । vyaśḗma dē̲vahíta̲ṁ yadāyúḥ । sva̲sti na̲ indrṓ vr̥̲ddhaśrávāḥ । sva̲sti náḥ pū̲ṣā vi̲śvavḗdāḥ । sva̲sti na̲stārkṣyō̲ aríṣṭanēmiḥ । sva̲sti nō̲ br̥ha̲spatírdadhātu ॥ ōṁ śānti̲ḥ śānti̲ḥ śāntíḥ ॥

Recite with devotion and pure heart

Regular practice brings spiritual benefits

More Vedic chants of Ganapati: